ایران و اسرائیل میں خفیہ جنگ شدت اختیار کر گئی، دونوں جانب سے مبینہ جاسوس گرفتار
اشاعت کی تاریخ: 15th, June 2025 GMT
data-id="863a0a8" data-element_type="widget" data-widget_type="theme-post-content.default">
تہران/تل ابیب:ایران اور اسرائیل کے درمیان جاری خفیہ جنگ نے ایک نیا رخ اختیار کر لیا ہے، جہاں دونوں ممالک نے ایک دوسرے کے لیے جاسوسی کرنے کے شبہے میں متعدد افراد کو گرفتار کیا ہے، کشیدہ صورتحال کے دوران دونوں جانب خفیہ کارروائیاں تیز ہو گئی ہیں۔
عالمی میڈیا رپورٹس کے مطابق ایرانی انٹیلی جنس یونٹ نے ہفتے کے روز صوبہ البرز سے دو افراد کو گرفتار کیا ہے جن پر اسرائیلی خفیہ ایجنسی موساد کے لیے جاسوسی کا الزام ہے،دونوں افراد ایک سیف ہاؤس میں چھپے ہوئے تھے اور وہاں دھماکہ خیز مواد اور دیگر خفیہ الیکٹرانک آلات کی تیاری میں مصروف تھے۔
ایرانی حکام کا کہنا ہے کہ گرفتار افراد سے تفتیش جاری ہے اور ان کے اعترافی بیانات اور مزید تفصیلات جلد عوام کے سامنے لائی جائیں گی۔ اس سے قبل ایرانی فورسز نے وسطی شہر یزد سے بھی پانچ افراد کو گرفتار کیا تھا، جن پر اسرائیلی کمانڈوز اور ڈرونز کو ایرانی حدود میں داخل ہونے میں معاونت کرنے کا الزام تھا، ان افراد پر اسرائیل کے لیے خفیہ تصاویر لینے اور مخبری کرنے کا بھی الزام ہے۔
دوسری جانب اسرائیل کی داخلی خفیہ ایجنسی شاباک (شین بیت) اور پولیس نے ایران کے لیے جاسوسی کے شبہے میں دو افراد کو گرفتار کیا ہے، ان گرفتاریوں کی مزید تفصیلات جاری کرنے پر عدالتی پابندی عائد کر دی گئی ہے، یہ واضح کیا گیا ہے کہ گرفتاریاں ایران پر اسرائیلی حملوں کے آغاز کے ایک روز بعد عمل میں آئیں۔
خیال رہےکہ ایران اور اسرائیل کے درمیان حالیہ دنوں میں کشیدگی اپنے عروج پر ہے، ایران نے اسرائیلی حملوں کے جواب میں گزشتہ شب اسرائیل کے مختلف شہروں پر ڈرونز اور بیلسٹک میزائلوں سے حملے کیے، جن کے نتیجے میں کم از کم 14 اسرائیلی ہلاک اور 200 سے زائد زخمی ہوئے۔
یہ حملے اسرائیل کی جانب سے ایران کی جوہری اور دفاعی تنصیبات پر حملوں کے بعد کیے گئے، جن میں متعدد سائنسدان اور اعلیٰ فوجی افسران مارے گئے تھے۔ ایران نے ان حملوں کو “خود پر مسلط کی گئی جنگ کا ردعمل” قرار دیا ہے اور خبردار کیا ہے کہ مزید جارحیت کی صورت میں اس کا جواب پہلے سے زیادہ سخت ہوگا۔
.ذریعہ: Jasarat News
کلیدی لفظ: افراد کو گرفتار کیا اسرائیل کے پر اسرائیل کے لیے کیا ہے
پڑھیں:
کوئٹہ میں باپ پر 17 سالہ بیٹی کے ساتھ مبینہ طور پر جنسی زیادتی کا الزام، ملزم گرفتار
کوئٹہ کے علاقے خروٹ آباد میں باپ نے 17 سالہ بیٹی کو مبینہ طورپر جنسی زیادتی کا نشانہ بنا دیا۔
کوئٹہ پولیس نے کہا ہے کہ متاثرہ لڑکی نے والدہ کے ساتھ تھانے میں آکر مقدمہ درج کروایا۔
پولیس کے مطابق متاثرہ لڑکی کے والد عبدالمنان کو گرفتار کرلیا گیا۔
یہ بھی پڑھیے: نوشہرو فیروز میں لڑکی کو اغوا اور زیادتی کے بعد قتل کیس میں جرگے کا کیا کردار رہا؟
واقعے کے بعد متاثرہ لڑکی اور ان کے والد کے ڈی این اے کے نمونےحاصل کرلیے گئے ہیں جبکہ پولیس کے مطابق واقعے سے متعلق تحقیقات جاری ہیں۔
دوسری طرف قصور میں بچی کے ساتھ نازیبا حرکت کرنے والے ملزم کو پنجاب پولیس نے زخمی حالت میں گرفتار کرلیا ہے۔
ناکام ’’پریشن سندور‘‘کا دعویٰ ایک بار پھر جھوٹا ثابت، امریکی صدر کے ہاتھوں بھارت کو سبکی کا سامنا