حیدرآباد میں نصب اپنے مجسمے کو دیکھ کر وسیم اکرم خاموش نہ رہ سکے، سوشل میڈیا پر کیا کہا؟
اشاعت کی تاریخ: 12th, June 2025 GMT
پاکستان کے لیجنڈری فاسٹ بولر اور سوئنگ کے سلطان کہلائے جانے والے وسیم اکرم کو خراج عقیدت پیش کرنے کے لیے حال ہی میں نیاز اسٹیڈیم حیدرآباد میں ان کا مجسمہ نصب کیا گیا۔ مجسمے کی تصاویر سوشل میڈیا پر وائرل ہوئیں تو صارفین کی جانب سے اس پر اظہار برہمی کیا گیا۔
کئی صارفین نے مجسمے کی شکل و شباہت پر تنقید کرتے ہوئے اسے ’ٹیمو‘ سے آڈر کیا گیا وسیم اکرم کا مجسمہ قرار دیا۔ کئی صارفین نے کہا کہ یہ مجسمہ شکل سے کسی صورت بھی وسیم اکرم جیسا نہیں لگتا تاہم اس میں وسیم اکرم کے بائیں ہاتھ کے بولنگ ایکشن کو کاپی کیا گیا ہے اور مجسمے کو پاکستانی کرکٹ ٹیم کا 1999 کے ورلڈ کپ کا لباس پہنایا گیا۔
اس پر ردعمل دیتے ہوئے اب وسیم اکرم نے سوشل میڈیا پر اپنے مجسمے کے ساتھ ایک شیر کے مجسمے کی تصویر شیئر کی ہے اور ساتھ لکھا ہے کہ میرے نیاز اسٹیڈیم، حیدرآباد میں نصب ہونے والے مجسمے پر کافی بات ہو رہی ہے۔ ساتھ ہی انہوں نے کہا کہ ’میرا مجسمہ تو یقینی طور پر شیر سے بہتر ہے‘۔
ساتھ ہی انہوں نے لکھا کہ ویسے اصل چیز تو خیال ہوتا ہے۔ اس کے تخلیق کاروں کو کریڈٹ جاتا ہے ان کی محنت کو مکمل نمبر ملنے چاہئیں۔ اور تمام شامل افراد کا شکریہ بھی ادا کرتا ہوں۔
Lots of talk about my sculpture being erected at Naiz stadium Hyderabad “Mine is definitely better than the tiger”, btw it’s the idea that matters credit to the creators & full marks for the effort and thanks to everyone involved… pic.
— Wasim Akram (@wasimakramlive) June 12, 2025
عبداللہ سلطان نے وسیم اکرم کی پوسٹ پر تبصرہ کرتے ہوئے کہا کہ ان جیسے لیجنڈز کو پرفیکٹ مجسموں کی ضرورت نہیں ہوتی۔ وہ اپنے مداحوں کے دلوں میں ہمیشہ زندہ رہتے ہیں۔
Legends like Wasim don’t need perfect statues; they live forever in the hearts of their fans. https://t.co/X2wnc6VM7U
— ???????????????????????????????? ????????????????????????⁵⁶ (@Abdullahs_56) June 12, 2025
ذیشان بیگ نے وسیم اکرم کو مخاطب کرتے ہوئے لکھا کہ دل جیتنا تو آپ کو آتا ہے۔
Waseem uncle Dil jeetna tu aap ko aata ha.
— Zeeshan BaiG (@MZA_BaiG) June 12, 2025
جبین رضوی لکھتی ہیں کہ یہ مجسمہ ظاہر کرتا ہے کہ وسیم اکرم کو صرف ایک بار ہی بنایا جا سکتا ہے۔ حمید خان نے کہا کہ کام کو بجٹ کے حساب سے ہی مکمل کیا گیا ہے۔ جبکہ ایک صارف کا کہنا تھا کہ وسیم اکرم ہر چیز کو اچھی طرح کور کر لیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیمو وسیم اکرم وسیم اکرم مجسمہذریعہ: WE News
کلیدی لفظ: ٹیمو وسیم اکرم وسیم اکرم مجسمہ وسیم اکرم کیا گیا کہا کہ
پڑھیں:
ہانیہ عامر کی عاصم اظہر کی سالگرہ میں شرکت
معروف اداکارہ ہانیہ عامر اور گلوکار عاصم اظہر ایک بار پھر سوشل میڈیا کی توجہ کا مرکز بن گئے، عاصم اظہر کی 29ویں سالگرہ کی تقریب میں ہانیہ عامر کی شرکت نے مداحوں کو حیران کر دیا۔
ہانیہ عامر پاکستان کی صفِ اول کی اداکاراؤں میں شمار ہوتی ہیں، جنہیں ان کی بہترین اداکاری اور دلکش شخصیت کے باعث بے حد پسند کیا جاتا ہے، دوسری جانب عاصم اظہر اپنی سریلی آواز اور کامیاب گیتوں کی بدولت پاکستانی میوزک انڈسٹری میں نمایاں مقام رکھتے ہیں۔
دونوں کے درمیان 2018 سے 2020 تک گہری دوستی رہی اور وہ اکثر تقریبات اور سوشل میڈیا پر ایک ساتھ نظر آتے تھے، ان کی قربت نے اُن دنوں میں ان کے تعلقات کی افواہوں کو ہوا دی، جس کی کبھی باقاعدہ تردید یا تصدیق نہیں کی گئی، تاہم بعدازاں دونوں کے درمیان دوری پیدا ہوئی اور عاصم اظہر نے اداکارہ میرب علی سے منگنی کرلی۔
حال ہی میں ہانیہ عامر اور عاصم اظہر کو مختلف تقریبات میں دوبارہ ایک ساتھ دیکھا گیا، حتیٰ کہ انہوں نے ایک جیسے زیورات بھی پہنے، عاصم اظہر نے اپنی سالگرہ سے قبل ایک دھندلی تصویر پوسٹ کی جس میں مداحوں کا خیال ہے کہ ہانیہ عامر بھی موجود تھیں، اسے سوشل میڈیا صارفین نے اُن کے تعلق کی نئی شروعات کا اشارہ قرار دیا۔
View this post on InstagramA post shared by SaherScooop (@saher.scooop)
گزشتہ رات عاصم اظہر کی سالگرہ کی تقریب میں ہانیہ عامر بھی شریک ہوئیں، تقریب کی نجی ویڈیوز مشہور انسٹاگرام بلاگر Saher.Scoooop نے شیئر کیں، جس میں دونوں ایک ہی مقام پر موجود تھے، اگرچہ انہوں نے ایک ساتھ تصاویر نہیں بنوائیں۔
سوشل میڈیا پر صارفین کی جانب سے ملا جلا ردعمل سامنے آیا ہے، کچھ نے میرب علی کے لیے ہمدردی کا اظہار کرتے ہوئے لکھا کہ میرب اس سے بہتر کی حقدار ہیں، جبکہ کچھ صارفین کا کہنا تھا کہ یہ دونوں سب کو بے وقوف بنا رہے ہیں، ایک صارف نے طنزیہ انداز میں تبصرہ کیا کہ یہ انٹرنیٹ کا سب سے بہترین ڈرامہ ہے۔
کراچی، نادرن بائی پاس پر پلاسٹک کے گودام میں آگ لگ گئی