سوات حادثہ، سیاح پانی میں کیسے ڈوبے، عینی شاہد نے پوری صورتحال بیان کردی
اشاعت کی تاریخ: 27th, June 2025 GMT
آج دریائے سوات میں آنے والے سیلابی ریلے کے باعث 17 افراد بہہ گئے۔ ریسکیو 1122 اور مقامی افراد نے فوری طور پر کارروائی کرتے ہوئے 4 افراد کو بچا لیا، جبکہ 13 افراد لاپتا ہو گئے تھے، جن میں سے اب تک 9 افراد کی لاشیں نکال لی گئی ہیں۔ 4 افراد کی تلاش تاحال جاری ہے اور سرچ آپریشن کا دائرہ ملاکنڈ تک پھیلا دیا گیا ہے۔ ڈوبنے والے افراد کا تعلق ڈسکہ اور مردان سے بتایا گیا ہے۔
اس واقعے کی مختلف ویڈیوز سوشل میڈیا پر گردش کر رہی ہیں جس میں سیاحوں کو دریا کے درمیان مدد کے انتظار میں کھڑے دیکھا جا سکتا ہے۔ اب واقعے کے عینی شاہدین کی ویڈیوز بھی سامنے آ رہی ہیں۔
ایک عینی شاہد نے بتایا کہ ’میں سامنے بیٹھا ہوا تھا جیسے ہی پانی آیا تو آوازیں آنا شروع ہو گئیں کہ لوگ دریا میں پھنسے ہوئے ہیں تو میں نے دیکھا ک 19 لوگ دریا کے درمیان میں کھڑے ہوئے تھے تو ہم نے دوسرے لوگوں کو فون کیا کہ ادھر آ جاؤ کیونکہ لوگ پھنسے ہوئے ہیں‘۔
عینی شاہد کا مزید کہنا تھا کہ ’ڈیڑھ گھنٹہ ہو گیا تھا کوئی نہیں آیا اور آدھے لوگ پانی میں ڈوب گئے اور ریسکیو والے افراد ڈیڑھ گھنٹے بعد مدد کو آئے تھے‘۔
سانحہ سوات کا چشم دید گواہ۔ ???? pic.
— Rai Saqib Wazir Kharal (@iRaiSaqib) June 27, 2025
ریسکیو کے ترجمان کے مطابق یہ افراد کچھ دیر قبل ہی سوات کے ایک ہوٹل میں پہنچے تھے، جہاں مختصر آرام کے بعد وہ دریا کے کنارے سیر کے لیے نکلے۔ انہوں نے مزید بتایا کہ بارشوں کے باعث صوبے میں سیلاب کا خدشہ پہلے سے موجود تھا، اور وہاں موجود مقامی افراد نے انہیں دریا کے کنارے جانے سے منع بھی کیا تھا، لیکن وہ نہ مانے۔ جب یہ سیاح دریا کے قریب گئے، اس وقت پانی کا بہاؤ کم تھا، تاہم اچانک ایک بڑا سیلابی ریلا آیا، جس کی زد میں یہ تمام افراد آ گئے۔
متاثرہ خاندان کے ایک فرد نے میڈیا کو بتایا کہ وہ ناشتے کے بعد فیملی کے ہمراہ دریا کے قریب گئے۔ ’بچے اور خواتین سیلفی لے رہے تھے کہ اسی دوران ریلہ آیا اور وہ درمیان میں پھنس گئے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سوات سوات حادثہذریعہ: WE News
کلیدی لفظ: سوات سوات حادثہ دریا کے
پڑھیں:
’کچھ لوگ رجسٹرڈ جھوٹے ہیں، ایک گدھا گدھے پر بیٹھ کر بھاگ گیا‘، شاہد آفریدی اور عمران ریاض آمنے سامنے
پاکستان کرکٹ ٹیم کے سابق کپتان شاہد خان آفریدی نے سوشل میڈیا پر پھیلائے جانے والے جھوٹ اور منفی پروپیگنڈے پر شدید تنقید کی ہے۔ آفریدی کا کہنا ہے کہ کچھ لوگ رجسٹرڈ جھوٹے ہیں اور ملک سے باہر بیٹھ کر ملک میں فتنہ پیدا کر رہے ہیں۔
ایک انٹرویو کے دوران جب ان سے سوال کیا گیا کہ سوشل میڈیا پر ایک مخصوص طبقہ آپ اور دیگر حقیقی ہیروز کے خلاف منفی مہم چلاتا ہے، تو آفریدی نے کہا کہ انہیں سوشل میڈیا پر جھوٹ بول کر لائکس حاصل کرنے کا کوئی شوق نہیں اور نہ ہی یہ ان کی آمدنی کا ذریعہ ہے۔ انہوں نے مزید کہا کہ وہ اپنے بچوں کو حرام کا پیسہ نہیں کھلائیں گے۔
ایک گدھے پر گدھا ( عمران ریاض ) بیٹھ کر آیا ہے اگر اتنا ہی بہادر ہے تو پاکستان جائے ہم اپنی اولاد کو حرام نہیں کھلاتے کچھ لوگ سرٹیفائیڈ جھوٹے ہیں شاہد آفریدی pic.twitter.com/VU8NPJU80p
— Safina Khan (@SafinaKhann) November 7, 2025
شاہد آفریدی نے بعض لوگوں پر طنز کرتے ہوئے کہا، ’کچھ لوگوں نے کہا تھا کہ میں کبھی پاکستان نہیں چھوڑوں گا، لیکن میں نے خود دیکھا کہ گدھے پر گدھا بیٹھ کر یہاں آگیا‘۔ انہوں نے زور دے کر کہا کہ جو لوگ ملک سے باہر بیٹھ کر جھوٹ پھیلا رہے ہیں، انہیں چاہیے کہ اگر واقعی بہادر اور محب وطن ہیں تو پاکستان آئیں اور انقلاب لے کر آئیں، نہ کہ جھوٹ اور غلط معلومات کے ذریعے فتنہ پیدا کریں۔
سوشل میڈیا پر ویڈیو وائرل ہوئی تو صارفین کا کہنا تھا کہ شاہد آفریدی یوٹیوبر عمران ریاض خان کو تنیقد کا نشانہ بنا رہے ہیں۔ سابق کپتان کی ویڈیو پر ردعمل دیتے ہوئے عمران ریاض خان نے کہا کہ میں بھی سوچ رہا تھا کہ ٹاؤٹ ابھی تک لانچ کیوں نہیں ہوا؟ میں نے تو اس پر کبھی سواری کی ہی نہیں۔ یہ کونسی ویڈیوز دیکھتا رہا ہے؟ انہوں نے مزید کہا کہ میں پاکستان کبھی نہ چھوڑتا اگر میرے قتل کا حکم اسکے مالکان نہ دیتے تو۔ خاطر جمع رکھ میں واپس آؤں گا۔ میرا رب حق کے ساتھ ہے۔ اور منافق ضرور رسوا ہوں گے۔
میں بھی سوچ رہا تھا کہ کھوتا ٹاؤٹ ابھی تک لانچ کیوں نہیں ہوا؟ کھوتا دماغ ہے ناں زرا دیر سے سمجھ آتی ہے۔ اور ہاں میں نے تو اس پر کبھی سواری کی ہی نہیں۔ یہ کونسی ویڈیوز دیکھتا رہا ہے؟ منہ کے تاثرات بتا رہے ہیں کہ پالش زبان کے راستے حلق تک اتر گئی ہے۔ اور کافی بدمزا ہے۔ میں پاکستان… https://t.co/APP8QrLds4
— Imran Riaz Khan (@ImranRiazKhan) November 7, 2025
کئی صارفین کا کہنا تھا کہ شاہد آفریدی نے تو کسی کا نام نہیں لیا پھر عمران ریاض نے کیسے سمجھ لیا کہ یہ بیان ان کے لیے ہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہد آفریدی عمران ریاض خان
پاکستان نے جنوبی افریقا کو 2 وکٹوں سے شکست دے دی، سلمان آغا اور رضوان کی شاندار بیٹنگ