غزہ میں امدادی آٹے کے تھیلوں سے "نشہ آور گولیاں" برآمد، فلسطینی معاشرے کی تباہی کیلئے اسرائیلی-امریکی سازش بے نقاب
اشاعت کی تاریخ: 27th, June 2025 GMT
حکومتِ غزہ نے اعلان کیا ہے کہ امدادی آٹے کے تھیلوں میں سے نشہ آور گولیاں برآمد ہونے کا انکشاف؛ قابض اسرائیلی رژیم اور امریکہ کیجانب سے امداد کی آڑ میں فلسطینی معاشرے کی منظم تخریب، نشہ عام کرنے اور فلسطینیوں کی نسل کشی پر مبنی صیہونی پالیسی کو آگے بڑھانے کا واضح ثبوت ہے! اسلام ٹائمز۔ غزہ میں حکومتی دفتر برائے اطلاعاتِ عامہ نے اپنے ایک بیان میں اعلان کیا ہے کہ امریکہ و اسرائیل کی جانب سے نام نہاد امداد کے ضمن میں دیئے جانے والے آٹے کے تھیلوں میں سے، جو اسرائیل اور امریکہ کے ساتھ وابستہ نام نہاد "امدادی مراکز" کی جانب سے غزہ بھیجے گئے تھے، نشہ آور گولیاں "اکسی کوڈون (Oxycodone)" برآمد ہوئی ہیں۔ غزہ حکومت نے اس اقدام کو فلسطینی عوام کی صحت کے خلاف ایک بھیانک و دانستہ جرم قرار دیا ہے۔ غزہ حکومت کے بیان کے مطابق، اسرائیل و امریکہ کی جانب سے غزہ میں گذشتہ 1 ماہ سے امدادی مراکز قائم کئے گئے ہیں، جو بظاہر انسانی ہمدردی کی بنیاد پر امداد تقسیم کرنے کا دعوی کرتے ہیں لیکن مقامی فلسطینیوں کے لئے یہ نام نہاد امدادی مراکز "مصائد الموت" (موت کے پھندے) کے نام سے معروف ہو چکے ہیں، کیونکہ یہاں موجود اسرائیلی فوجی روزانہ کی بنیاد، پر ان مراکز میں امداد کے حصول کے لئے آنے والے بھوکے فلسطینی شہریوں پر اندھا دھند فائرنگ کر دیتے ہیں، جس کے نتیجے میں اب تک سینکڑوں نہتے اور بھوکے پیاسے فلسطینی شہری شہید ہو چکے ہیں۔
اس بیان کے مطابق، ان مراکز نے کم از کم 4 مختلف مواقع پر آٹے کے ایسے تھیلے شہریوں کو فراہم کئے ہیں کہ جن میں نشہ آور گولیاں بھی شامل تھیں۔ فلسطینی حکام نے خبردار کیا ہے کہ ممکن ہے کہ ان گولیوں کو بعض صورتوں میں پیس کر آٹے میں ملا دیا گیا ہو کہ جو ایک ایسا امر ہے کہ جو اس حملے کی سطح کو بڑھا کر "پوری عوام کی صحت پر براہ راست حملے" کے مترادف بنا دیتا ہے۔ اس بیان میں تاکید کی گئی ہے کہ یہ غیر انسانی اقدام دراصل فلسطینی معاشرے کے اجتماعی تانے بانے کو تباہ کر ڈالنے، غزہ میں منشیات کو فروغ دینے اور فلسطینی باشندوں کی ذہنی و جسمانی صحت کو ختم کر ڈالنے کے مقصد سے انجام دیا جا رہا ہے جس کی مکمل ذمہ داری قابض اسرائیلی حکام کے ساتھ ساتھ امریکی حکومت پر بھی عائد ہوتی ہے۔ غزہ کے سرکاری دفتر برائے اطلاعات عامہ نے اقوام متحدہ کی انسانی حقوق کونسل، عالمی فوجداری عدالت اور دیگر بین الاقوامی اداروں سے بھی فی الفور مداخلت کی اپیل کی اور تاکید کرتے ہوئے مطالبہ کیا ہے کہ ان "مصائد الموت" (موت کے پھندے) نامی مراکز کی سرگرمیاں فورا بند کروائی جائیں اور امداد صرف اور صرف اقوام متحدہ کی تسلیم شدہ تنظیموں، خاص طور پر انروا (UNRWA) کے توسط سے فراہم کی جائے۔ اپنے بیان کے آخر میں غزہ کی حکومت نے یہ اعلان بھی کیا کہ فلسطینی عوام کی جان و صحت اولین قومی ترجیح ہے اور وہ ان مجرمانہ اقدامات کے مرتکب عناصر، خواہ وہ اسرائیلی ہوں یا ان کے اندرونی و بیرونی معاونین، سب کو بے نقاب کرتے ہوئے سخت سے سخت سزا دلوانے کی بھرپور کوشش کرے گی۔
ذریعہ
ذریعہ: Islam Times
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ