پنجاب میں جھینگا فارمنگ کے فروغ، ماڈل فش مارکیٹ، ویلیو چین اسٹیٹس کے منصوبے
اشاعت کی تاریخ: 19th, June 2025 GMT
لاہور:
پنجاب حکومت نے صوبے میں جھینگا فارمنگ کے فروغ کے لیے ایک جامع اور وسیع منصوبے کا آغاز کر دیا ہے، جس کے تحت جنوبی پنجاب کے مختلف علاقوں میں جھینگا فارمنگ، ویلیو چین اسٹیٹس، اور لاہور میں جدید ماڈل فش مارکیٹ کے قیام کے لیے مجموعی طور پر 50 ارب روپے سے زائد کی سرمایہ کاری کی جا رہی ہے۔
محکمہ فشریز کے مطابق مظفرگڑھ کے علاقے رکھ علی والا میں 3 ہزار ایکڑ رقبے پر جھینگا فارم قائم کیا جائے گا، جس پر ابتدائی طور پر 10 ارب روپے لاگت آئے گی، اس کے ساتھ ہی ہیڈ محمد والا، رکھ علی والا اور شاہ گڑھ میں تین جدید جھینگا ویلیو چین اسٹیٹس بھی بنائی جائیں گی جن پر تقریباً 40 ارب روپے خرچ ہوں گے۔
صوبائی حکومت کی جانب سے ان منصوبوں کے لیے آئندہ مالی سال کے بجٹ میں 3 ارب روپے مختص کر دیے گئے ہیں۔
ڈپٹی ڈائریکٹر فشریز طیب رضوان کے مطابق ان ویلیو چین اسٹیٹس میں ہیچری، فیڈ ملز اور جھینگا پروسیسنگ پلانٹس سمیت دیگر صنعتی سہولیات میسر ہوں گی، ان منصوبوں کے تحت جھینگا فارمنگ کو ایک مکمل اور مربوط صنعتی درجہ دیا جائے گا۔
انہوں نے کہا کہ اس سے نہ صرف روزگار کے مواقع پیدا ہوں گے بلکہ برآمدی صلاحیت میں بھی نمایاں اضافہ ہوگا۔
لاہور میں ماڈل فش مارکیٹ کے قیام کا منصوبہ بھی تیار کر لیا گیا ہے، جس پر 10 ارب روپے کی لاگت آئے گی، یہ منصوبہ آئندہ مالی سال سے شروع کیا جائے گا اور ابتدائی طور پر 84 کروڑ 86 لاکھ روپے جاری کیے جائیں گے۔
ماڈل فش مارکیٹ میں جدید کولڈ اسٹوریج، ویلیو ایڈیشن یونٹس اور مربوط سپلائی چین سمیت تمام سہولیات فراہم کی جائیں گی، جس سے مقامی سطح پر مچھلی اور جھینگے کی تجارت کو فروغ ملے گا اور چھوٹے فارمرز کو مارکیٹ تک رسائی ہوگی۔
پنجاب کی سینیئر وزیر مریم اورنگزیب نے تصدیق کی ہے کہ جھینگا فارمنگ کے فروغ کے لیے آئندہ مالی سال میں 8.
انہوں نے کہا کہ یہ اقدامات کسانوں کو متبادل آمدنی فراہم کرنے، زراعت کو متنوع بنانے اور برآمدات بڑھانے کے لیے ناگزیر ہیں۔
واضح رہے کہ حکومت پنجاب نے 2024 میں پہلی بار جھینگا فارمنگ کا منصوبہ متعارف کروایا تھا، جس کے تحت ابتدائی طور پر ایک ہزار ایکڑ پر جھینگا فارمنگ کی گئی، اس مرحلے میں حکومت نے کسانوں کو مفت تربیت، تکنیکی معاونت اور سبسڈی فراہم کی تھی، جس کے مثبت نتائج سامنے آئے اور کسانوں کا رجحان اس جانب بڑھا۔
اب حکومت اس منصوبے کو وسعت دے کر اسے ایک پائیدار، منظم اور برآمدی صنعت میں تبدیل کرنے کے لیے سرگرم عمل ہے۔
محکمہ فشریز کے مطابق مستقبل میں نجی شعبے کو ان جھینگا اسٹیٹس کی سروسز لیز پر دی جائیں گی جبکہ جھینگا اور فش فارمنگ کے لیے اراضی بھی نجی شعبے کو لیز پر دی جائے گی تاکہ سرمایہ کاری کو فروغ دیا جا سکے اور اس شعبے کو تجارتی بنیادوں پر مستحکم کیا جا سکے۔
ذریعہ: Express News
کلیدی لفظ: ماڈل فش مارکیٹ جھینگا فارمنگ فارمنگ کے ارب روپے کے لیے
پڑھیں:
پٹرولیم مصنوعات کی قیمتیں حکومت پھر عوام سے ہاتھ کر گئی
اسلام آباد(ویب ڈیسک) حکومت نے پیٹرول اور ڈیزل پر لیوی میں 2 روپے 50 پیسے فی لیٹر کا اضافہ کرکے عوام کو مکمل ریلیف سے محروم کردیا۔
تفصیلات کے مطابق حکومت پھر عوام سے ہاتھ کر گئی، وفاقی حکومت نے شہریوں پر پیٹرولیم لیوی کا بوجھ مزید بڑھاتے ہوئے عوام کو مکمل ریلیف سے محروم کردیا ہے۔
ذرائع کے مطابق ہائی اسپیڈ ڈیزل پر لیوی 74 روپے 51 پیسے سے بڑھا کر 77 روپے ایک پیسے فی لیٹر کر دی گئی ہےاسی طرح پیٹرول پر لیوی 75 روپے 52 پیسے سے بڑھا کر 78 روپے 2 پیسے فی لٹر کر دی گئی ہے۔
ذرائع کا بتانا ہے کہ ڈیزل پر فریٹ مارجن بھی 20 پیسے فی لیٹر بڑھا کر 6 روپے 24 پیسے فی لیٹر کردیا گیا، پٹرول اور ڈیزل پر کلائیمیٹ سپورٹ لیوی 2 روپے 50 پیسے، ڈیلرز مارجن 8 روپے 64 پیسے اور ڈسٹری بیوٹرز مارجن 7 روپے 87 پیسے فی لیٹر ہے۔
ذرائع کے مطابق پیٹرول اور ڈیزل پر سیلز ٹیکس کی شرح صفر رکھی گئی ہے، اگر لیوی نہ بڑھائی جاتی تو پیٹرول اور ڈیزل مزید سستا ہو سکتا تھا۔
واضح رہے کہ پیٹرولیم لیوی میں اضافے کا اطلاق یکم اگست سے کیا گیا ہے، حکومت آئی ایم ایف شرائط کے تحت یکم جولائی 2025 سے پیٹرول اور ہائی اسپیڈ ڈیزل پر کلائمٹ سپورٹ لیوی الگ سے وصول کررہی ہے۔
Post Views: 3
موٹروے پر بے قابو بس کھائی میں جاگری، 6 افراد جاں بحق، 24 زخمی