حمائمہ ملک نے فون کرکے اپنی غلطی تسلیم کی، مفتی طارق مسعود
اشاعت کی تاریخ: 23rd, July 2025 GMT
کراچی(شوبز ڈیسک) مذہبی مبلغ مفتی طارق مسعود نے انکشاف کیا ہے کہ کچھ عرصہ قبل اداکارہ حمائمہ ملک نے انہیں فون کرکے ’بول‘ فلم میں بولے گئے ڈائلاگ پر اپنی غلطی کا اعتراف کیا۔
مفتی طارق مسعود کی سوشل میڈیا پر وائرل ہونے والی مختصر ویڈیو میں انہوں نے بتایا کہ حمائمہ ملک نے ’بول‘ نامی نامی فلم میں اپنے والد کو ایک ڈائلاگ بولا تھا کہ ’جب کھلا نہیں سکتے تو پیدا کیوں کرتے ہو؟‘
ان کے مطابق انہوں نے اداکارہ کے مذکورہ ڈائلاگ کے بعد سخت بیان اور رد عمل دیا تھا اور کہا تھا کہ اداکارہ کے مذکورہ ڈائلاگ سے بچے اور خصوصی طور پر بچیاں اپنے والدین سے باغی ہو رہی ہیں اور بچوں کو باغی کرنے کی کوشش کی جا رہی ہے۔
مفتی طارق مسعود کا کہنا تھا کہ ان کا بیان سننے کے بعد حمائمہ ملک نے مولانا طارق جمیل سے ان کا فون نمبر لیا اور انہیں کال کی۔
انہوں نے بتایا کہ وہ اداکارہ کی اجازت سے ہی ان کی بات بیان کر رہے ہیں، حمائمہ ملک نے کچھ عرصہ قبل انہیں فون کرکے اپنی غلطی تسلیم کی۔
مبلغ کے مطابق حمائمہ ملک نے اعتراف کیا کہ انہوں نے فلم میں غلط ڈائلاگ بولا، ان سے نا سمجھی میں غلطی ہوگئی لیکن اس میں ان کا قصور نہیں، اسکرپٹ کسی اور نے لکھا تھا۔
مفتی طارق مسعود کا کہنا تھا کہ حمائمہ ملک نے بتایا کہ ایسی فلموں کو کچھ این جی اوز مالی معاونت فراہم کرتی ہیں تاکہ سماج میں ایسی چیزیں پھیلائی جائیں۔
مبلغ نے کہا کہ اچھی بات ہے کہ حمائمہ ملک کو اپنی غلطی کا احساس ہوا لیکن درحقیقت ان کی کوئی غلطی نہیں تھی، انہوں نے صرف اداکاری میں ڈائلاگ بولا، اصلی غلطی فلم کی کہانی لکھنے والے کی ہے۔
مفتی طارق مسعود کا کہنا تھا کہ انہیں خوشی ہوئی کہ حمائمہ ملک کو اپنی غلطی کا احساس ہوا اور اداکارہ کی جانب سے غلطی کے اعتراف سے یہ بات بھی ثابت ہوتی ہے کہ مسلمان کے دل میں ہمیشہ خدا کا خوف رہتا ہے۔
خیال رہے کہ حمائمہ ملک نے 2011 کی فلم ’بول‘ میں اپنے غریب والد کو طعنہ دیا تھا کہ اگر وہ کھلا نہیں سکتے تو پیدا کیوں کرتے ہیں۔
اداکارہ کا مذکورہ ڈائلاگ کافی وائرل ہوا تھا اور کافی عرصے تک ان کے ڈائلاگ پر میمز بھی بنائی جاتی رہیں۔
’بول‘ فلم میں ان کے ساتھ ماہرہ خان، عاطف اسلم، ایمان علی، منظہر صہبائی اور شفقت چیمہ سمیت دیگر اداکاروں نے کردار ادا کیے تھے اور فلم باکس آفس پر سپر ہٹ گئی تھی۔
@abdullah_junjua12 Bol film actress Ka dialogue #muftitariqmasood #foryou #foryoupage #video #viral #grow ♬ original sound – Account for salePost Views: 5.
ذریعہ: Daily Mumtaz
کلیدی لفظ: مفتی طارق مسعود کہ حمائمہ ملک حمائمہ ملک نے اپنی غلطی انہوں نے فلم میں تھا کہ
پڑھیں:
موسیٰ مانیکا کی ملازم کو فائرنگ کرکے زخمی کرنے کے مقدمے میں ضمانت منظور
سابق خاتونِ اول بشریٰ بی بی کے بیٹے موسیٰ مانیکا کی ملازم کو فائرنگ کرکے زخمی کرنے کے مقدمے میں ضمانت منظور ہوگئی۔ ڈیوٹی جج پاکپتن مسعود احمد نے موسیٰ مانیکا کی درخواست ضمانت منظورکی.عدالت نے ملزم کو ایک لاکھ روپے کے مچلکے جمع کروانے کا حکم دیا ہے. موسیٰ مانیکا نےکام میں تاخیر کرنے پر فائرنگ کرکے اپنے ملازم کو زخمی کر دیا تھا۔واقعے کا مقدمہ زخمی ملازم کے والد کی مدعیت میں تھانہ صدر پولیس اسٹیشن میں پاکستان پینل کوڈ کی دفعہ 324 (اقدامِ قتل) کے تحت درج کیا گیا تھا۔فرسٹ انفارمیشن رپورٹ (ایف آئی آر) کے مطابق مدعی نے مؤقف اپنایا تھا کہ وہ اور اُس کا بیٹا موسیٰ مانیکا کے گھر پر کام کرتے ہیں. اس کے بیٹے نے 2 چادریں بیڈ روم کے باہر رکھ دی تھیں. جس پر موسیٰ مانیکا نے اس سے پوچھا کہ اُس نے چادروں کو کیوں ہاتھ لگایا ؟ ایف آئی آر کے مطابق، مدعی نے کہا کہ بیٹے نے جواب دیا کہ میں نے چادریں احتیاط سے باہر رکھ دی تھیں. اس پر ملزم طیش میں آ گیا اور پستول سے میرے بیٹے پر فائر کر دیا تھا۔مدعی نے بتایا تھا کہ بیٹے کو بائیں گھٹنے میں گولی لگی، جو اس کی ٹانگ کو چیرتی ہوئی نکل گئی، جس سے وہ زمین پر گر گیا تھا. مدعی کے مطابق وہاں موجود 2 افراد نے بھی واقعے کو دیکھا، جو گولیوں کی آواز سن کر موقع پر پہنچے تھے۔ڈسٹرکٹ پولیس آفیسر (ڈی پی او) پاکپتن جاوید اقبال چدھڑ نے بتایا تھا کہ ایمرجنسی کال موصول ہونے کے بعد پولیس فوراً جائے وقوعہ پر پہنچی.جاوید چدھڑ نے کہا کہ میں نے خود جائے وقوعہ پر جا کر موسیٰ مانیکا کو حراست میں لیا۔بعض میڈیا رپورٹس میں دعویٰ کیا گیا ہے کہ موسیٰ مانیکا اور ملازم کے اہلخانہ کے درمیان صلح ہونے کے بعد ان کی ضمانت منظور کی گئی ہے۔
گلیشیئرز کا پگھلاؤ آتش فشانی دھماکوں میں شدت کا باعث بن سکتا ہے، تحقیق میں انکشاف