صدر زرداری آئین و پارلیمان محفوظ رہنے کی ضمانت‘، استعفے کی خبریں بے بنیاد،شیری رحمان
اشاعت کی تاریخ: 9th, July 2025 GMT
اسلام آباد(اوصاف نیوز) نائب صدرپیپلزپارٹی شیری رحمن نے صدر آصف زرداری کے استفعفے کی خبروں کو مسترد کردیا۔
شیری رحمان نے اپنے بیان میں کہا کہ صدر زرداری کے استعفے کی باتیں بے بنیاد اور گمراہ کن ہیں، یہ افواہیں ایک منظم سازش کے تحت جمہوری ڈھانچے کو کمزور کرنے کی کوشش ہیں، عوام ان جعلی خبروں، افواہوں اور منفی پراپیگنڈے کا حصہ نہ بنیں۔
انہوں نے مزید کہا کہ صدر زرداری نے ہر نازک وقت میں جمہوریت کا پرچم بلند رکھا، وہ جمہوری استحکام کی علامت اور آئینی اقدار کے سچے نگہبان ہیں، صدر نے اپنی مرضی اور سیاسی بصیرت سے تمام اختیارات پارلیمان کو منتقل کیے۔
شیری رحمان کا کہنا تھا کہ آج صدر آصف زرداری اتحادی حکومت کے توازن اور استحکام کا سب سے اہم ستون ہیں، آج بھی وہ پارلیمانی نظام کے اصل محافظ اور آئینی تسلسل کے ضامن ہیں، صدر زرداری کی موجودگی آئین، پارلیمان اور جمہوری ادارے محفوظ رہنےکی ضمانت ہے۔
واضح رہےکہ گزشتہ روز پیپلز پارٹی کے سینئر رہنما نیئر بخاری بھی صدر زرداری سے متعلق قیاس آرائیوں کی تردید کرچکے ہیں۔
خیبر پختونخوا میں اے این پی کو بڑا دھچکا، اہم رہنما مسلم لیگ ن میں شامل
ذریعہ: Daily Ausaf
پڑھیں:
ملک ریاض سے ڈیل اور صدر کے استعفے کی خبریں جعلی ہیں : سید طلعت حسین
لاہور (ڈیلی پاکستان آن لائن )سوشل میڈیا پر کسی بھی خبر کو تصدیق کے بغیر ہی پھیلانا عام بات ہے لیکن کئی بار ایسی خبریں وائرل کر دی جاتی ہیں جو کہ ملکی سطح پر نہایت حساس نوعیت کی حامل ہوتی ہیں اور ایسی ہی خبر صدر پاکستان کے استعفے اور ملک ریاض کے ساتھ ڈیل کی پھیلائی گئیں جن کی سینئر صحافی طلعت حسین نے مصدقہ ذرائع سے معلومات حاصل کرنے کے بعد تردید کر دی ہے ۔
تفصیلات کے مطابق سینئر صحافی طلعت حسین نے ایکس پر جاری پیغام میں کہا کہ ملک ریاض سے ڈیل کی خبریں جعلی ہیں، سیکیورٹی ذرائع کا کہنا ہےملک ریاض 1000 ارب روپے سے زائد کے سنگین فراڈ کے مقدمات میں مطلوب ہیں، ان کے ساتھ کسی قسم کی ڈیل کا سوال ہی پیدا نہیں ہوتا۔ ان کے مستقبل کا فیصلہ عدالتیں اور قانون کریں گے۔
ایلون مسک کو سیاسی پارٹی بنانے کا مہنگا فیصلہ، 76 ارب ڈالر کا نقصان
ان کا کہناتھا کہ اس کے علاوہ صدر کے استعفے اور مارشل لا کی خبریں بھی جعلی ہیں۔
Malik Riaz deal news is fake, say security sources. The man is wanted in serious cases involving 1000 billion plus Rs fraud. No question of a deal with him. Courts and the law will decide his fate. Also is fake news that the president is resigning and of a coup, say sources.
— Syed Talat Hussain (@TalatHussain12) July 7, 2025مزید :
سی ٹی ڈی کی ابتدائی رپورٹ تیار، باجوڑ دھماکے میں ملوث سات دہشت گردوں کی نشادہی