ملک کے بالائی علاقوں میں گرج چمک کے ساتھ بارش کی پیشگوئی، میدانی علاقوں میں شدید گرمی متوقع
اشاعت کی تاریخ: 14th, June 2025 GMT
اسلام آباد میں واقع نیشنل ویڈر فورکاسٹنگ سینتر کی جانب سے جاری کردہ پیش گوئی کے مطابق ملک کے مختلف علاقوں میں جزوی طور پر ابر آلود موسم رہنے کے ساتھ ساتھ گرد آلود ہوائیں، بارش اور گرج چمک کے ساتھ بعض مقامات پر ژالہ باری کا امکان ہے۔
فراہم کردہ ایڈوائزری کے مطابق ہفتہ کے روز خیبرپختونخوا، کشمیر ، گلگت بلتستان، شمال مشرقی بلوچستان، وسطی اور جنوبی پنجاب سمیت بالائی سندھ میں مطلع جزوی ابر آلود رہنے کے علاوہ آندھی و جھکڑ چلنے اور گرج چمک کے ساتھ چند مقامات پر بارش کا امکان ہے۔
’خیبر پختونخوا، کشمیر، گلگت بلتستان، شمال مشرقی بلوچستان، وسطی و جنوبی پنجاب اور بالائی سندھ کے چند مقامات پر یہ موسمی حالات دیکھنے میں آ سکتے ہیں جبکہ ملک کے دیگر علاقوں میں موسم شدید گرم اور خشک رہنے کی توقع ہے۔‘
یہ بھی پڑھیں:گرمی کے ستائے شہریوں کے لیے اچھی خبر، آج سے 16 جون کے دوران موسلادھار بارشوں کی پیشگوئی
دوسری جانب محکمہ موسمیات کے انتباہ کے مطابق 14 سے 16 جون کے دوران آندھی، جھکڑ، ژالہ باری، گرج چمک اور تیز موسلادھار بار ش کے باعث کمزور انفرا اسٹرکچر جیسے بجلی کے کھمبے، درخت ، گاڑیوں، سولر پینل وغیرہ کو نقصان پہنچنے کا اندیشہ ظاہر کیا گیا ہے-
محکمہ موسمیات کی جانب سے ملک کے دیگر حصوں میں موسم شدید گرم اور خشک رہنے کا امکان ظاہر کرتے ہوئے شہریوں کو احتیاطی تدابیر اختیار کرنے کی ہدایت کی گئی ہے۔
اتوار کے روز خیبرپختونخوا، ، گلگت بلتستان بالائی /جنوب مشرقی سندھ ، شمال مشرقی /جنوب مشرقی بلوچستان، پنجاب،اسلام آباد اور کشمیر میں مطلع جزوی ابر آلود رہنے کے علاوہ آندھی /جھکڑ چلنے اور گرج چمک کے ساتھ چند مقامات پر بارش کا امکان ۔اس دوران بعض مقامات پر ژالہ باری ہو سکتی ہے ۔ ملک کے دیگر علاقوں میں موسم شدیدگرم اور خشک رہنے کی توقع ہے۔
گزشتہ 24 گھنٹوں کا موسمگزشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔ تاہم بالائی پنجاب ،با لائی خیبرپختونخوا ، کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش پنجاب کے ضلع گجرات میں 12 ملی میٹر، منگلا میں 6، سیالکوٹ ایئرپورٹ 4 اور سٹی 2، اسلام آباد سٹی 2 اور سید پور 1 اور مری میں 1 ملی میٹر بارش ریکارڈ کی گئی، خیبر پختونخوا کے علاقے مالم جبہ میں 10 ملی میٹر، کالام میں 6، دیر بالا میں 2، میر خانی، دروش میں 2، چترال میں 1، جبکہ کشمیر کے شہر راولاکوٹ میں 2 اور گلگت بلتستان کے علاقے گوپس میں 1 ملی میٹر بارش ریکارڈ کی گئی۔
گزشتہ روز ریکارڈ کیا گیا سب زیادہ سے زیادہ درجہ حرارت جیکب آباد میں 51 ڈگری سینٹی گریڈ جبکہ بہاولنگر، تربت، لسبیلہ، سبی، موہنجو داڑو 49 ڈگری سینٹی گریڈ رہا، دادو، روہڑی، نورپورتھل، بھکر، سرگودھا، ساہیوال، بہاولنگر اور سکھر میں 48ڈگری سینٹی گریڈ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انفرا اسٹرکچر جزوی ابر آلود درجہ حرارت سیالکوٹ سید پور گلگت بلتستان مری مطلع موسلادھار بار ش موسم.
ذریعہ
ذریعہ: WE News
کلیدی لفظ: انفرا اسٹرکچر جزوی ابر آلود سیالکوٹ سید پور گلگت بلتستان موسلادھار بار ش اور گرج چمک کے ساتھ چند مقامات پر گلگت بلتستان گرم اور خشک علاقوں میں ریکارڈ کی ابر آلود ملی میٹر کا امکان ملک کے
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع