محکمہ موسمیات نے گرمی میں کمی اور بارشوں کی خوش خبری سنادی
اشاعت کی تاریخ: 21st, June 2025 GMT
لاہور:
محکمہ موسمیات نے گرمی میں کمی اور بارشوں کی خوش خبری سنادی۔
محکمہ موسمیات کے مطابق پنجاب بھر میں خشک، گرم اور حبس زدہ موسم کا سلسلہ جاری ہے۔ اگرچہ درجہ حرارت میں معمولی کمی ریکارڈ کی گئی ہے، تاہم حبس نے گرمی کی شدت میں مزید اضافہ کر دیا ہے۔
محکمہ موسمیات کے مطابق آج لاہور میں کم سے کم درجہ حرارت 31 جبکہ زیادہ سے زیادہ درجہ حرارت 39 ڈگری سینٹی گریڈ تک جانے کا امکان ہے۔
محکمہ موسمیات نے بتایا ہے کہ آج لاہور میں گرد آلود ہواؤں کے ساتھ بارش کا بھی امکان موجود ہے جس سے گرمی اور حبس میں کچھ کمی آ سکتی ہے۔
دوسری جانب پی ڈی ایم اے نے 23 جون تک پنجاب بھر میں تیز ہواؤں، جُھکڑ اور بارشوں کے امکان کے پیش نظر الرٹ جاری کر دیا ہے۔
گرمی اور حبس میں کمی لانے کا سسٹم پاکستان میں داخل ہوگیا ہے، موسمیاتی نظام کے پاکستان میں داخل ہونے کے بعد موسم میں بہتری کی توقع کی جا رہی ہے۔
.ذریعہ: Express News
کلیدی لفظ: محکمہ موسمیات
پڑھیں:
محمکہ موسمیات نے ملک میں طوفانی بارشوں کی پیش گوئی کردی
محکمہ موسمیات نے 20 جون سے 23 جون تک ملک کے بالائی اور وسطی علاقوں میں پری مون سون بارشوں کی پیشگوئی کردی ہے۔
محکمہ موسمیات کے مطابق اس دوران گلگت بلتستان، کشمیر، مری، گلیات، اسلام آباد، راولپنڈی، لاہور، سیالکوٹ، پشاور، مردان، چترال، وزیرستان اور کرک سمیت پنجاب اور خیبرپختونخوا کے دیگر اضلاع میں طوفانی بارشیں متوقع ہیں۔
یہ بھی پڑھیے: پاکستان میں مون سون کی بارشیں کب شروع ہوں گی؟
پی ڈی ایم کے مطابق بلوچستان میں بارشوں کا یہ سلسلہ 20 جون سے داخل ہوگا، پری مون سون کی یہ بارشیں بارکھان، ژوب، شیرانی، خضدار، قلات ، زیارت اور گردونواح کے علاقوں میں متوقع ہے۔
محکمہ موسمیات کے نوٹیفکیشن کے مطابق 22 سے 24 جون کے درمیان، سکھر، لاڑکانہ، دادو اور جیکب آباد میں جھکڑ چلنے کے ساتھ بارشیں ہوں گی۔
بارشوں کا یہ سلسلہ 21 جون سے 23 جون تک رہے گا، بارشوں سے کچے مکانات، بجلی کی کھمبوں اور سولر پینلز کو نقصان پہنچ سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارشیں محکمہ موسمیات مون سون
موٹر سائیکل روکنے و بند کرنے پر تنازع؛ ٹریفک پولیس راولپنڈی نے وکلا پر مقدمہ درج کروا دیا