آمنہ ملک نے جنات سے اپنی گمشدہ چیزیں کیسے واپس منگوائیں؟
اشاعت کی تاریخ: 10th, November 2025 GMT
پاکستانی معروف میزبان اور اداکارہ آمنہ ملک نے جنات کو ڈانٹ کر اپنی گمشدہ چیزیں واپس منگوانے کا دلچسپ واقعہ سنادیا۔
حال ہی میں اداکارہ نےنجی ٹی وی کے پروگرام میں بطور مہمان شرکت کی، جہاں انہوں نے مختلف سوالوں کے دلچسپ جواب دیے اور مزاحیہ قصے بھی شرکا کے ساتھ شیئر کیے۔
ایک سوال کا جواب دیتے ہوئے انہوں نے جنات کو ڈانٹنے کا دلچسپ قصہ سنایا اور بتایا کہ کس طرح انہوں نے گمشدہ ہونے والی چیزیں جنات سے واپس منگوائیں۔
View this post on InstagramA post shared by Hasna Mana Hai (@geohasnamanahai)
اداکارہ نے بتایا کہ ایک دفعہ میرے پیسے کھو گئے، ان دنوں ویسے بھی میری چیزیں گم ہو ہی رہیں تھی، تو مجھے کسی نے بتایا کہ جب گھروں میں بھوت، جنات موجود ہوتے ہیں، تو ایسا ہوتا ہے۔ اگر ان سے باتیں کرو تو وہ چیزیں واپس چھوڑ جاتے ہیں۔
انہوں نے بات جاری رکھتے ہوئے کہا کہ تو میں نے اپنے کمرے میں جنات سے بات کرتے ہوئے کہا، ’آپ جو بھی ہیں، چھوٹے ہیں یا بڑے ہیں، براہ مہربانی میری چیزیں نہ گم کریں‘، اس طرح شام تک میرے گمشدہ پیسے مجھے واپس مل گئے۔
انہوں نے مزید کہا کہ کہتے ہیں کہ جنات کے بچے اکثر شرارت کرتے ہیں، اس لیے جب بھی میری چیزیں کھوتی ہیں تو میں جنات سے باتیں کرلیا کرتی ہوں اور وہ مل جاتی ہیں۔
دوران انٹرویو انہوں نے ایک اور دلچسپ واقعہ سناتے ہوئے بتایا کہ ایک بار میرے گھر میں کھٹمل ہوگئے تھے جس سے میں بہت پریشان تھیں، تو ایک ماسی نے مجھے مشورہ دیا کہ دو تین کھٹملوں کو پکڑ کر گوشت کی دکان پر لیجائیں اور وہاں انہیں چھوڑ دیں اور اُن سے کہیں کہ اب ہمارے گھر واپس نہیں آنا اب یہی تمہارا گھر ہے۔
View this post on InstagramA post shared by Hasna Mana Hai (@geohasnamanahai)
اداکارہ نے کہا کہ جب میں نے ایسا کیا تو گوشت والا بھی پریشان ہوگیا اور سمجھا شاید میں کوئی جادو ٹونا کرنے آئی ہوں، لیکن میں اس کو سچ بھی نہیں بتا سکتی تھی۔
انہوں نے کہا کہ اس کے باوجود بھی کھٹمل گھر میں موجود رہے۔ ایسا کرنے سے کچھ نہیں ہوتا۔
.
ذریعہ
ذریعہ: Daily Mumtaz
کلیدی لفظ: انہوں نے بتایا کہ جنات سے کہا کہ
پڑھیں:
موضوع: کربلا میں خواتین کا کردار اور ھم
دین و دنیا پروگرام اسلام ٹائمز کی ویب سائٹ پر ہر جمعہ نشر کیا جاتا ہے، اس پروگرام میں مختلف دینی و مذہبی موضوعات کو خصوصاً امام و رہبر کی نگاہ سے، مختلف ماہرین کے ساتھ گفتگو کی صورت میں پیش کیا جاتا ہے۔ ناظرین کی قیمتی آراء اور مفید مشوروں کا انتظار رہتا ہے۔ متعلقہ فائیلیں پروگرام: دین و دنیا
موضوع: کربلا میں خواتین کا کردار اور ھم
مہمان: عالمہ رافعہ منیر
میزبان : مولانا سید تقی زیدی
پیش کار و مدیر: سید انجم رضا
پیشکش: آئی ٹائمز ٹی وی اسلام ٹائمز اردو
خلاصہ گفتگو:
کربلا میں عشق کے دو بلند ترین مینار ہیں: ایک سرورِ شہداء امام حسین علیہ السلام کی قربانی کا جلوہ، اور دوسرا اس آفتابِ عصمت کی تابناکی، جس کا نام حضرت زینب سلام اللہ علیہا ہے۔ یہیں پر خواتین کا کردار تاریخ کی سب سے درخشاں داستان بن کر ابھرتا ہے۔ بی بی زینبؑ نے نہ صرف اپنی آنکھوں سے بھائی کے لہو کا منظر دیکھا، بلکہ اپنی گفتار اور استقامت سے عاشورہ کی نہضت کو ابدی زندگی عطا کی، یزید کی باطل حکومت کو جوابِ شافی دیا اور اسے اخلاقی شکست کا مزہ چکھایا۔ کربلائی خواتین نے اپنے شوہروں، بھائیوں اور بچوں کو حوصلہ دیا کہ وہ اپنے امام کی راہ میں سبقت کریں؛ چنانچہ چھوٹے سے چھوٹے طفلِ شیرخوار نے بھی لبِ تشنہ سے قربانی کا یہ پیغام جگا دیا کہ عشقِ حسینی میں کسی کو کسی کی پروا نہیں، بس جلوۂ حق ہے اور اس کی خاطر ہر چیز فدا۔
یہ انفرادی جہاد ہی نہیں، بلکہ خواتین کا اجتماعی کردار بھی معاشرے کی تشکیل میں ناقابلِ فراموش حیثیت رکھتا ہے۔ شہیدِ امت، رہبر معظم انقلاب نے بارہا اس حقیقت کو اجاگر کیا ہے کہ معاشرہ خواتین کے کردار کے بغیر اپنی پختگی اور تکمیل نہیں پا سکتا۔ لہٰذا خواتین کو اپنے ہر شعبۂ زندگی، خاص طور پر علم و تعلیم کے میدان میں کمال حاصل کرنا چاہیے، کیونکہ بعض ذمہ داریاں ایسی ہیں جنہیں مرد انجام نہیں دے سکتے، مگر ایک باہوش، باصلاحیت اور تربیت یافتہ عورت انہیں بہترین انداز میں سرانجام دے سکتی ہے۔ یہی وہ راہ ہے جو کربلا کی درسگاہ سے نکلتی ہے اور ہر دور کی خواتین کو اپنی داخلی قوت کو پہچاننے اور اپنے معاشرتی فرائض کو پورا کرنے کا پیغام دیتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع