محکمہ سوئی گیس،عجب سروس ، غضب کہانی
اشاعت کی تاریخ: 9th, July 2025 GMT
راولپنڈی( نیوزڈیسک) راولپنڈی کے علاقے دھمیال کے ایک شہری کو سوئی گیس کا ایسا بل موصول ہوا جس نے نہ صرف اہل محلہ کو حیران کر دیا بلکہ سوشل میڈیا پر بھی ہنگامہ برپا کر دیا۔ عام محنت کش اللہ دتہ راجہ کو 1 کروڑ 23 لاکھ روپے کا بل بھیجا گیا، وہ بھی صرف چار ماہ کی مدت کا۔
یہ رقم اتنی زیادہ ہے کہ کسی صنعتی یونٹ کا بل بھی اس کے سامنے شرمندہ ہو جائے۔ اللہ دتہ راجہ نے فوری طور پر سوئی ناردرن گیس کے دفتر کا رخ کیا، لیکن جواب ملا کہ بل درست ہے اور اسے جمع کرانا ہو گا۔ غریب شہری نے دہائی دی کہ اس کا نہ تو کوئی ہوٹل ہے، نہ فیکٹری، پھر بھی اتنی خطیر رقم کا بل کیوں بھیجا گیا؟
سوشل میڈیا پر بل کی کاپی وائرل ہونے کے بعد صارفین نے اسے “گیس بل یا بینک قرض؟” کا نام دے دیا۔ عوامی ردعمل کے بعد سوئی ناردرن حکام نے معاملے کی تحقیق شروع کی اور ابتدائی تحقیقات میں یہ بات سامنے آئی کہ سسٹم میں تکنیکی خرابی کے باعث یہ بل جنریٹ ہوا۔
ادارے نے غلطی تسلیم کرتے ہوئے یقین دہانی کرائی کہ درست بل جاری کیا جائے گا اور شہری کو کوئی اضافی رقم ادا نہیں کرنا پڑے گی۔ اس واقعے نے ایک بار پھر اس بات کی یاد دہانی کروائی کہ بلنگ کے نظام میں شفافیت اور نگرانی کس قدر ضروری ہے، تاکہ عام شہری غیر ضروری ذہنی اذیت سے بچ سکیں۔
مزیدپڑھیں:بانی پی ٹی آئی کے ویژن پر کام کریں گے، علی امین گنڈا پور
.ذریعہ: Daily Ausaf
پڑھیں:
ڈیجیٹل پنجاب وژن کے تحت فری وائی فائی سروس کا دائرہ بڑھا دیا گیا
سٹی42ؒ: ڈیجیٹل پنجاب وژن کے تحت فری وائی فائی سروس کا دائرہ وسیع کر دیا گیا ہے۔ سیف سٹیز اتھارٹی نے اب تک 1283 فری وائی فائی سپاٹس کو مکمل طور پر فعال کر دیا ہے، جن میں لاہور میں 470 مقامات شامل ہیں۔
ترجمان کے مطابق اب تک 76.76 ملین سے زائد صارفین نے تقریباً 1378 ٹی بی ڈیٹا استعمال کیا ہے۔ مزید شہروں میں بھی جلد فری وائی فائی سروس متعارف کرائی جائے گی۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
ترجمان نے واضح کیا ہے کہ فری وائی فائی سروس کو بنیادی طور پر ایمرجنسی استعمال کے لیے ڈیزائن کیا گیا ہے، اس کا مقصد ویڈیو سٹریمنگ یا تفریحی استعمال نہیں ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف