اسرائیلی میڈیا کا دو ہفتوں میں غزہ جنگ بندی کا دعویٰ
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
تل ابیب:اسرائیلی میڈیا نے دعویٰ کیا ہے کہ امریکی صدر ڈونلڈ ٹرمپ اور اسرائیلی وزیر اعظم بن یامین نیتن یاہو کے درمیان غزہ جنگ کے حوالے سے اہم رابطہ ہوا ہے، جس میں دونوں رہنماؤں نے جنگ بندی پر اتفاق کرلیا ہے۔
غیر ملکی میڈیا رپورٹس کے مطابق آئندہ دو ہفتوں کے اندر اندر غزہ کی جنگ کے خاتمے کا امکان ہے، اور اس حوالے سے سفارتی کوششیں تیز کر دی گئی ہیں۔
اسرائیلی ذرائع ابلاغ نے اعلیٰ حکومتی ذرائع کے حوالے سے بتایا ہے کہ ڈونلڈ ٹرمپ اور نیتن یاہو کے درمیان ہونے والی گفتگو میں غزہ میں جاری شدید عسکری کارروائی کو ختم کرنے، انسانی بحران کو کم کرنے اور خطے میں کشیدگی کو نیچے لانے پر سنجیدہ اتفاق رائے ہوا ہے۔
ذرائع کے مطابق امریکی صدر نے اسرائیلی وزیراعظم پر زور دیا ہے کہ غزہ میں کارروائیوں کو محدود کرتے ہوئے جنگ بندی کی طرف بڑھا جائے تاکہ عالمی برادری اور خطے میں امریکا کے مفادات کو نقصان نہ پہنچے۔
ڈونلڈ ٹرمپ نے کہا کہ مشرق وسطیٰ میں پائیدار امن کے لیے موجودہ جنگ کو فوری طور پر روکنا ضروری ہے کیونکہ یہ جنگ نہ صرف فلسطینی عوام بلکہ اسرائیل اور عالمی معیشت کے لیے بھی مہلک ثابت ہو رہی ہے، طویل جنگ کے باعث امریکا اور دیگر اتحادیوں پر عالمی دباؤ بڑھ رہا ہے۔
اسرائیلی میڈیا نے یہ بھی دعویٰ کیا ہے کہ نیتن یاہو نے ابتدائی طور پر کچھ تحفظات کے باوجود امریکا کے مطالبے کو سنا اور اس پر رضامندی ظاہر کی ہے کہ دو ہفتوں کے اندر اندر جنگ بندی کی راہ ہموار کی جائے گی، اس سلسلے میں اسرائیلی سیکیورٹی ادارے اور وزارت خارجہ کو امریکی تجاویز پر عملدرآمد کے لیے حکمت عملی تیار کرنے کی ہدایت دے دی گئی ہے۔
واضح رہے کہ چند روز قبل ڈونلڈ ٹرمپ نے نیتن یاہو کے ساتھ اختلافات کے باوجود اسرائیل کو امریکا کا قریبی ترین اتحادی قرار دیا تھا، انہوں نے غزہ جنگ کے جاری رہنے پر ناراضی کا اظہار کرتے ہوئے اسرائیلی قیادت کو خبردار بھی کیا تھا کہ جنگ بندی کے بغیر عالمی برادری کے صبر کا پیمانہ لبریز ہوسکتا ہے۔
دوسری جانب فلسطینی تنظیموں کی طرف سے اس دعوے پر کوئی ردعمل سامنے نہیں آیا ہے البتہ حماس کے قریبی ذرائع کا کہنا ہے کہ اگر جنگ بندی کا کوئی قابل عمل اور پائیدار معاہدہ سامنے آیا تو اس پر غور کیا جا سکتا ہے، اس کے لیے اسرائیل کو اپنی تمام فوجی کارروائیاں بند کرنی ہوں گی۔
.
ذریعہ
ذریعہ: Jasarat News
کلیدی لفظ: ڈونلڈ ٹرمپ نیتن یاہو کے لیے جنگ کے
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ