ڈوبتے معصوم آخری لمحے تک مدد کے منتظر رہے،شاہد آفریدی کا اظہارِ افسوس
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
سوات: پاکستان کے معروف سابق کپتان اور اسٹار آل راؤنڈر شاہد خان آفریدی نے دریائے سوات میں حالیہ افسوسناک واقعے پر گہرے دکھ اور افسوس کا اظہار کرتے ہوئے متعلقہ حکام کی بے حسی کو آڑے ہاتھوں لیا ہے۔
سماجی رابطے کی ویب سائٹ پر ٹوئٹ کرتے ہوئے شاہد آفریدی کا کہنا تھا کہ دریائے سوات میں ڈوبنے والے معصوم لوگ آخری لمحے تک بے بسی کی تصویر بنے مدد کے منتظر رہے، ان کی آنکھوں میں امید کی چمک تھی کہ شاید کوئی انہیں بچا لے گا مگر وہ نہیں جانتے تھے کہ جن کی یہ ذمہ داری ہے، ان کی ترجیحات کچھ اور ہیں۔
ٹوئٹ دیکھنے کے لیے کلک کریں.
شاہد آفریدی نے افسوس کا اظہار کرتے ہوئے کہا کہ ایسی صورتحال میں جب انسانی جان خطرے میں ہو، ریاستی مشینری اور ریسکیو اداروں کی فوری کارروائی نہ صرف ان کا قانونی فریضہ ہے بلکہ انسانی اور اخلاقی تقاضا بھی ہے، حکمرانوں کو ترجیحات بدلنا ہوں گی، جانیں بچانا اولین فرض ہے۔
انہوں نے حکومت اور ضلعی انتظامیہ سے مطالبہ کیا کہ دریا کے قریب خطرناک مقامات پر وارننگ سسٹمز، حفاظتی جال اور تربیت یافتہ ریسکیو ٹیموں کو تعینات کیا جائے تاکہ آئندہ ایسے دل دہلا دینے والے واقعات سے بچا جا سکے۔
دریائے سوات میں ڈوبنے والے افراد کی ویڈیوز سوشل میڈیا پر وائرل ہو چکی ہیں، جن میں دیکھا جا سکتا ہے کہ متاثرین آخری لمحوں تک بچاؤ کی اپیل کرتے رہے لیکن امدادی کارروائیاں بروقت نہ ہو سکیں ان مناظر نے پورے ملک میں عوامی سطح پر غم و غصے کو جنم دیا ہے۔
خیال رہےکہ شاہد آفریدی جو سوات سے تعلق رکھتے ہیں اس سانحے پر مسلسل آواز بلند کر رہے ہیں اور ان کی جانب سے کیا گیا یہ بیان ایک عام شہری کے درد کو اجاگر کرتا ہے جو انتظامی نااہلی کے باعث خود کو بے یار و مددگار محسوس کرتا ہے۔
ذریعہ: Jasarat News
کلیدی لفظ: شاہد آفریدی
پڑھیں:
وزیراعظم کا سیلابی ریلے میں سیاحوں کی اموات پر گہرے دکھ اور رنج کا اظہار
اسلام آباد (اُردو پوائنٹ اخبارتازہ ترین - این این آئی۔ 27 جون2025ء)وزیر اعظم محمد شہباز شریف نے دریائے سوات میں خوازہ خیلہ کے مقام پر سیلابی ریلے میں سیاحوں کی اموات پر گہرے دکھ اور رنج کا اظہار کرتے ہوئے لاپتہ افراد کی جلد تلاش مکمل کر نے کی ہدایت کی ہے ۔(جاری ہے)
جاری اعلامیہ کے مطابق وزیرِ اعظم نے جاں بحق ہونے والے افراد کی مغفرت اور ان کے اہل خانہ کیلئے صبر کی دعا کرتے ہوئے واقعہ میں لاپتہ افراد کی جلد تلاش مکمل کرنے کی ہدایت کی ۔
وزیراعظم نے این ڈی ایم اے ، انتظامیہ و ریسکیو اداروں کو دریاؤں و ندی نالوں کے قریب حفاظتی تدابیر مزید مربوط بنانے کی ہدایت کی ۔وزیرِ اعظم نے سوات میں سیلابی ریلے کے نتیجے میں پھنسے ہوئے سیاحوں کو ریسکیو کرنے پراین ڈی ایم اے ، انتظامیہ و ریسکیو حکام کی پزیرائی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی