دریائے سوات میں ایک ہی خاندان کے 18 افراد ڈوب گئے، 7 افراد جاں بحق
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
سوات: قدرتی حسن سے مالا مال وادی سوات میں سیالکوٹ سے آئے ایک ہی خاندان کی سیر تفریح اچانک اندوہناک سانحے میں بدل گئی، جب دریائے سوات میں طغیانی کے باعث 18 افراد بہہ گئے۔
ریسکیو 1122 کے مطابق مذکورہ خاندان دریا کے کنارے ناشتے میں مصروف تھا کہ اچانک بارش کے باعث دریا میں پانی کی سطح بلند ہوئی اور تیز بہاؤ نے دیکھتے ہی دیکھتے درجنوں افراد کو اپنی لپیٹ میں لے لیا۔
ریسکیو حکام کا کہنا ہے کہ صبح 8 بجے کے قریب حادثے کی اطلاع ملی، جس کے بعد فوری امدادی کارروائی شروع کر دی گئی۔ اب تک 3 افراد کو زندہ نکالا جا چکا ہے، جبکہ 7 افراد کی لاشیں دریا سے برآمد کرلی گئی ہیں، باقی لاپتا افراد کی تلاش جاری ہے۔
ڈپٹی کمشنر سوات نے جیو نیوز سے گفتگو میں افسوس کا اظہار کرتے ہوئے بتایا کہ ضلعی انتظامیہ نے پہلے ہی دریا کے قریب جانے اور نہانے پر دفعہ 144 نافذ کر رکھی ہے، تاہم اس کے باوجود سیاح ان ہدایات کو نظر انداز کرتے ہیں، جو بعض اوقات جان لیوا ثابت ہوتا ہے۔
حادثے سے متاثر ایک خاندان کے فرد نے نمائندہ جیو سے بات کرتے ہوئے بتایا کہ ان کے خاندان کے 10 افراد پانی میں بہہ گئے، جن میں سے صرف ایک خاتون کی لاش ملی ہے جبکہ 9 بچے اب تک لاپتا ہیں۔
انہوں نے غم و غصے سے کہا، “ہم دریا کنارے چائے پی رہے تھے، بچے قریب جا کر تصویریں کھنچوانے لگے، اُس وقت پانی کی سطح معمول پر تھی، مگر چند لمحوں میں تیز ریلہ آیا اور بچے بہہ گئے۔”
سیاح کا شکوہ تھا کہ ریسکیو ٹیموں کو اطلاع دی گئی، مگر وہ جائے وقوعہ پر ڈیڑھ سے دو گھنٹے کی تاخیر سے پہنچیں، اور یہ سانحہ اُن کی موجودگی میں پیش آیا۔ “بچے ان کی آنکھوں کے سامنے ڈوبتے رہے، لیکن کوئی انہیں بچا نہ سکا،” سیاح نے آبدیدہ ہو کر کہا۔
.ذریعہ: Jasarat News
پڑھیں:
نریندر مودی کو صرف الیکشن سے مطلب ہے، ملکارجن کھڑگے
کانگریس صدر نے راہل گاندھی کی تعریف کرتے ہوئے کہا کہ وہ عوام کے مسائل کو نہ صرف سمجھنے کی کوشش کرتے ہیں بلکہ اسکا حل بھی تلاش کرتے ہیں۔ اسلام ٹائمز۔ کانگریس صدر ملکارجن کھڑگے نے کہا کہ راہل گاندھی عوام سے ملاقات کرتے ہیں، ان کے درمیان جاتے ہیں، حال ہی میں انہوں نے مکیش سہنی کے ساتھ ماہی گیروں سے ملاقات کی اور ان کے مسائل کو سمجھنے کی کوشش کی۔ انہوں نے کہا کہ راہل گاندھی جیسی مثال ملک میں کہیں دوسری نہیں ہے۔ یہ بیان کانگریس صدر ملکارجن کھڑگے نے بہار کے گیا ٹاؤن میں ایک انتخابی جلسہ سے خطاب کرتے ہوئے دیا۔ انہوں نے راہل گاندھی کی تعریف کرتے ہوئے کہا کہ وہ عوام کے مسائل کو نہ صرف سمجھنے کی کوشش کرتے ہیں، بلکہ اس کا حل بھی تلاش کرتے ہیں۔ ملکارجن کھڑگے نے وزیراعظم نریندر مودی کو راہل گاندھی کے برعکس قرار دیا اور کہا کہ انہیں عوام سے کوئی مطلب نہیں ہے۔ ملکارجن کھڑگے نے لوگوں کی زبردست بھیڑ سے خطاب کرتے ہوئے کہا کہ نریندر مودی کو صرف الیکشن سے مطلب ہے، جب انتخاب آتا ہے تو وہ گھومتے ہی رہتے ہیں۔ انہوں نے مزید کہا کہ لوگوں نے آپ کو (پی ایم مودی کو) ملک چلانے کے لئے وزیراعظم بنایا تھا، میونسپلٹی کے الیکشن میں تشہیر کرنے کے لئے نہیں۔
کانگریس کے صدر نے اپنی تقریر کے دوران بہار کے وزیراعلٰی نتیش کمار اور مرکزی وزیر داخلہ امت شاہ کو موقع پرست ظاہر کیا، بطور ثبوت انہوں نے کہا کہ بی جے پی سماج میں خوف، نفرت اور زہر پیدا کر رہی ہے۔ انہوں نے کہا کہ یہ ہماری جمہوریت اور آئین کے لئے سب سے بڑا خطرہ ہے۔ نتیش کمار نے یہ بات دسمبر 2023ء میں قومی مجلس عاملہ کی میٹنگ میں کہی تھی، اب وہ بی جے پی کے ساتھ کھڑے ہیں۔ امت شاہ کے تعلق سے وہ کہتے ہیں کہ امت شاہ نے کہا تھا نتیش کمار کے لئے بی جے پی کے دروازے ہمیشہ کے لئے بند ہیں، وہ بھی اپنی بات سے پلٹ چکے ہیں۔ ملکارجن کھڑگے کہتے ہیں کہ مجموعی طور پر یہ لوگ موقع پرست ہیں، جو صرف اپنا فائدہ اور کرسی دیکھتے ہیں۔ انہوں نے کہا کہ اس لئے ہم سبھی کو ایسے لوگوں کو اقتدار سے ہٹانا ہے، نہیں تو ہمارا مستقبل برباد ہوجائے گا۔ اپنی تقریر میں کانگریس صدر نے "ووٹ چوری" کا بھی ذکر کیا۔
پاکستان نے جنوبی افریقا کو 2 وکٹوں سے شکست دے دی، سلمان آغا اور رضوان کی شاندار بیٹنگ