مخصوص نشستوں کے فیصلے میں آئین کو پامال کیا گیا، رؤف حسن
اشاعت کی تاریخ: 29th, June 2025 GMT
اسلام آباد:
پاکستان تحریک انصاف کے رہنما رؤف حسن کا کہنا ہے کہ جب سے پی ٹی آئی کی حکومت کو ختم کیا گیا ہے، تین سال سے زیادہ کا عرصہ ہو گیا ہے، مشکلات کم نہیں ہوئیں بلکہ بڑھتی ہی جا رہی ہے، جب حکومت یا ریاست کا ایک ہی مقصد ہو کہ آپ نے کسی جماعت کو ختم کرنا ہے تو ریاست کے پاس بڑے انسٹرومنٹس ہوتے ہیں۔
ایکسپریس نیوز کے پروگرام سینٹر اسٹیج میں گفتگو کرتے ہوئے انہوں نے کہا کہ مخصوص نشستوں کے حالیہ فیصلے میں آئین، قانون اور انصاف کے تقاضوں کو پامال کیا گیا ہے، بانی پی ٹی آئی سے ملاقات کروانے کے لیے اسلام آباد کے لارجر بینچ کا آرڈر موجود ہے، اس کے باوجود حکومت اجازت نہیں دے رہی۔
ماہر بین الاقوامی قوانین احمر بلال صوفی نے کہا کہ پہلے تو یہ سمجھ لیجیے کہ یہ سمپلیمنٹل ایوارڈ ہے، یعنی اس کو آپ کہہ لیں کہ انٹیرم آرڈر ہے، جب یہ میٹر پینڈنگ تھا اور پاکستان اس معاملے کو پرماننٹ کورٹ آف آربیٹریشن میں لے کر گیا ہوا تھا، کچھ سالوں سے اور ساتھ ساتھ نیوٹرل ایکسپرٹ کے سامنے بھی معاملہ پینڈنگ تھا۔ جب معطل کرنے کا نوٹس انڈیا نے دیا اور اعلان کیا تو اس کے بعد کورٹ نے ازخود یہ چیز محسوس کی کہ اس اعلان کا لیگل اثر پینڈنگ پروسیڈنگز پر کیا ہے اس کا معائنہ کرنا ضروری ہے۔
انہوں نے کہا کہ کورٹ نے ایک پروسیجرل آرڈر نہیں 15 جاری کیا جس میں اپنے اوپر یہ ٹاسک لیا کہ دونوں ملکوں سے پوچھے کہ وہ اس نوٹس پر کیا اپنا موقف رکھتے ہیں، پاکستان نے کافی تفصیلی دلائل دیے،کورٹ نے اپنے ایوارڈ میں حوالہ دیا ہے کہ انڈیا نے بالکل خاموشی رکھی،کوئی رسپانس نہیں آیا، ان کی جانب سے کوئی پیش ہوا نہ جواب داخل کیا۔
ایکسپریس کے بیوروچیف پشاور شاہد حمید نے کہا کہ سوات کے افسوسناک واقعہ پر کے پی حکومت نے چار افسر معطل کیے، ڈپٹی کمشنر کو ہٹایا گیا۔ چیف سیکرٹری نے وقوعہ کا دورہ کیا، تمام معاملات کو دیکھا اور ہدایات جاری کیں۔ اب دیکھنا ہوگاکہ صوبائی حکومت، وزیر اعلیٰ کے پی کیا کارروائی کرتے ہیں ، خیبر پختونخوا میں ٹورسٹ پولیس موجود ہے، ریسکیو1122کا ادارہ ہے دیگر حکام موجود ہیں لیکن اس وقت جائے وقوعہ پر کوئی بھی موجود نہیں تھا۔
.
ذریعہ
ذریعہ: Express News
کلیدی لفظ: نے کہا کہ
پڑھیں:
مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی
مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔
ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔
اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔
دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔
ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔
سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ