محکمہ موسمیات کی پری مون سون بارشوں کی پیشگوئی
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: محکمہ موسمیات نے ملک میں 20 جون سے 24 جون تک پری مون سون بارشوں کا سلسلہ شروع ہونے کی پیش گوئی کی ہے، جس کے دوران مختلف علاقوں میں موسلادھار بارشوں کے ساتھ تیز ہوائیں اور ژالہ باری کا امکان بھی ظاہر کیا گیا ہے۔
محکمہ موسمیات کے مطابق 20 تا 23 جون کے دوران اسلام آباد، مری، گلیات، کشمیر اور گلگت بلتستان سمیت شمالی علاقوں میں وقفے وقفے سے بارشوں کا امکان ہے۔ پنجاب کے شہروں راولپنڈی، اٹک، چکوال، سرگودھا، منڈی بہاؤالدین، گجرات اور سیالکوٹ بھی اس بارش کے دائرے میں آئیں گے۔
اس کے علاوہ فیصل آباد، نارووال، جھنگ، ہری پور، ایبٹ آباد، مانسہرہ، چترال، دیر، سوات اور مالاکنڈ سمیت خیبرپختونخوا کے کئی اضلاع میں گرج چمک کے ساتھ بارش متوقع ہے، جب کہ پشاور، مردان اور صوابی میں بھی موسم خوشگوار ہونے کی نوید ہے۔
محکمہ موسمیات نے خبردار کیا ہے کہ 22 تا 24 جون کے درمیان سندھ کے بالائی علاقے جیسے سکھر، لاڑکانہ، دادو اور جیکب آباد آندھی اور گرج چمک کے ساتھ بارش کی لپیٹ میں آسکتے ہیں۔ بلوچستان کے اضلاع ژوب، بارکھان، موسیٰ خیل اور قلات میں بھی بارشوں کے امکانات موجود ہیں۔
موسمیاتی ادارے نے تنبیہ کی ہے کہ اس دوران تیز ہوائیں چلنے، ژالہ باری اور آندھی کے باعث درختوں کے گرنے، کمزور دیواروں کے منہدم ہونے اور سولر پینلز کو نقصان پہنچنے کا خدشہ ہے، لہٰذا عوام سے اپیل ہے کہ موسم کی صورتحال کو مدنظر رکھتے ہوئے احتیاطی تدابیر اختیار کریں اور غیر ضروری نقل و حرکت سے گریز کریں۔
.
ذریعہ
ذریعہ: Jasarat News
کلیدی لفظ: محکمہ موسمیات
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار