خیبر پختونخوا کابینہ نے بی آر ٹی کے صحت و ٹراسپورٹ سمیت کئی اہم منصوبوں کی منظوری دے دی
اشاعت کی تاریخ: 20th, June 2025 GMT
وزیر اعلیٰ خیبر پختونخوا علی امین خان گنڈاپور کی زیر صدارت صوبائی کابینہ کا 34واں اجلاس منعقد ہوا جس میں متعدد اہم عوامی و ترقیاتی منصوبوں کی منظوری دی گئی جن میں ٹرانسپورٹ، صحت، توانائی، قانون سازی اور تعلیمی شعبوں میں اصلاحات شامل تھے۔
یہ بھی پڑھیں: خیبر پختونخوا اسمبلی میں بجٹ پاس کرنے کا عمل روک دیا گیا، کیا علی امین گنڈاپور اسمبلی تحلیل کر رہے ہیں؟
کابینہ نے پشاور انسٹیٹیوٹ آف کارڈیالوجی میں جدید طبی آلات کی خریداری کے لیے 346 ملین روپے کی منظوری دی۔
بالاکوٹ، مانسہرہ میں ڈی کٹیگری ہسپتال کی تعمیر پر آنے والی اضافی لاگت اور بنیادی اور دیہی مراکز صحت میں سہولیات کی بہتری کے منصوبے کی نظرثانی شدہ لاگت کی بھی منظوری دی گئی۔
کینسر کی مریضہ پروین مختار کے علاج کے لیے 10 لاکھ روپے امداد کی منظوری دی گئی۔
پشاور میں بی آر ٹی سروس کے لیے مزید 50 ڈیزل-ہائیبرڈ بسوں کی خریداری کی منظوری دی گئی جس کے تحت ابتدائی طور پر سسٹم میں 220 بسیں شامل کی گئی تھیں تاہم پھر ان میں 2022 میں مزید 24 بسوں کا اضافہ کیا گیا تھا۔
مزید پڑھیے: ضلع کرم میں تباہ شدہ بگن بازار کی بحالی کا تخمینہ 48 کروڑ روپے، خیبرپختونخوا کابینہ کو بریفنگ
تاہم شہریوں کی بڑھتی ہوئی ضروریات اور 6 نئے روٹس کی شمولیت کے باعث اضافی بسوں کی منظوری دی گئی ہے۔
صوبے میں گرمیوں کے دوران شدید لوڈ شیڈنگ کے پیش نظر بجلی کے خراب ٹرانسفارمرز کی بروقت مرمت کے لیے ایک ارب روپے سے زائد کے فنڈز کی منظوری دی گئی۔
اجلاس میں اس حوالے سے وفاقی حکومت سے اخراجات کی واپسی کے لیے باضابطہ رابطہ کرنے کا فیصلہ بھی کیا گیا۔
اسلامیہ کالج یونیورسٹی میں تحقیق کو فروغ دینے کے لیے ریسرچ سینٹر کے قیام کی مشروط منظوری دی گئی۔
چترال کے ارندو گول اور اپر کوہستان فارسٹ ڈویژنز میں غیر قانونی طور پر کاٹی گئی لکڑی کے استعمال سے متعلق ضابطہ کار کے نفاذ کے لیے کمیٹی قائم کرنے کی منظوری دی گئی۔
پبلک پرائیویٹ پارٹنرشپ رولز 2021 میں ترمیم کرتے ہوئے بڈنگ کی مدت 60 دن سے کم کر کے 30 دن کر دی گئی۔
خیبر پختونخوا این جی اوز رولز 2024 میں بھی ضروری ترامیم کی منظوری دی گئی۔
کلچر، ٹورازم اور آثار قدیمہ کے محکمے کے قواعد و ضوابط میں ترامیم کی منظوری۔
خیبر اور مہمند کے ڈسٹرکٹ اینڈ سیشن ججز کے لیے 2 گاڑیوں کی خریداری کی اجازت اور پابندی میں نرمی کا بھی فیصلہ کیا گیا جبکہ صوبائی محتسب کی خالی آسامی پر روباب مہدی کی تعیناتی کی منظوری دی گئی۔
اجلاس میں مکھنیال ایریا کو ہری پور ڈیویلپمنٹ اتھارٹی میں شامل کرنے کی منظوری اور عملدرآمد کے لیے کابینہ کمیٹی کا قیام کا بھی فیصلہ کیا گیا۔
سوات، ایبٹ آباد اور ڈی آئی خان میں قائم کیے جانے والے زمونگ کور منصوبے کو زمونگ کور پشاور میں ضم کرنے کی منظوری۔
مزید پڑھیں: آڈیو لیک کیس: علی امین گنڈاپور پر فرد جرم کے لیے 2 جولائی کی تاریخ مقرر، وارنٹ گرفتاری منسوخ
کابینہ نے خیبر پختونخوا ہائی ویز اتھارٹی کے مالی سال 2024-25 کے بجٹ کی منظوری۔
اس موقعے پر ایرا کے کنٹریکٹ ملازمین کی بقایاجات کی ادائیگی کے لیے نان اے ڈی پی اسکیم کی منظوری بھی دی گئی۔
اجلاس کے دوران صوبائی حکومت اور پاک قطر ایسٹ ویسٹ مینجمنٹ کمپنی کے درمیان ایک معاہدے کی بھی منظوری دی گئی جس سے صفائی و فضلہ مینجمنٹ کے شعبے میں بہتری کی توقع ہے۔
کابینہ کے اراکین، چیف سیکریٹری، ایڈیشنل چیف سیکریٹریز، سینیئر ممبر بورڈ آف ریونیو، مختلف محکموں کے سیکریٹریز اور ایڈووکیٹ جنرل نے اجلاس میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبر پختونخوا اہم فیصلے خیبر پختونخوا بی آر ٹی خیبرپختونخوا کابینہ.
ذریعہ
ذریعہ: WE News
کلیدی لفظ: خیبر پختونخوا اہم فیصلے خیبر پختونخوا بی ا ر ٹی خیبرپختونخوا کابینہ کی منظوری دی گئی خیبر پختونخوا کیا گیا کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار