ہر سال ماہ جون عوامی امنگوں کے برخلاف بھاری ہی پڑتا ہے چونکہ اس مہینے میں سال بھر کا بجٹ آتا ہے، ظاہر ہے ہمارے تجربے کار سیاستدان اسے پیش ہی اتنی مہارت سے کرتے ہیں کہ لگتا ہے عوام کا سارا درد ان کے سینوں میں ہی بھرا ہے لیکن پتہ نہیں کیوں، پھر بھی اس بدنصیب وطن کے رہنے والوں کے حالات ہی نہیں بدلتے جب کہ جس قوم کو اتنے درد مند حکمران ملے ہوں تو اس ملک کو تو دن دگنی رات چوگنی ترقی کرنی چاہیے نہ کہ وہاں کے بچے علم تو دورکی بات تعلیم و تربیت سے بھی محروم ہو رہے ہیں۔
جس کے زیر اثر وہ اس مملکت کی ترقی خوشحالی کا باعث بنیں وہ تباہی اور بربادی کے دھانے پر کھڑے ہیں اور بڑے بے روزگاری کا شکار ہیں جس سے یہ غریب مڈل کلاس طبقہ ملک عزیز کے لیے نہ چاہتے ہوئے بھی بوجھ اور خود اپنی ذات اور اپنے گھر والوں کے لیے نہ قابل قبول اثاثہ بن گیا ہے۔
افسوس صد افسوس حکمران طبقہ اور ان کے حواری قرض لے لے کر اپنی عیاشیوں میں اٹھا رہے ہیں جس کے نتیجے میں ملک عزیز میں پیدا ہونے والے بچے بھی قرض خواہ پیدا ہوتے ہیں جب کہ انھیں یہ پتہ ہی نہیں کہ یہ قرض کس نے لیا، کس کے لیے لیا، کیوں لیا؟ اور اس قرضے کا اہم ترین اثر یہ ہے کہ سال بھر میں بجٹ تو آتا ہی ہے اب بقول حکمرانوں کہ آئی ایم ایف کی شدید خواہش پر منی بجٹ بھی آ رہے ہیں جس میں انگنت ٹیکسوں کی مد میں غریب مڈل کلاس عوام کو کنگال کردیا ہے۔
اس انتشاری بحرانی کیفیت سے نکلنے کے لیے ذہین بچوں نے ڈیجیٹل میڈیا کا سہارا لینا چاہا تو اس اشرافیہ کو وہ بھی برداشت نہ ہوا، بجلی کی عدم دستیابی اور ناجائز بلوں کی بھرتی سے نجات حاصل کرنے کے لیے سولر سسٹم لگانا چاہا تو وہ بھی ہضم نہ کرسکے، ان پر بھی شپ خون (ٹیکسوں) کا مار دیا۔
گیس کی بندش سے تنگ آکر سلنڈر لے لیے تو گیس کے نرخ آئے دن بدلتے رہتے ہیں، پانی کی بندش کی صورت میں ٹینکرز مافیا کے مطالبات اور بے روزگاری پر تو نوحہ کرنا ہی بے کار ہے، جب تم کچھ دے نہیں سکتے جو تمہارے فرائض میں شامل ہیں یعنی روزگار، تعلیم، پانی، بجلی، گیس اور دیگر جو ریاستی ذمے داریوں میں آتے ہیں تو پھر ہر طرح سے ان کو پریشان کرنا کہ یہ تمہاری جائز ناجائز ضروریات کے لیے تم کو بنا کچھ پوچھے ٹیکس اور دیگر بھتوں کی صورت میں رقم دیں اور آخر کار دل برداشتہ ہوکر ہمارا یہ مستقبل وطن عزیز چھوڑ کر اپنی صلاحیتوں کو اپنی مجبوریوں کے سبب دوسری اقوام کو دیں بجائے اپنے ملک کی ترقی اور خوشحالی میں اپنا قرار واقعی کردار ادا کرنے کے۔
ظاہر ہے ان سب عوامی مشکلات نے ان کا جینا دوبھر کر دیا ہے، سڑکوں پرجو ٹھیکے دینے کے لیے ان حکمرانوں نے بلاوجہ کے ترقیاتی کام شروع کرائے ہیں آخر ان کی کوئی مدت بھی تو ہو یا یہ قیامت تک کے لیے چلتے چلے جائیں گے اور ان کی مد میں بڑے پیمانے کی کرپشن ہوتی چلے جا رہی ہے جس کے زیر اثر خوبصورت شاہراہوں خصوصا یونیورسٹی روڈ کی جو درگت بنی ہوئی ہے جس کی وجہ سے آئے دن غیر تجربے کار مزدور پانی کی پائپ لائن کو اپنا ہدف بناتے رہتے ہیں اور شہریوں کوکئی دن تک پانی کی قلت کی اذیت میں مبتلا کردیتے ہیں تو یہ نسل کہاں جائے گی؟
جس کے لیے منٹوں کا راستہ گھنٹوں میں بدل جاتا ہے اور جب ان تمام مشکلات سے نبرد آزما ہوکر غریب مڈل کلاس گھر پہنچتے ہیں، تو ان کے اہل خانہ ان کے ساتھ خوشی کے کچھ پل گزارنے سے بھی محروم ہوجاتے ہیں، ظاہر ہے وہ گھر پہنچتے پہنچتے ذہنی اور جسمانی طور پر اتنا تھک چکے ہوتے ہیں کہ ان کی ساری تھکان ڈپریشن میں بدل جاتی ہے اور ان کی تندرستی اور گھر کا ماحول دونوں ہی رفتہ رفتہ تباہ ہوجاتے ہیں، اور یہاں بڑے بڑے وفد عوام کے ان پیسوں سے حج، عمرہ جیسی عظیم الشان مذہبی عبادات کی تکمیل یا بیرونی دوروں یا اپنی شاہ خرچیوں پر خرچ کیے جاتے ہیں نہ کہ ان کا کوئی فلاحی استعمال کیا جائے۔
موجودہ بجٹ پر بڑے بڑے قصیدے پڑھوائے جا رہے ہیں کہ تنخواہوں پر گھروں کی خرید پر اور دیگر ضروریات زندگی پر ٹیکس میں کمی کی گئی جو حکومت وقت کا اچھوتا کارنامہ ہے، بالکل ہے، واقعی ہے، چونکہ حکمران وہ لوگ ہیں جن کے لیے کہا جائے کہ کان کو ادھر سے پکڑو یا ادھر سے کیا فرق پڑتا ہے کان تو دونوں صورتوں میں پکڑ میںہی ہے یعنی حکومت دکھاوے کے لیے ایک طرف کچھ غلطی سے چھوٹ دیتی ہے تو دوسری طرف سے وصول بھی تو کر لیتی ہے اور یہی سیاست کے نام پر نورا کشتی برسوں سے چل رہی ہے۔
ذرایع آمد و رفت کے لیے نت نئے منصوبے بھی سرگرم عمل ہیں کہ ہماری چلائی گرین بس میں بیٹھو، ورنہ پیدل مرو جس کے نتیجے میں غریبوں کی مقبول سواری چنگچی کو بند کرنے پر اشرافیہ تلی ہوئی ہے یہ کہہ کر کہ یہ خطرناک سواری ہے اور وہ جو ٹیکسوں کی بھرمار سے آپ نے شہریوں کا جینا محال کر رکھا ہے، بندہ اپنے جینے کے ہرجانے کے طور پر نجانے اس ٹیکس کے نام پر کیا کیا دے رہا ہے تاکہ ان کی عیاشیوں کی خندق بند ہوسکے اور یہ بے کس اپنی نجات کی کچھ تدبیر سوچ سکے کہ ہم تو اس چکی میں پس رہے ہیں اور آدھی عمر تو گزر گئی۔
اب کسی طرح بچوں کو باہر بھیج کر ان کے لیے کچھ آسودگی کے انتظام کردیں، یہی ہمارے بس میں ہے اور ساری عمر کی جمع پونجی لگا کر عمر بھر کے لیے بے آسراء ہوجائیں لیکن کم ازکم بچے تو خوشحال ہوجائیں۔ چنگچی رکشہ پر بیشتر شہری سفر کر کے اپنے کام پر جاتے ہیں اور اس کی اجرت سے اپنا پیٹ نہیں ان کی نیت بھرتے ہیں۔
کراچی، جو پورے وطن کا پیٹ پالتا ہے اس میں اپنا حصہ ڈالنے کی چھوٹی چھوٹی کوششیں کرتے رہتے ہیں اور اس کے چلانے والے بھی اس کو چلا کر حلال رزق کے حصول کی رات دن جستجو کرتے ہیں، تاکہ زندگی کا پہیہ چلتا رہے لیکن غریب کی مشکلات بلکہ ان کی زندگی سے ہی اس طبقے کو سخت پریشانی لاحق ہے کہ یہ زندہ ہی کیوں ہیں؟ ان کے لیے ہر طرح کی مصائب مشکلات پیدا کرنے کے باوجود یہ ڈھیٹ ابھی تک سانس کیوں لے رہے ہیں، وہ چاہتے ہیں کہ یہ اپنی سفید پوشی چھوڑ کر انکم سپورٹ اسکیموں پر آجائیں، تاکہ یہ قوم ہمیشہ مانگنے پر اکتفا کرے نہ کہ اپنے پاؤں پر کھڑے ہونے کے اور دشمن کی آنکھ میں آنکھ ڈال کر بات کرنے کے قابل نہ رہے۔
جب کہ ہم الحمد للہ مسلمان ہیں جس سے یہود و نصاری کانپتے ہیں لیکن افسوس ہم اپنی خوبیوں سے واقف نہیں، ہم اپنے مذہب کی ایمانی قوت سے ناآشنا ہیں چونکہ ہم صرف نام کے مسلمان رہ گئے ہیں اور اسی با ت کا فائدہ اٹھاتے ہوئے یہود و نصاری ہمارے حکمرانوں کو اقتدارکا لولی پاپ دے کر اپنی تمام اسلام دشمنی پر مبنی چالوں کو عملی جامہ پہناتے ہیں جس کی واضح مثالیں بڑھتی ہوئی مہنگائی، بتدریج ٹیکسوں میں اضافہ، بے روزگاری جس پر انکم سپورٹ جیسا مرہم رکھ کر قوم کو اپاہج محتاج بنا کر نوجوانوں کو چوری، ڈکیتی، قتل و غارت گری، انسانیت سوز حرکات کی طرف مجبور کرنا تاکہ ملک عزیز کا مستقبل اندھیروں کی طرف بھٹک جائے اور بجائے ترقی اور خوشحالی کے زوال پذیر ہوجائے۔
.ذریعہ: Express News
کلیدی لفظ: ہیں اور ا رہے ہیں کرنے کے اور اس ہیں جس ہیں کہ ہے اور کے لیے
پڑھیں:
گووندا کا مراٹھی اداکارہ سے مبینہ معاشقہ، اہلیہ سنیتا آہوجا کا ردعمل سامنے آگیا
بالی وُڈ اداکار گووندا اور ان کی اہلیہ سنیتا آہوجا ایک بار پھر خبروں میں ہیں۔ گزشتہ چند ماہ سے دونوں کے درمیان مبینہ اختلافات کی خبریں گردش کر رہی تھیں، جنہیں جوڑے نے کئی بار مسترد کیا، مگر اب سنیتا نے ایک حالیہ انٹرویو میں شوہر کے مبینہ معاشقے پر کھل کر بات کی ہے۔
سنیتا آہوجا نے پارس ایس چھابڑا کے پوڈکاسٹ ابرا کا ڈبرا شو میں گفتگو کرتے ہوئے انکشاف کیا کہ انہوں نے بھی شوہر کے ایک 30 سالہ مراٹھی اداکارہ کے ساتھ تعلقات کے بارے میں سنا ہے۔ تاہم، ان کا کہنا تھا کہ وہ خود کسی بات پر یقین نہیں کرتیں جب تک اپنی آنکھوں سے دیکھ نہ لیں۔
انہوں نے کہا کہ ’میں نے بھی یہ سنا ہے، لیکن جب تک میں اسے اپنی آنکھوں سے نہ دیکھ لوں یا رنگے ہاتھوں پکڑ نہ لوں، میں کسی بات کا اعلان نہیں کر سکتی۔ ہاں، سنا ہے کہ وہ مراٹھی اداکارہ ہے۔‘
یہ بھی پڑھیے اداکار گووندا مشکل میں، بیوی سنیتا آہوجا کا بے وفائی اور ظلم کرنے کا الزام
سنیتا نے مزید کہا کہ اس عمر میں گووندا کو اس طرح کے معاملات میں نہیں پڑنا چاہیے بلکہ اپنی بیٹی ٹینا اور بیٹے یشوردھن کے مستقبل کے بارے میں سوچنا چاہیے۔
گفتگو کے دوران سنیتا نے خواتین کو مشورہ دیا کہ وہ مالی طور پر خودمختار بنیں۔ انہوں نے بتایا کہ وہ یوٹیوب پر وی لاگنگ کر رہی ہیں اور 4 ماہ میں سلور بٹن حاصل کر چکی ہیں۔
ان کے مطابق ’عورت کو خود اپنے پیروں پر کھڑا ہونا چاہیے۔ اپنا کمانا ایک الگ خوشی دیتا ہے۔ شوہر سے پیسے مانگنے سے بہتر ہے کہ اپنی محنت سے کمائیں۔‘
اسی موقع پر سنیتا نے شوہر سے بڑے گھر کا مطالبہ بھی کیا۔ انہوں نے بتایا کہ وہ فی الحال اپنی بیٹی اور بیٹے کے ساتھ 4 بیڈ روم والے گھر میں رہتی ہیں جبکہ گووندا ان کے ساتھ نہیں رہتے۔
انہوں نے مزاحیہ انداز میں کہا’ یہ گھر ہمارے لیے چھوٹا ہے۔ میں اس پوڈکاسٹ کے ذریعے چیچی (گووندا) سے کہنا چاہتی ہوں کہ میرے لیے 5 بیڈ روم والا بڑا گھر خرید لو، ورنہ دیکھ لینا کیا ہوتا ہے۔‘
یہ بھی پڑھیں: گووندا اور اہلیہ سنیتا میں طلاق، حقائق کیا ہیں؟
دلچسپ بات یہ ہے کہ سنیتا نے اپنے بھتیجے کرشنا ابھیشیک کے ساتھ پرانے اختلافات ختم کرنے کا اعلان بھی کیا۔ انہوں نے کہا ’اب کسی بچے سے کوئی جھگڑا نہیں۔ کرشنا میرا بچہ ہے، میں نے اسے پالا ہے۔ اب وقت لڑنے کا نہیں، خوش رہنے کا ہے۔ میں چاہتی ہوں سب بچے ہنسیں، خوش رہیں۔‘
گووندا اور سنیتا آہوجا کی شادی 1987 میں ہوئی تھی، جو کئی سال تک خفیہ رکھی گئی۔ ان کی بیٹی ٹینا آہوجا 1989 میں پیدا ہوئیں جبکہ ان کے بیٹے کا نام یشوردھن ہے۔ جوڑا گزشتہ کچھ عرصے سے ازدواجی اختلافات کی خبروں کے باعث میڈیا کی توجہ کا مرکز بنا ہوا ہے، تاہم اب سنیتا کے اس انٹرویو نے ان افواہوں کو مزید ہوا دے دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ گووندا انٹرٹینمنٹ سنیا آہوجا
اشتہار