آپریشن وعدہ صادق سوم کی دسویں لہر :ایران کا اسرائیل پر ایک اور بڑا حملہ، پاسداران انقلاب کا اسرائیلی فضاؤں پر مکمل کنٹرول کا دعویٰ
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
تہران / تل ابیب: مشرق وسطیٰ میں کشیدگی انتہائی خطرناک سطح پر پہنچ گئی ہے، ایران نے “آپریشن وعدہ صادق سوم” کے تحت اسرائیل پر حملوں کی دسویں لہر کا آغاز کر دیا، جس میں بیس سے زائد میزائل فائر کیے گئے، پاسدارانِ انقلاب نے دعویٰ کیا ہے کہ انہوں نے مقبوضہ علاقوں کی فضاؤں پر مکمل کنٹرول حاصل کر لیا ہے جبکہ اسرائیل کے دفاعی نظام کو غیر مؤثر قرار دیا ہے۔
عالمی میڈیا رپورٹس کےمطابق ایرانی میزائلوں کے تازہ حملے کے بعد پورے اسرائیل میں خطرے کے سائرن بجنے لگے، خصوصاً تل ابیب، حیفہ اور دیگر اہم شہروں میں خوف و ہراس کی فضا ہے، حملے کے بعد تل ابیب میں زوردار دھماکوں کی آوازیں سنائی دیں، ایک پارکنگ ایریا میں آگ بھڑک اٹھی اور کئی عمارتوں کو شدید نقصان پہنچا، شہریوں کو فوری طور پر بنکرز میں منتقل ہونے کی ہدایات جاری کی گئیں۔
پاسداران انقلاب کے ترجمان جنرل علی محمد نے کہا کہ یہ “آپریشن وعدہ صادق سوم” کی نویں اور دسویں لہر ہے جو جاری رہے گی، ایران دشمن کو ایک لمحہ بھی امن نہیں لینے دے گا اور حملے اس وقت تک جاری رہیں گے جب تک مقبوضہ علاقوں سے مکمل انتقام نہ لے لیا جائے۔
ایرانی میڈیا کے مطابق حملے میں جدید “فتح میزائل” استعمال کیے گئے جو اسرائیلی دفاعی نظام کو چیرتے ہوئے اپنے اہداف پر کامیابی سے گرے، حملے میں حیفہ ریفائنری کو بھی نشانہ بنایا گیا، جسے مکمل طور پر بند کر دیا گیا ہے، جبکہ وہاں تین ملازمین ہلاک اور متعدد زخمی ہوئے ہیں، اس کے علاوہ حیفہ پاور پلانٹ کو بھی نشانہ بنایا گیا، جس کے نتیجے میں آگ بھڑک اٹھی۔
ایرانی سیکیورٹی کونسل کا کہنا ہے کہ یہ چوتھا دن اسرائیل کے لیے “انتہائی خطرناک” ثابت ہوگا اور اسرائیل کو رات کے وقت دن کا منظر دکھائی دے گا، اسرائیل کے اندر گہرائی میں اہداف کو نشانہ بنا رہے ہیں اور ان کے حملے صرف شروعات ہیں۔
دوسری جانب اسرائیلی وزیراعظم بن یامین نیتن یاہو نے دعویٰ کیا ہے کہ ایران کے خلاف بڑے حملے کیے جائیں گے اور تہران کے شہریوں کو فوری انخلا کی ہدایت جاری کر دی گئی ہے۔
خیال رہےکہ صورتحال مسلسل بگڑتی جا رہی ہے اور خطے میں ایک بڑے تصادم کا خطرہ مزید سنگین ہوتا جا رہا ہے، عالمی برادری نے دونوں ممالک سے تحمل کا مظاہرہ کرنے کی اپیل کی ہے، تاہم زمینی حقائق کسی بڑے اور فیصلہ کن تصادم کی نشاندہی کر رہے ہیں۔
.
ذریعہ
ذریعہ: Jasarat News
پڑھیں:
امریکا، اسرائیل کو جارحیت کے دوران ایرانی فضائی دفاع نے بھاری نقصان پہنچایا، ایرانی کمانڈر
ایران کی ایئرڈیفنس کے جوائنٹ ہیڈکوارٹرز کے کمانڈر بریگیڈیئر جنرل علی رضا الہامی نے کہا ہے کہ امریکا اور اسرائیل کو جنگ بندی سے قبل جارحیت کے دوران فضائی جنگی صلاحیت اور آلات کو بڑا نقصان پہنچایا۔
ایرانی میڈیا کی رپورٹ کے مطابق بریگیڈیئر جنرل علی رضا الہامی نے ایک انٹرویو میں کہا کہ امریکا اور اسرائیل کو جنگ کے دوران جدید ڈرونز سمیت جنگی آلات کی مد میں کروڑ ڈالر کا نقصان پہنچایا۔
علی رضا الہامی نے کہا کہ امریکا اور اسرائیل کو پہنچنے والے نقصانات سے انہیں ایران کے اندر اپنے اہداف کی نشان دہی اور نشانہ بنانے کی صلاحیت پر بدترین اثر پڑا اور اس کے نتیجے میں فضائی کارروائی کی صلاحیت محدود ہوگئی۔
انہوں نے کہا کہ ایران نے منفرد اور مؤثر جواب کے لیے ڈسپرشن، الیکٹرونک ڈسپشن اور درست نشانہ پر حملوں جیسی ذہین حکمت عملیوں کا استعمال کیا گیا، دشمن کے فضائی حملوں کے اثرات کو نمایاں طور پر کم کر دیا اور اس کی ڈرون صلاحیتوں کو بھی کمزور کر دیا۔
کمانڈر نے کہا کہ ایرانی ایئرڈیفنس نے امریکا اور اسرائیل کے ایئرکرافٹ، ایم کیو-9 ریپر، ہرمیس 900، آربیٹر، لیوکاس اور ہیرمس 450 اور جنگی لڑاکا طیاروں کی فلیٹ کا مقابلہ کرنے کے لیے ریڈار ڈیٹا پروسیسنگ اور دیگر ٹیکنالوجی کا استعمال کیا، دشمن کو اپنے فائر پاور اور جدید ٹیکنالوجی پر انحصار تھا۔
علی رضا الہامی نے کہا کہ ایران کے جدید اور مربوط فضائی دفاعی نیٹ ورک نے حملہ آور دشمنوں کی فضائی قوت کو ایسا بھاری نقصان پہنچایا جو فضائی جنگوں کی تاریخ کے بدترین نقصانات میں شمار ہوتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ