’ ڈیجیٹل گرفتاری‘، دوا خریدنے کے چکر میں خاتون 77 لاکھ سے کیسے محروم ہوئی؟
اشاعت کی تاریخ: 28th, July 2025 GMT
نئی دہلی کی رہائشی 62 سالہ نیرو، جو نیورولوجیکل بیماری کے باعث ہر ماہ نیند کی گولیوں کی تلاش میں رہتی تھیں، ایک جعلی نارکوٹکس افسر کے دھوکے میں آ گئیں۔
یہ بھی پڑھیں:محکمہ صحت پنجاب میں ٹرانسفر کے نام پر کیسے فراڈ ہو رہا ہے ؟
اگست 2024 میں جب وہ دوا خرید رہی تھیں، تو انہیں ایک کال موصول ہوئی جس میں انہیں غیرقانونی دوا خریدنے اور اسمگلنگ کا ملزم ٹھہرا کر گرفتاری سے بچنے کے لیے رقم ٹرانسفر کرنے کا کہا گیا۔
خوفزدہ نیرو نے مختلف اکاؤنٹس میں 3 لاکھ روپے منتقل کیے۔ کچھ دن بعد ایک اور شخص نے ’اچھے افسر‘ کے طور پر ان سے رابطہ کیا اور اعتماد جیت کر بینک تفصیلات لے لیں۔
ویڈیو کال پر اسکرین شیئرنگ کے ذریعے نیٹ بینکنگ تک رسائی حاصل کر کے فراڈیوں نے ان کے اکاؤنٹ سے مرحلہ وار 77 لاکھ روپے نکال لیے۔
یہ بھی پڑھیں:2025 کے ابتدائی 5 ماہ، آن لائن فراڈ کے ذریعے بھارتی کتنے ملین ڈالرز سے ہاتھ دھو بیٹھے؟
اصل پولیس نے ستمبر 2024 میں شکایت موصول ہونے پر تحقیقات شروع کیں۔
جون 2025 میں دہلی، ہریانہ اور راجستھان میں چھاپوں کے دوران 5 ملزمان (اخیلش، امجد، شاہد، شکیل اور حمید) کو گرفتار کیا گیا۔
ملزمان نے اعتراف کیا کہ وہ خواتین کو ڈرا دھمکا کر اور جعلی پولیس افسر بن کر پیسے بٹورتے تھے۔
پولیس کے مطابق اس گروہ کے موبائل فونز سے دیگر ’سیکسی چور بازاری‘(sextortion) کے ثبوت بھی ملے ہیں، جن کی مزید تفتیش جاری ہے۔
یہ ’ڈیجیٹل گرفتاری‘ کا خطرناک رجحان ہے، جس میں سائبر مجرم جعلی سرکاری افسر بن کر لوگوں کو ڈرا کر پیسے ہتھیا لیتے ہیں۔
نیرو کا کیس بھی اسی طریقہ واردات کی ایک مثال ہے۔ پولیس اب تک صرف 3 لاکھ روپے کی ریکوری کر سکی ہے، اور باقی رقم کی تلاش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دہلی ڈیجیٹل فراڈ ڈیجیٹل گرفتاری.
ذریعہ
ذریعہ: WE News
کلیدی لفظ: دہلی ڈیجیٹل فراڈ ڈیجیٹل گرفتاری
پڑھیں:
ہیڈ مرالہ میں پانی کی سطح میں ایک بارپھر اضافہ
سٹی 42 : سیالکوٹ میں ہیڈ مرالہ کے مقام پر پانی کی سطح میں ایک بار پھر اضافہ ہونے لگا۔
ہیڈ مرالہ میں مجموعی پانی کی آمد 1 لاکھ 95 ہزار 857 کیوسک، ہے ۔دریائے چناب میں اخراج 1 لاکھ 80 ہزار 356 کیوسک ریکارڈ کیا گیا ۔
جموں توی میں 11 ہزار 868 کیوسک جبکہ مناور توی میں 5 ہزار 747 کیوسک پانی ریکارڈ کیا گیا ۔ دریائے چناب میں بہاؤ 1 لاکھ 74 ہزار 441 کیوسک ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار