نئے ’دلائی لاما‘ کی تقرری پر بیان بازی، چین نے بھارت کو خبردار کردیا
اشاعت کی تاریخ: 5th, July 2025 GMT
نئے ’دلائی لاما‘ کی تقرری پر بیان بازی، چین نے بھارت کو خبردار کردیا WhatsAppFacebookTwitter 0 5 July, 2025 سب نیوز
نئے ’دلائی لاما‘ کی تقرری پر بیان بازی پر چین نے بھارت کو خبردار کیا ہے کہ وہ احتیاط سے کام لے۔
میڈیا رپورٹس کے مطابق چین نے بھارت پر زور دیا ہے کہ وہ تبت سے متعلق معاملات میں احتیاط سے قدم اٹھائے، اور مرکزی وزیر کرن رجیجو کے اس بیان پر اعتراض کیا ہے جس میں انہوں نے کہا تھا کہ دلائی لاما کی تجسیم (انکارنیشن) ان کی مرضی کے مطابق ہونی چاہیے۔
رپورٹ کے مطابق اتوار کے روز اقلیت امور کے وزیر کرن رجیجو کا کہنا تھا کہ صرف دلائی لاما اور ان کی قائم کردہ تنظیم کو ہی تبتی بدھ مت کے روحانی پیشوا کے جانشین کی شناخت کا اختیار حاصل ہے، جو چین کی طویل مدتی پوزیشن کے برعکس ہے۔ اس پر چین نے بھارت کو خبردار کیا ہے کہ وہ اپنے الفاظ اور عمل میں محتاط رہے تاکہ دوطرفہ تعلقات کی بہتری پر منفی اثرات نہ پڑیں۔
وزارت خارجہ نے بھی رجیجو کے موقف کی تردید کرتے ہوئے کہا کہ بھارتی حکومت ایمان اور مذہب کے عقائد اور طریقوں سے متعلق معاملات پر کوئی موقف نہیں رکھتی اور نہ ہی بولتی ہے۔
ادھر چین کی وزارت خارجہ کی ترجمان ماؤ ننگ نے بھی رجیجو کے بیانات پر ردعمل دیتے ہوئے کہا، بھارت کو دلائی لاما کے چین مخالف علیحدگی پسند کردار سے آگاہ ہونا چاہیے اور زِزانگ (تبت) سے متعلق اپنی ذمہ داریوں کا احترام کرنا چاہیے۔
بدھ کو دلائی لاما جو 1959 میں چینی حکومت کے خلاف ناکام بغاوت کے بعد بھارت پناہ لے آئے تھے، نے کہا تھا کہ ان کے انتقال کے بعد وہ دوبارہ تجسیم ہوں گے اور صرف گڈن پھودرنگ ٹرسٹ ہی ان کے جانشین کی شناخت کر سکے گا۔ انہوں نے پہلے بھی کہا تھا کہ ان کا جانشین چین سے باہر پیدا ہوگا۔
بیجنگ کا موقف ہے کہ دلائی لاما کے جانشین کی منظوری کا حق انہیں وراثت میں ملا ہے جو قدیم دور سے چلا آ رہا ہے۔
کرن رجیجو نے کہا، ”کسی کو بھی یہ حق نہیں کہ وہ دلائی لاما کے جانشین کا تعین کرے۔ صرف وہ خود یا ان کا ادارہ اس فیصلے کا مجاز ہے۔ ان کے پیروکار اس پر گہرا یقین رکھتے ہیں۔“ رجیجو یہ بیان اپنے دورہ دھرمشالہ کے موقع پر دیا جہاں وہ دلائی لاما کی 90 ویں سالگرہ کی تقریبات میں بھارتی حکومت کی نمائندگی کر رہے ہیں۔
رجیجو خود ایک بدھ مت کے ماننے والے ہیں، اور راجیو رنجن سنگھ، ایک اور مرکزی وزیر، بھی ان کے ساتھ اس تقریب میں شامل ہیں۔
چینی وزارت خارجہ کی ماؤ ننگ نے دوبارہ زور دیا کہ دلائی لاما اور پانچن لاما (جو تبتی بدھ مت کے دوسرے بڑے روحانی پیشوا ہیں) کی تجسیم سخت مذہبی رسومات اور تاریخی روایات کے مطابق ہونی چاہیے، جن میں مرکزی حکومت کی منظوری اور ’گولڈن ارن‘ سے قرعہ اندازی شامل ہے۔
انہوں نے کہا کہ موجودہ 14 ویں دلائی لاما نے اسی طریقہ کار سے گزر کر مرکزی حکومت کی منظوری حاصل کی تھی، اور آئندہ بھی دلائی لاما کی تجسیم کو ان اصولوں، مذہبی رسومات، تاریخی روایات، چینی قانون اور ضوابط کی پاسداری کرنی ہوگی۔
دلائی لاما کی تقرری کیسے ہوتی ہے؟
دلائی لاما کی تقرری ایک مشکل عمل سمجھا جاتا ہے۔ مذکورہ بدھ مت کے عقیدے میں روحانی پیشوا کو ایک ایسی ہستی سمجھا جاتا ہے جو انسانیت کی مدد کے لیے دوبارہ جنم لینے کا انتخاب کرتی ہے۔
رپورٹ کے مطابق دلائی لاما کے نئے جنم کی تلاش ایک نہایت پیچیدہ عمل ہوتا ہے۔ جس میں وی ہدایات یا اشارے شامل ہوتے ہیں جو گزشتہ دلائی لاما اپنی وفات سے قبل چھوڑ جاتے ہیں۔ اس کے لیے روحانی پیشواؤں سے رہنمائی لینا، نجومیوں سے مشورہ کرنا اور سینیئر لاماؤں کو مراقبے کے دوران آنے والے خواب کی تعبیر سے بھی مدد لی جاتی ہے۔
اس کے بعد خاص اشارات کو مد نظر رکھتے ہوئے ٹیمیں ان بچوں کو تلاش کرتی ہیں جو دلائی لاما کی وفات کے بعد پیدا ہوئے ہوں۔ اطلاعات کے مطابق وہ بچے آزمائشی عمل سے گزارے جاتے ہیں جن میں ان چیزوں کی شناخت بھی شامل ہوتی ہے جو پچھلے دلائی لاما کی ملکیت تھیں۔
تاہم دلائی لاما کا جنم ہمیشہ تبت میں نہیں ہوا، 16ویں صدی میں چوتھے دلائی لاما کو منگولیا میں تلاش کیا گیا جبکہ چھٹے دلائی لاما کا جنم تقریباً ایک صدی بعد موجودہ اروناچل پردیش میں ہوا۔
موجودہ دلائی لاما کی سوانح عمری کے مطابق وہ تبت کے شمال مشرقی علاقے میں ایک کسان کے گھرپیدا ہوئے تھے اور محض دو سال کی عمر میں بطور دلائی لاما شناخت کیے گئے۔
غیر ملکی میڈیا کے مطابق اگر روایت کے مطابق اگلے دلائی لاما کو بھی اس کے بچپن میں شناخت کیا گیا تو قیادت سنبھالنے سے پہلے اُس کی تربیت میں ایک سے 2 دہائیاں لگ سکتی ہیں اور یہ وہ وقت ہے جس سے فائدہ اٹھاتے ہوئے چین اپنے نامزد کردہ دلائی لاما کو تیار کرسکتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرروانڈا اور پاکستان نے بحرانوں کا مقابلہ کیا, ہمسایوں کی جارحیت کا دندا ن شکن جواب دیا, مشاہد حسین سید کا روانڈا کے 31 ویں یوم آزادی سے خطاب روانڈا اور پاکستان نے بحرانوں کا مقابلہ کیا, ہمسایوں کی جارحیت کا دندا ن شکن جواب دیا, مشاہد حسین سید کا روانڈا کے 31... عمران خان سے نواز شریف کا کچھ لینا دینا نہیں نہ وہ ملنے اڈیالہ جیل جارہے ہیں، عرفان صدیقی ایران کی پاکستان کی سفارتی حمایت کی ستائش، تعلقات مزید مضبوط بنانے پر اتفاق دلائی لاما کے نئے جنم پر بحث کیوں جاری ہے اور چین کا اس معاملے سے کیا تعلق ہے؟ فرانسیسی ترقیاتی ادارے کے ساتھ 12 ملین یورو گرانٹ کے معاہدے پر دستخط شام اسرائیل کے ساتھ 1974 کے معاہدے کی بحالی کیلئے امریکا سے تعاون پر آمادہ
Copyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: چین نے بھارت کو خبردار دلائی لاما کے دلائی لاما کی کے جانشین بدھ مت کے کی تقرری کے مطابق کے بعد نے کہا تھا کہ
پڑھیں:
ایم ڈی کیٹ کے ٹیسٹ میں کراچی کے بچے بازی لے گئے
کراچی(ڈیلی پاکستان آن لائن )آئی بی اے سکھر یونیورسٹی کے ایم ڈی کیٹ 2025 کے ٹیسٹ میں کراچی کے طلبہ سندھ کے تمام اضلاع کے طلبہ پر بازی لے گئے اور پہلی تینوں پوزیشنز کراچی کے نام رہیں جبکہ ٹاپ ٹین میں شامل 124 امیدواروں میں سے 41 امیدواروں کا تعلق کراچی سے ہے۔
آئی بی اے سکھر کے ایم ڈی کیٹ کے ابتدائی نتائج کے مطابق سندھ بھر کے تعلیمی بورڈز سے اے ون اور اے گریڈ لانے والے طلبہ کی اکثریت یعنی 56 فیصد امیدوار ایم بی بی ایس کے ایم ڈی کیٹ ٹیسٹ میں فیل ہوگئے جبکہ بی ڈی ایس کے 48 فیصد امیدوار ٹیسٹ میں ناکام ہوگئے۔
شاہ محمود قریشی سے پی کے ایل آئی میں فواد چوہدری، عمران اسماعیل اور دیگر رہنماؤں کی ملاقات
نتائج کے مطابق 14300 امیدوار 55 فیصد (99) یا اس سے زائد نمبر لا کر کامیاب ہو سکے جبکہ بی ڈی ایس کے لیے 17123 امیدوار 50 فیصد (90) یا اس سے زائد نمبر لا کر کامیاب ہوئے۔اس طرح 56 فیصد امیدوار ایم بی بی ایس کے ٹیسٹ میں ناکام ہوگئے جبکہ بی ڈی ایس میں 48 فیصد امیدوار ناکام ہوگئے۔
ایم ڈی کیٹ نتائج کے مطابق سید محمود خان ولد عدالت خان کراچی ضلع غربی نے ایم ڈی کیٹ میں سب سے زیادہ نمبر حاصل کیے، انھوں نے 180 میں سے 175 نمبر حاصل کیے، کراچی کورنگی کے فیصل اشرف خان ولد نوید اشرف خان اورضلع قمبر شہداد کوٹ کے شیراز حسین ولد نیاز حسین مغیری 174 نمبر لے کر دوسرے نمبر پر رہے۔
حکومت نے پیٹرولیم مصنوعات کی قیمتوں میں اضافے کا اعلان کردیا
کراچی شرقی کے محمد ریان ہمایوں ولد ہمایوں فاروق، کورنگی کی ماہ نور شاہنواز بنت سید شاہنواز حسین اور حیدرآباد کی حرا عابد ولد عابد علی سیہتو 173 نمبر لا کر تیسرے نمبر پر رہے۔124امیدوار ٹاپ ٹین میں شامل رہے جن میں سے 41امیدواروں کا تعلق کراچی سے ہے۔
آئی بی اے سکھر یونیورسٹی کے وائس چانسلر ڈاکڑ آصف شیخ نے بتایا کہ ایم ڈی کیٹ 2025 کے عارضی نتائج کا باقاعدہ اعلان کیا جاچکا ہے اور یکم نومبر 2025کو شام 5:00بجے تک امیدوار وں کو شکایت کے اندراج کا وقت دیا گیا ہے کہ اگر کوئی شکایت ہے تو اس کا اندراج ای میل کے ذریعے کردیں، اتوار کو شام 5 بجے حتمی نتائج جاری کر دیئے جائیں گے۔
بابر اعظم نے ٹی ٹوئنٹی میں روہت شرما کا سب سے زیادہ رنز کا ریکارڈ توڑ دیا
مزید :
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ