خیبر پختونخوا: انسدادِ پولیو مہم کا آغاز 14 جولائی سے ہوگا
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: نیشنل ایمرجنسی آپریشن سینٹر (ای او سی) نے اعلان کیا ہے کہ دیامر اور خیبرپختونخوا کے تین اضلاع میں 14 جولائی سے پانچ روزہ انسداد پولیو مہم شروع کی جارہی ہے، جو 18 جولائی تک جاری رہے گی۔
ترجمان کے مطابق مہم کوہستان اپر، کوہستان لوئر اور کولائی پالس کے اضلاع میں چلائی جائے گی، جس کا ہدف ایک لاکھ 58 ہزار سے زائد بچوں کو پولیو سے بچاؤ کے قطرے پلانا ہے۔
بیان میں کہا گیا کہ ہائی رسک یونین کونسلوں پر خصوصی توجہ دی جا رہی ہے اور جامع حکمت عملی کے تحت مہم کو مؤثر بنانے کے لیے اقدامات کیے گئے ہیں۔ والدین سے اپیل کی گئی ہے کہ وہ ہر بار اپنے بچوں کو پولیو کے قطرے ضرور پلائیں اور حفاظتی ٹیکہ جات کا کورس بھی مکمل کروائیں تاکہ بچوں کو نہ صرف پولیو بلکہ دیگر خطرناک بیماریوں سے محفوظ رکھا جا سکے۔
نیشنل ای او سی نے کمیونٹی سے بھرپور تعاون کی درخواست کرتے ہوئے کہا کہ پولیو ویکسین بچوں کو عمر بھر کی معذوری سے بچانے کا واحد محفوظ اور مؤثر ذریعہ ہے۔
.ذریعہ: Jasarat News
کلیدی لفظ: بچوں کو
پڑھیں:
اجتماع عام پاکستان میں منصفانہ نظام کے قیام کی جدوجہد کا آغاز ہوگا۔ سراج الحق
data-id="863a0a8" data-element_type="widget" data-widget_type="theme-post-content.default">
دیر لوئیر:۔ سابق امیر جماعت اسلامی پاکستان سراج الحق نے کہا ہے کہ عوام کو اسلامی نظامِ حیات کے قیام کی طرف متوجہ کرنا وقت کی اہم ضرورت ہے۔ پاکستان اس وقت اندرونی و بیرونی دباﺅ کا شکار ہے، جبکہ عالمی قوتیں پاکستان اور افغانستان کے درمیان اختلافات بڑھانے کی کوششوں میں مصروف ہیں۔ اگر دونوں ممالک کے درمیان کوئی تصادم ہوا تو یہ ایک نہ ختم ہونے والا سانحہ ثابت ہوگا۔
ان خیالات کا اظہار انہوں نے چکدرہ فشنگ ہٹ میں جماعت اسلامی خیبرپختونخوا شمالی کے زیر اہتمام مشاورتی کونسل اجلاس سے خطاب کرتے ہوئے کیا۔ سراج الحق نے پاکستان اور افغانستان دونوں ملکوں کے عوام اور قیادتوں سے صبر و تدبر کا مظاہرہ کرنے کی اپیل کی۔
سراج الحق نے مزید کہا کہ بدامنی، کرپشن اور بے روزگاری کے خاتمے کا واحد حل اسلامی نظام کا نفاذ ہے۔ انہوں نے کہا کہ سالانہ اجتماعِ عام کے لیے بھرپور تیاری کی جارہی ہے اور کارکنان کو ہدایت کی کہ وہ مساجد، تعلیمی اداروں اور کھیل کے میدانوں میں جا کر عوام کو اس دعوتِ حق سے آگاہ کریں۔
انہوں نے کہا کہ “اللہ کے فضل و کرم سے جماعت اسلامی کی قیادت پر کرپشن کا کوئی داغ نہیں” پوری دنیا سے لوگ مینارِ پاکستان کے اس عظیم الشان اجتماع میں شرکت کریں گے۔ یہ اجتماع پاکستان میں اسلامی، خوشحال اور منصفانہ نظام کے قیام کی نئی جدوجہد کا آغاز ثابت ہوگا۔
اجلاس سے امیر جماعت اسلامی خیبرپختونخوا شمالی عنایت اللہ خان، سیکرٹری جنرل سید حلیم باچا،نائب امرا سید بختیار معانی، محمد امین اور دیگر نے بھی خطاب کیا۔
پاکستان اور میٹا کا ڈیجیٹل تعاون بڑھانے پر اتفاق