اسکردو ایئرپورٹ کا ایک دن میں 14 پروازیں آپریٹ کرنے کا نیا ریکارڈ
اشاعت کی تاریخ: 20th, June 2025 GMT
---فائل فوٹو
اسکردو ایئرپورٹ نے ایک دن میں 14 پروازیں آپریٹ کر کے نیا ریکارڈ قائم کر دیا۔
ملک کے شمالی علاقہ جات میں ٹورازم کو غیر معمولی فروغ حاصل ہو رہا ہے، بدھ کے روز اسکردو ایئرپورٹ پر مجموعی طور پر 16 پروازیں شیڈول تھیں، جس میں سے 14 مقامی پروازیں کامیابی سے آپریٹ کی گئیں۔
پاکستان ایئرپورٹس اتھارٹی کے مطابق پی آئی اے کی 4 اور ایئر بلیو کی 3 پروازیں اسکردو پہنچیں جس میں کراچی، لاہور اور اسلام آباد کی پروازیں شامل تھیں۔
اسلام آبادساڑھے7 ہزار فٹ بلندی پر قائم اسکردو.
اتھارٹی نے بتایا کہ اسکردو سے لاہور، کراچی اور اسلام آباد کے لیے بھی 7 پروازیں روانہ ہوئیں، جس سے ملک کے 3 بڑے شہروں اور اسکردو کے درمیان فضائی آمدورفت میں غیر معمولی اضافہ دیکھنے میں آیا۔
حکام کا کہنا ہے کہ اسکردو میں پروازوں کی تعداد میں یہ تیزی، علاقے میں سیاحت کے فروغ اور مقامی معیشت کے بہتر مستقبل کی نشاندہی کرتی ہے۔
ایئرپورٹس اتھارٹی کے مطابق فلائٹس میں اضافے سے ناصرف سیاحوں کو آسان رسائی حاصل ہو رہی ہے بلکہ اسکردو کو ایک بین الاقوامی سیاحتی مقام کے طور پر فروغ بھی مل رہا ہے، جس سے مقامی معیشت کو فائدہ پہنچے گا۔
ذریعہ: Jang News
پڑھیں:
لاہور سے پیرس کے لیے براہِ راست پرواز کا آغاز، فرانسیسی سفیر کی تقریب میں شرکت
علامہ اقبال انٹرنیشنل ایئرپورٹ لاہور سے فرانس کے دارالحکومت پیرس کے لیے پاکستان انٹرنیشنل ایئرلائن (پی آئی اے) کی براہِ راست پرواز کا باضابطہ آغاز ہوگیا۔
اس موقع پر ایک پروقار افتتاحی تقریب منعقد ہوئی، جس میں پاکستان میں تعینات فرانس کے سفیر، پی آئی اے کے سی ای او، لاہور ایئرپورٹ کے چیف آپریٹنگ آفیسر و ایئرپورٹ منیجر، ایئرپورٹ سیکیورٹی فورس (اے ایس ایف) کے چیف سیکیورٹی آفیسر سمیت دیگر مہمانوں نے شرکت کی۔
تقریب کے دوران روایتی کیک کاٹنے کی رسم ادا کی گئی، جبکہ فرانسیسی سفیر نے خطاب میں پاکستان اور فرانس کے درمیان اس نئی فضائی رابطے کو دو طرفہ تعلقات میں گہرائی کا باعث قرار دیا۔
انہوں نے امید ظاہر کی کہ اس اقدام سے دونوں ملکوں کے درمیان تجارت، سیاحت، ثقافتی تبادلوں اور عوامی روابط میں اضافہ ہوگا۔
پی آئی اے کی یہ پرواز پاکستان اور فرانس کو براہ راست جوڑنے والی ایک نئی راہداری بنے گی، جس سے نہ صرف ایوی ایشن انڈسٹری کو فروغ ملے گا بلکہ دونوں ممالک کے درمیان اقتصادی اور سفارتی تعلقات بھی مستحکم ہوں گے۔
حکام کے مطابق اس نئی سروس سے مسافروں کو زیادہ سہولت میسر آئے گی اور یورپی منڈیوں تک پاکستان کی رسائی مزید آسان ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews براہِ راست پرواز پیرس علامہ اقبال ایئرپورٹ لاہور وی نیوز
اسرائیل کے فضائی حملوں میں جاں بحق افراد کی تعداد 86 ہوگئی؛ ایران