سکھر ،سیپکو ریجن میں بلاتعطل بجلی کی فراہمی یقینی رہی
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت) محرم الحرام کا عشرہ خیرو عافیت سے مکمل، سیپکو ریجن میں بلا تعطل بجلی کی فراہمی یقینی، سی ای او انجینئر اعجاز احمد چنہ اور چیئرمین بی او ڈی کی جانب سے افسران و عملے کو شاباش، محرم الحرام کے عشرے کے دوران سکھر الیکٹرک پاور کمپنی (سیپکو) کی جانب سے ریجن بھر میں بلا تعطل بجلی کی فراہمی کو یقینی بنانے کے لیے مؤثر اور منظم حکمت عملی کے تحت شاندار اقدامات کیے گئے۔ ترجمان سیپکو کے مطابق، سیپکو کے تحت آنے والے 10 اضلاع — سکھر، خیرپور، گھوٹکی، لاڑکانہ، قمبر شہدادکوٹ، شکارپور، جیکب آباد، کشمور، دادو اور نوشہروفیروز — میں نکالے گئے تمام چھوٹے بڑے ماتمی جلوس روایتی راستوں سے بخیر و خوبی اختتام پذیر ہوئے۔سی ای او سیپکو انجینئر اعجاز احمد چنہ نے یکم محرم سے یوم عاشورہ تک مذہبی تقریبات بالخصوص مساجد، امام بارگاہوں، مجالس اور جلوسوں کے راستوں پر بجلی کی بلاتعطل فراہمی کے لیے جاری سرگرمیوں کی خود نگرانی کی۔ ان کی قیادت میں سیپکو انتظامیہ نے عاشورہ کے دوران لوڈشیڈنگ کے اوقات میں خاطر خواہ تبدیلیاں کرتے ہوئے عزاداروں کو کسی قسم کی پریشانی سے بچانے کے لیے بجلی کی مسلسل فراہمی کو یقینی بنایا، جو قابلِ تحسین اقدام قرار دیا جا رہا ہے۔محرم الحرام کے دوران سیپکو کی 5 آپریشنل سرکلز، 16 آپریشنل ڈویڑنز اور 65 سب ڈویڑنز میں موجود 1200 سے زائد اہلکار ہمہ وقت الرٹ رہے اور اپنے متعلقہ ہیڈکوارٹرز پر موجود رہ کر بجلی کی بلا تعطل سپلائی کو یقینی بنایا۔ امام بارگاہوں، سبیلوں، گھروں اور مجالس کے مقامات پر بجلی کی تسلسل کے ساتھ دستیابی کو عوامی حلقوں نے بھی سراہا۔چیئرمین بی او ڈی سیپکو آغا لعل بخش خان اور سی ای او سیپکو انجینئر اعجاز احمد چنہ کی جانب سے اس بات پر خوشی کا اظہار کیا گیا کہ محرم الحرام کے دوران ریجن بھر سے بجلی کی فراہمی سے متعلق کوئی شکایت موصول نہیں ہوئی، جو سیپکو کے تمام افسران و فیلڈ اسٹاف کی انتھک محنت، فرض شناسی اور مربوط حکمت عملی کا منہ بولتا ثبوت ہے۔سیپکو انتظامیہ نے اس موقع پر اپنے تمام افسران، انجینئرز، لائن اسٹاف اور دیگر فیلڈ اہلکاروں کو شاباش دیتے ہوئے اس عزم کا اظہار کیا کہ سیپکو مستقبل میں بھی عوام کو معیاری، محفوظ اور بلاتعطل بجلی کی فراہمی کے لیے اسی جوش و جذبے سے خدمات انجام دیتا رہے گا۔
.
ذریعہ
ذریعہ: Jasarat News
کلیدی لفظ: بجلی کی فراہمی محرم الحرام کے دوران سیپکو ا کے لیے
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی