بجلی چوری کے الزام میں گرفتار شہری کے بیٹے کی خودکشی، ریسکیو اہلکار نے بل کیوں ادا کیا؟
اشاعت کی تاریخ: 9th, July 2025 GMT
گوجرانوالہ کے نواحی علاقے کے رہائشی محمد انور کے 20 سالہ بیٹے فراز کا جنازہ تیار تھا جبکہ وہ خود حوالات کی سلاخوں کے پیچھے قید تھے۔
انور پر بجلی چوری کا الزام تھا اور 30 ہزار روپے کے بل کی عدم ادائیگی نے انہیں جیل پہنچا دیا تھا۔
فراز چار بہنوں کا اکلوتا بھائی اور خاندان کا سہارا تھا۔ وہ اپنے والد کی ضمانت کے لیے رقم جمع نہ کر سکا۔ مالی دباؤ اور جذباتی کرب کے بوجھ تلے دب کر انہوں نے تیزاب پی کر خودکشی کر لی۔
گوجرانوالہ کے نواحی علاقے وانیا والا کے رہائشی محمد انور ایک محنت کش ہیں جو محنت مزدوری کر کے اپنے گھرانے کو پال رہے تھے۔
تھانہ اروپ میں گوجرانوالہ الیکٹریسٹی سپلائی کمپنی (گیپکو) کے سب ڈویژنل آفیسر (ایس ڈی او) نصر اللہ کی مدعیت میں محمد انور کے خلاف ایک مقدمہ درج کیا گیا۔
اردو نیوز کو دستیاب مقدمے کی کاپی میں بتایا گیا ہے کہ گیپکو نے محمد انور کو مرکزی لائن سے تار لگا کر بجلی چوری میں ملوث پایا ہے، لہٰذا انہیں گرفتار کیا جائے۔
ان کے وکیل اور گوجرانوالہ بار کے سینئیر ممبر ایڈووکیٹ رضوان گل نے اردو نیوز کو بتایا کہ پولیس نے محمد انور کو گرفتار کر کے حوالات میں بند کر دیا۔
ان کے بقول ’گیپکو نے 30 ہزار بل کی عدم ادائیگی کے باعث محمد انور کا کنکشن کاٹ دیا تھا جس کے بعد انہوں نے کنڈا لگایا۔ گیپکو نے ان پر بجلی چوری کا مقدمہ درج کر کے انہیں گرفتار کروایا اور پولیس نے ان کے بیٹے فراز کو بتایا کہ وہ بل کی ادائیگی کر کے اپنے والد کی ضمانت کروا لیں۔‘
ان کا کہنا تھا کہ فراز خود مالی مشکلات کا شکار تھے اور کئی دن تک اپنے والد کی ضمانت کروانے کی کوشش کرتے رہے تاہم وہ دباؤ برداشت نہ کر سکے۔ شدید جذباتی اور مالی تناؤ کے عالم میں انہوں نے تیزاب پی لیا۔
ایڈووکیٹ رضوان بتاتے ہیں ’جب فراز نے تیزاب پیا تو اس دوران ریسکیو 1122 کو کال موصول ہوئی، ٹیم میں ایک اہلکار مجتبیٰ (فرضی نام) بھی موجود تھے۔ ریسکیو ٹیم انہیں ہسپتال لائی تاہم فراز کی حالت بگڑتی گئی۔
ریسکیو اہلکار اپنی شناخت ظاہر نہیں کرنا چاہتے کیونکہ ریسکیو ترجمان نعمان کے بقول ’مجتبٰی نے اپنی ذاتی حیثیت میں متاثرہ شخص کے ساتھ مکالمہ کیا اور ان کی مدد کی۔
مجتبٰی نے اردو نیوز کو بتایا کہ جب انہوں نے فراز سے خودکشی کی کوشش کرنے کی وجہ پوچھی تو انہوں نے اپنی داستان انہیں سنائی۔
‘فراز نے بتایا کہ والد کئی دنوں سے جیل میں ہیں اور گیپکو ان سے ادائیگی کا تقاضا کر رہا ہے۔ نہ تو وہ جرمانہ ادا کر سکا اور نہ ہی ضمانت کے لیے رقم جمع کر سکا اس لیے اس نے خودکشی کی کوشش کی۔
بعدازاں وہ دم توڑ گئے۔
فراز کی کہانی سن کر ریسکیو اہلکار مجتبٰی فوری طور پر ایڈووکیٹ رضوان گل کے پاس پہنچے تاکہ ان کا بل ادا کر کے ان کے والد کی ضمانت کروا سکیں۔
ایک طرف فراز کا جنازہ تیار ہو رہا تھا تو دوسری طرف مجتبیٰ ان کے والد کے لیے ضمانت کا بندوبست کر رہے تھے۔
مجتبٰی بتاتے ہیں ‘میں رضوان گل کے دفتر پہنچا۔ ان کے دیگر ساتھیوں سمیت انہوں نے بہت زیادہ مدد کی اور محمد انور کا بل بھی ادا کر دیا۔
’ہم نے عدالت میں بتایا کہ محمد انور کا بیٹا انتقال کر گیا ہے اور ان کا جنازہ تیار ہے جبکہ ان کا بل بھی ادا ہو چکا ہے لہٰذا ان کو ضمانت دی جائے۔
ایڈووکیٹ رضوان گل اور ریسکیو اہلکار مجتبٰی کی کوششوں سے انور کی ضمانت ممکن ہوئی اور وہ اپنے بیٹے کے جنازے میں شریک ہو سکے لیکن ایڈووکیٹ رضوان گل کے بقول ’یہ ضمانت ایک ایسی بھاری قیمت پر ممکن ہوئی جو کسی بھی باپ کے لیے ناقابل برداشت ہے۔
انہوں نے ریسکیو اہلکار کی بے لوث مدد کو بھی سراہا اور کہا کہ ’یہ معاشرہ ایسے ہی لوگوں کی بدولت چل رہا ہے۔
ذریعہ: Daily Mumtaz
کلیدی لفظ: ریسکیو اہلکار والد کی ضمانت بجلی چوری انہوں نے بتایا کہ کے لیے
پڑھیں:
شکارپور، پولیس کا جرائم پیشہ عناصر کیخلاف کامیاب کریک ڈائون
data-id="863a0a8" data-element_type="widget" data-widget_type="theme-post-content.default">
شکارپور (نمائندہ جسارت) چوری شدہ 10 موثر سائیکلیں ، 13 موبائل فون اور واپڈا گرڈ اسٹیشن سے چھینا گیا پسٹل ، موبائل فون برآمد ، ڈی ایس پی میڈم پارس بکھرانی کی پریس کانفرنس۔ 3 رکنی گینگ کا سراغ لگایا گیا گینگ کا سربراہ گرفتار۔ پارس بکھرانی ۔ تفصیلات کے مطابق ایس ایس پی شکارپور شاہ زیب چاچڑ کی ہدایت پر ڈی ایس پی سٹی میڈم پارس بکھرانی نے ایس ایس پی آفس میں میٹ دی پریس میں بتایا کہ شکارپور پولیس نے مختلف علاقوں میں کریک ڈاؤن کے دوران اہم کامیابیاں حاصل کی نیو فوجداری پولیس ٹیم نے جدید ٹیکنالوجی سے ایکٹو گینگ کو ٹریس کرکے سراغ لگایا گینگ سٹی شکارپور سمیت مختلف علاقوں میں موٹر سائیکل چوری کی وارداتوں میں ملوث تھی موٹر سائیکل چوری کرنے میں 3 رکنی ایکٹو گروہ گینگ تھی ڈکیت گینگ والوں کی شناخت ساجد راھوجو ، یونس لوڈرو اور تیسرا نامعلوم افراد کے ناموں سے ہوئی ہے گینگ میں سے یونس لوڈرو کو ملنگ شاہ کے علاقے سے ٹریس کرکے گرفتار کیا ساجد راہوجو فرار ہو گیا گرفتار ملزم کے خلاف ڈکیتی، پولیس مقابلے سمیت مختلف تھانوں میں 6 مقدمات درج ہیں گرفتار ملزم یونس لوڈرو کی نشاندہی پر پولیس نے 10 چوری شدہ موٹر سائیکلیں برآمد کرلی ہیں اس کے علاوہ پولیس نے گرڈ اسٹیشن میں ہونے والی لوٹ مار کی واردات کو بھی ٹریس کیا پولیس نے چھینا گیا ٹی ٹی پستول ، 2 میگزین ، 3 موبائل فون اور 10 ہزار روپے نقدی بھی برآمد کرلی ہے بعدازاں ٹیکنیکل ٹیم کی مدد اور آپریشن کے دوران 10 چوری موبائل فون بھی برآمد کرکے ملوث گینگ کو ٹریس کرلیا گیا ہے، ان کے خلاف آپریشن جاری ہے اور بہت جلد تمام ملزمان قانون کی گرفت میں ہوں گے۔ ایس ایس پی شکارپور شاہ زیب چاچڑ کی جانب سے ڈی ایس پی سٹی میڈم پارس بکھرانی اور ایس ایچ او نیو فوجداری اختر ابڑو کو کامیاب کارروائی پر ٹیم سمیت شاباش دیتے ہوئے سی سی تھرڈ اور نقد انعام دینے کے احکامات جاری کیے گئے۔
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید