ٹرمپ انتظامیہ کا مزید 36 ممالک پر سفری پابندی لگانے کا منصوبہ
اشاعت کی تاریخ: 16th, June 2025 GMT
واشنگٹن (اُردو پوائنٹ اخبارتازہ ترین - این این آئی۔ 16 جون2025ء)امریکی صدر ڈونلڈ ٹرمپ کی انتظامیہ نے امریکا میں داخلے پر عائد سفری پابندیوں کا دائرہ مزید 36 ممالک تک بڑھانے پر غور شروع کر دیا ہے۔ اس سے قبل اسی ماہ ٹرمپ انتظامیہ 12 ممالک کے شہریوں پر امریکا داخلے پر پابندی عائد کر چکی ہے۔
(جاری ہے)
غیر ملکی خبر رساں ادارے کے مطابق امریکی محکمہ خارجہ کی ایک خفیہ کیبل کے ذریعے بتایا گیا ہے کہ یہ ممکنہ اقدام صدر ٹرمپ کی غیر قانونی امیگریشن کے خلاف مہم کا اگلا مرحلہ ہو گا۔
رپورٹ کے مطابق اس نئی پالیسی کے تحت جن ممالک کو پابندیوں کا سامنا ہو سکتا ہے ان میں 25 افریقی ممالک شامل ہیں، جن میں امریکا کے قریبی اتحادی مصر اور جیبوتی بھی شامل ہیں۔ اس کے علاوہ کیریبین، وسطی ایشیا اور بحرالکاہل کے جزائر بھی ممکنہ طور پر متاثر ہوں گے۔.ذریعہ: UrduPoint
کلیدی لفظ: تلاش کیجئے
پڑھیں:
ٹرمپ نے ایران کے سپریم لیڈر کو قتل کرنے کا اسرائیلی منصوبہ مسترد کردیا، امریکی عہدیدار
واشنگٹن:امریکی عہدیداروں نے کہا ہے کہ صدر ڈونلڈ ٹرمپ نے ایران کے سپریم لیڈر آیت اللہ خامنہ ای کو قتل کرنے کا اسرائیلی منصوبہ مسترد کردیا تھا۔
غیرملکی خبرایجنسی کی رپورٹ کے مطابق امریکی انتظامیہ کے دو سینئر ذرائع نے بتایا کہ اسرائیل نے آیت اللہ خامنہ ای کو قتل کرنے کا منصوبہ بنایا تھا لیکن صدر ٹرمپ نے اس کو مسترد کردیا۔
ذرائع نے کہا کہ کیا ایرانیوں نے امریکیوں کو اب تک قتل کیا ہے، نہیں، تو جب تک وہ ایسا نہیں کرتے اس وقت تک ہم سیاسی قیادت کے پیچھے جانے کی بات تک نہیں کریں گے۔
شناخت ظاہر نہ کرنے کی شرط پر امریکی عہدیداروں نے بتایا کہ امریکی عہدیدار جب سے ایران پر ان کا جواہری پروگرام روکنے کے لیے وحشیانہ حملے شروع کیے گئے ہیں اس دن سے اسرائیلی عہدیداروں سے مسلسل رابطے میں ہیں۔
انہوں نے بتایا کہ اسرائیلی عہدیداروں نے رپورٹ کیا کہ ان کے پاس ایران کی اعلیٰ قیادت کو قتل کرنے کا موقع ہے لیکن ٹرمپ نے اس منصوبے کو مسترد کردیا۔
امریکی عہدیداروں نے یہ واضح نہیں کیا کہ آیا ٹرمپ نے یہ پیغام براہ راست خود پہنچایا تھا لیکن ٹرمپ خود براہ راست اسرائیلی وزیراعظم بینجمن نیتن یاہو سے مسلسل رابطے میں ہیں۔
قبل ازیں اسرائیلی وزیراعظم نیتن یاہو نے ایک انٹرویو میں کہا تھا کہ ہم وہ وہی کرتے ہیں جس کی ہمیں کرنے کی ضرورت ہوتی ہے اور ہم وہی کریں گے جو ہمیں کرنا ہے اور میرے خیال میں امریکا جانتا ہے کہ اس کے لیے کیا اچھا ہے۔
رپورٹ کے مطابق امریکی صدر ڈونلڈ ٹرمپ کو امید ہے کہ ایران کے جوہری پروگرام پر ان کے مذاکرات دوبارہ شروع ہوں گے جبکہ اتوار کو شیڈول مذاکرات اسرائیل کے ساتھ کشیدگی کے باعث ملتوی کردیے گئے ہیں۔
ریٹائرڈ سرکاری ملازمین کی پنشن میں صرف 7 فیصد اضافے کا فیصلہ