بانئ پی ٹی آئی کو اُن کی بہن علیمہ خان نے خود ہی مائنس کردیا: عظمیٰ بخاری
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
وزیر اطلاعات پنجاب عظمیٰ بخاری کا کہنا ہے کہ بانئ پاکستان تحریک انصاف (پی ٹی آئی) اور سابق وزیراعظم عمران خان کو ان کی بہن اور خود ان کی پارٹی ہی نے مائنس کر دیا ہے۔
اپنے بیان میں وزیر اطلاعات پنجاب عظمیٰ بخاری نے کہا کہ بانئ پی ٹی آئی عمران خان کی بہن علیمہ خان مسلسل علی امین گنڈاپور کے خلاف سازشیں کر رہی ہیں، علیمہ خان گروپ اور تحریک انصاف کا سوشل میڈیا سیل مل کر علی امین گنڈاپور کے خلاف منظم مہم چلا رہا ہے۔
انہوں نے کہا کہ علی امین خود بھی اس دباؤ کا کھل کر اعتراف کر چکے ہیں، اگر علی امین گنڈاپور صوبائی بجٹ منظور نہ کرواتے تو وہ آئینی طور پر وزارت اعلیٰ سے فارغ ہو چکے ہوتے۔
عظمیٰ بخاری نے پنجاب حکومت کی کارکردگی کو مثالی قرار دیتے ہوئے کہا کہ وزیراعلیٰ مریم نواز کی قیادت میں پنجاب شفافیت، میرٹ اور اچھی طرز حکمرانی کا عملی نمونہ بن چکا ہے، مریم نواز اس وقت تمام وزرائے اعلیٰ میں سب سے نمایاں اور فعال کردار ادا کر رہی ہیں۔
صوبائی وزیر اطلاعات نے مزید کہا کہ جس شخص نے نواز شریف کو سیاست سے باہر نکالنے کا خواب دیکھا، آج وہی قدرت کے انتقام کا نشانہ بن کر خود تاریخ کے حاشیے پر چلا گیا ہے، عمران خان نہ صرف گھر بلکہ اپنی ہی پارٹی سے مائنس ہو چکے ہیں۔
ان کا کہنا تھا کہ اس وقت پی ٹی آئی نہ صرف اندرونی خلفشار کا شکار ہے بلکہ واضح طور پر مختلف دھڑوں میں بٹ چکی ہے، پی ٹی آئی کے وفاق میں تین گروپس متحرک ہیں، جب کہ خیبرپختونخوا میں بھی تین علیحدہ دھڑے سرگرم ہیں۔
عظمیٰ بخاری نے کہا کہ جنید اکبر، عاطف خان اور منحرف اراکین پر مشتمل الگ الگ گروپ اپنے اپنے مفادات کی سیاست کر رہے ہیں، جس نے پارٹی کو داخلی طور پر مفلوج کر دیا ہے، پچھلے بارہ برسوں سے خیبرپختونخوا نااہل اور کرپٹ حکومت کے رحم و کرم پر ہے، جنہوں نے انتظامی ڈھانچے کو تباہی کے دہانے پر پہنچا دیا ہے۔
انہوں نے خیبرپختونخوا کی صورتحال کو شدید تنقید کا نشانہ بناتے ہوئے کہا کہ یہ صوبہ گزشتہ 12 برس سے ریلو کٹوں اور کرپٹ عناصر کے رحم و کرم پر ہے، جنہوں نے گورننس کا بیڑا غرق کر دیا ہے۔
.
ذریعہ
ذریعہ: Jasarat News
کلیدی لفظ: پی ٹی آئی علی امین دیا ہے کہا کہ
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
پاکستان نے ورلڈ کپ 2028 کیلیے براہ راست کوالیفائی کر لیا