پاکستان اور چین کے تاریخی، تہذیبی اور ڈیجیٹل روابط نئی بلندیوں پر ہیں ، عطاء اللہ تارڑ
اشاعت کی تاریخ: 11th, July 2025 GMT
بیجنگ (اُردو پوائنٹ اخبارتازہ ترین - آن لائن۔ 11 جولائی2025ء) وفاقی وزیر اطلاعات عطاء اللہ تارڑ نے کہا ہے کہ پاکستان اور چین کی دوستی صرف سفارتی تعلق نہیں بلکہ ایک گہری تہذیبی، ثقافتی اور تاریخی وابستگی کا مظہر ہے۔ پاکستان میں ثقافتی ورثے کی ڈیجیٹلائزیشن کا عمل تیزی سے جاری ہے اور اب ہم ثقافت و سیاحت کے فروغ کے لیے ڈیجیٹل میڈیا انفلوئنسرز کے تبادلے کی طرف گامزن ہیں۔
چین میں منعقدہ سولائزیشن ایکسچینج اینڈ میوچل لرننگ فورم سے خطاب کرتے ہوئے انہوں نے کہا کہ پاکستان وادی سندھ کی عظیم تہذیب کا وارث ہے، جبکہ قدیم شاہراہ ریشم آج سی پیک کی شکل اختیار کر چکی ہے، جو صرف اقتصادی راہداری نہیں بلکہ تہذیبوں کو جوڑنے کا پل ہے۔ انہوں نے کہا کہ آئرن برادرز اور سسٹرز کی اصطلاح محض الفاظ نہیں بلکہ مشترکہ ورثے، قربت اور اعتماد کی گواہی ہے۔(جاری ہے)
خطاب کے دوران وزیر اطلاعات نے پاکستان کے تاریخی ورثے جیسے موہنجو داڑو، ٹیکسلا، اور گندھارا تہذیب کا حوالہ دیتے ہوئے کہا کہ یہ ورثہ صرف ماضی نہیں، بلکہ آج کی نسل کے شعور، ہنر اور خوابوں میں زندہ ہے۔ انہوں نے کہا کہ پاکستان میں ثقافتی ورثے کی ڈیجیٹلائزیشن کا عمل تیزی سے جاری ہے اور اب ہم ثقافت و سیاحت کے فروغ کے لیے ڈیجیٹل میڈیا انفلوئنسرز کے تبادلے کی طرف گامزن ہیں۔ انہوں نے ے چین کے صدر شی جن پنگ کے گلوبل سولائزیشن انیشی ایٹو کو خراج تحسین پیش کرتے ہوئے کہا کہ یہ وڑن عالمی ہم آہنگی، ثقافتی احترام اور ترقی کے نئے باب کھولنے کی بنیاد ہے۔ انہوں نے اپنی پہلی عوامی سطح کی چین یاترا 2009 کا ذکر کرتے ہوئے کہا کہ آج بحیثیت پالیسی ساز اسی دوستی کو عملی صورت دے رہے ہیں۔ انہوں نے چائنہ میڈیا گروپ کے ساتھ اشتراک، پروگرام "Hi China, Hi Pakistan" اور چینی و انگریزی زبان میں شائع ہونے والے Hua Shang Weekly کا ذکر کرتے ہوئے کہا کہ یہ اقدامات دونوں اقوام کو ایک دوسرے کے قریب لا رہے ہیں۔ وزیر اطلاعات نے کہا کہ مستقبل ڈیجیٹل میڈیا کا ہے، اور یہ نئی راہداری دوستی، ثقافت، سیاحت اور امن کی ضامن بنے گی۔ انہوں نے فورم کے انعقاد پر میزبان ملک اور تمام شرکاء کا شکریہ ادا کیا، اور پاکستان کی جانب سے ثقافتی روابط اور بین الاقوامی شراکت داری کو مزید وسعت دینے کے عزم کا اظہار کیا۔.
ذریعہ
ذریعہ: UrduPoint
کلیدی لفظ: تلاش کیجئے ہوئے کہا کہ کرتے ہوئے نے کہا کہ انہوں نے
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ