گوادر ،باران رحمت کیلیے تیسرے روزبھی نماز استسقا کی ادائیگی
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
گوادر (نمائندہ جسارت ) ضلع کی جانب سے باران رحمت کے لیے تیسرے روز بھی نماز استسقا ادا کی گئی اللہ کے حضور گناہوں سے توبہ اور باران رحمت کے لیے خصوصی دعائیں کی گئیں۔ سیکڑوں افراد کی شرکت۔ تفصیلات کے مطابق گوادر ان دنوں شدید خشک سالی کی لپیٹ میں ہے ضلع بھر میں پانی کی شدید قلّت ہے گزشتہ کئی عرصے سے بارشیں نہ ہونے کی وجہ سے گوادر اور ملحقہ علاقوں کو پانی سپلائی کرنے والی آنکارہ کور ڈیم سوکھ چکا ہے جس میں پانی کا ذخیرہ ڈیڈ لیول کو کراس کرچکا ہے۔ جس کی وجہ سے ضلعی انتظامیہ اسسٹنٹ کمشنر گوادر جواد احمد زہری نے نیو ٹائون عید گاہ میں باران رحمت کے لیے تین روزہ نماز استسقا اور خصوصی دعائیں ادا کرنے کا اہتمام کرایا گیاجس میں شہریوں کی بڑی تعداد نے حصہ لیا۔ نماز استسقا کے تیسرے روز شہریوں کی بڑی تعداد نے شرکت کی۔ اس موقع پر اسسٹنٹ کمشنر گوادر جواد احمد زہری سمیت علما کرام مدارس کے طلبا اساتذہ کرام مختلف مکاتب فکر سے تعلق رکھنے والے لوگوں نے شرکت کی۔ امام و خطیب مولانا غلام رضا نے خطاب کرتے ہوئے کہا کہ اس وقت امت مسلمہ کو اتحاد ویکجہتی کی ضرورت پر زور دیتے ہوئے کہا کہ ہمیں اسلامی احکامات پر عمل پیرا ہونے ، معاشرے میں تبدیلی لانے اور اپنے اعمال کو درست کرنے سمیت گناہوں سے توبہ کرنی چاہیے۔ اس موقع پر نماز استسقا اور باران رحمت کے لیے خصوصی دعا معروف عالم دین مولانا اسماعیل قیس نے کرائی۔ انہوں نے کہا قحط سالی بارش نہ ہونے سے لوگوں کو اللہ تعالی کی طرف رجوع کرنے کی اپیل کرتے ہوئے کہا کہ اللہ تعالی بہترین رزق اور رحمت والی بارش دینے والی ذات ہے۔ انھوں نے شہریوں سے اپیل کی کہ وہ گڑگڑا کر اللہ تعالیٰ سے اپنے گناہوںکی معافی طلب کریں اور نماز قائم رکھیں۔
.ذریعہ: Jasarat News
کلیدی لفظ: باران رحمت کے لیے
پڑھیں:
’قومی ترقی کیلیے ادارہ شماریات کے اعداد و شمار کو پالیسی سازی کیلیے استعمال کیا جائے‘
وفاقی ادارہ شماریات کے سربراہ ڈاکٹر نعیم الظفر نے کہا ہے کہ اعداد و شمار کو محض نمبرز کے طور پر نہیں دیکھا جانا چاہیے، اس ڈیٹا کو پالیسیوں اور منصوبوں کو وضع کرنے کے لیے استعمال کیا جانا چاہیے جس سے ہماری قومی ترقی کو فروغ ملے گا۔
ان خیالات کا اظہار انہوں نے کراچی کے مقامی ہوٹل میں یو این ایف پی اے کے تعاون سے ’’ڈیٹا کی تشریح اور اس کے استعمال‘‘ کے موضوع پر منقعد تین روزہ ورکشاپ کی افتتاحی تقریب سے خطاب کرتے ہوئے کیا۔
تقریب میں صوبائی محکمہ منصوبہ بندی و ترقی، بیورو آف اسٹیٹکس، تعلیم، صحت، معیشت اور تحقیقاتی اداروں کے نمائندے شریک ہوئے۔ ورکشاپ میں تعلیم، صحت، معیارِ زندگی، پانی و نکاسی، قیمتوں کے اعداد و شمار، غیر ملکی تجارت، معاشی اعداد و شمار اور لیبر فورس کے موضوعات پر گفتگو کی گئی۔
چیف شماریات ڈاکٹر نعیم الظفر نے کہا کہ اس ورکشاپ کا مقصد وفاقی، صوبائی محکموں کو ڈیٹا کی بنیاد پر بہتر اور موثر فیصلے کرنے کے قابل بنانا ہے۔ یہ ورکشاپ وزیراعلیٰ سندھ سید مراد علی شاہ کی درخواست پر منعقد کی گئی ہے تاکہ سندھ کے محکمے زیادہ سے زیادہ فائدہ اٹھائیں اور اپنے آپ کو ڈیٹا ٹولز میں اس قابل بنائیں جو انہیں باخبر فیصلہ سازی میں مدد فراہم کرسکے۔
انہوں نے بتایا کہ مستقبل کی موثر منصوبہ بندی کے لیے جو بھی ڈیٹا درکار ہونا چاہیے وہ ڈیجیٹل مردم شماری میں موجود ہے، صرف انسانوں کی تعداد نہیں، انفرااسٹرکچر، عمارتیں، گھر، ان کے استعمال میں موجود سہولتیں، تعلیم، صحت غرض جو آپ سوچیں اس کا ڈیٹا موجود ہے جو پاکستان کو ترقی کی نئی راہ پر گامزن کرنے کے لیے کافی ہے۔
اُن کا کہنا تھا کہ اب ضرورت اس بات کی ہے کہ منصوبہ بندی کرنے والے ادارے ان اعداد و شمار سے فائدہ اٹھائیں۔ ڈاکٹر نعیم الظفر نے گڈ گورننس کی اہمیت اور ڈیٹا پر مبنی منصوبہ بندی کے لیے ایک اچھی طرح سے طے شدہ روڈ میپ پر عمل کرنے کی ضرورت پر بھی زور دیا۔
ورکشاپ سے خطاب کرتے ہوئے یو این ایف پی اے کے نمائندے گولڈن ملیلو نے کہا کہ وفاقی ادارہ شماریات ڈیٹا اکٹھا کرنے میں سخت محنت کرتا ہے لیکن افسوس یہ ہے کہ اس ڈیٹا کا استعمال نہیں کیا جاتا اور پالیسی سازی میں اس کی عکاسی نہیں ہوتی۔
پی ٹی آئی کا اڈیالہ جیل کے باہر احتجاج کا منصوبہ، انتظامیہ نے اضافی سیکیورٹی مانگ لی