اسائلم کیسے لیا جاتا ہے، پاکستانی شہری اس کے سب سے زیادہ خواہاں کیوں؟
اشاعت کی تاریخ: 30th, July 2025 GMT
دنیا بھر میں سیاسی پناہ (اسائلم) کے لیے درخواست دینے والے افراد کی فہرست میں پاکستانی شہری اب پہلے نمبر پر آچکے ہیں اور تشویش ناک امر یہ ہے کہ صرف برطانیہ میں ایک سال کے دوران سب سے زیادہ اسائلم درخواستیں پاکستانیوں کی جانب سے دی گئی ہیں۔ اس کے ساتھ ہی برطانیہ سے سب سے زیادہ ڈی پورٹ کیے جانے والے افراد میں بھی پاکستانی سرفہرست ہیں۔
اوورسیز ایمپلائمنٹ ایسوسی ایشن کے نائب صدر محمد عدنان پراچہ کے مطابق پچھلے 3 برسوں کے دوران پاکستان کے معاشی اشاریے بہتر ضرور دکھائی دے رہے ہیں مگر اس کے باوجود بیرون ملک، خاص طور پر برطانیہ میں اسائلم لینے والوں میں پاکستانی شہریوں کی تعداد خطرناک حد تک بڑھ چکی ہے۔
یہ بھی پڑھیں: بیرون ملک سیاسی پناہ لینے والے پاکستانیوں کو پاسپورٹ جاری نہ کرنے کا فیصلہ منسوخ
عدنان پراچہ کہتے ہیں کہ زیادہ تر افراد تمام قانونی دستاویزات کے ساتھ بیرون ملک جاتے ہیں مگر اس کے لیے غیرقانونی راستہ بھی اختیار کیا جاتا ہے۔
انہوں نے کہا کہ اکثر لوگ وزٹ ویزا پر جا کر اسائلم کے لیے درخواست دے دیتے ہیں۔ ان درخواستوں کی بنیاد مختلف ہو سکتی ہے جیسے کہ سیاسی عدم تحفظ، مذہبی امتیاز یا ذاتی دشمنی جیسے خطرات۔
عدنان پراچہ نے زور دیا کہ ان افراد کو روکنے کے لیے پاکستان میں بہتر روزگار، مناسب تنخواہیں اور محفوظ ماحول فراہم کرنا ضروری ہے کیونکہ یہ افراد ملک کا قیمتی اثاثہ ہیں۔ جب تک ان کے لیے متبادل مواقع پیدا نہیں کیے جائیں گے غیرقانونی طریقے اختیار کیے جاتے رہیں گے۔
اسائلم کیسے لیا جاتا ہے؟عدنان پراچہ نے بتایا کہ کسی بھی ملک میں اسائلم کی درخواست تب دی جاتی ہے جب درخواست گزار یہ ثابت کرے کہ اسے اپنے وطن واپس جانے کی صورت میں جان، آزادی یا دیگر بنیادی حقوق کو خطرہ ہے۔
مزید پڑھیے: یورپی یونین نے سیاسی پناہ کے قوانین سخت کر دیے
انہوں نے کہا کہ یہ خطرات سیاسی نظریات، مذہب، نسلی تعصب یا ذاتی دشمنی کی بنیاد پر ہو سکتے ہیں۔ متعلقہ ملک کی حکومت اس درخواست کو اپنے قوانین کے مطابق پرکھتی ہے اور اگر دلائل معقول ہوں تو اسائلم منظور کر لیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسائلم اسائلم اور پاکستانی اسائلم کیسے لیتے ہیں اسائلم میں پاکستان آگے برطانیہ سیاسی پناہ.ذریعہ: WE News
کلیدی لفظ: اسائلم اور پاکستانی اسائلم کیسے لیتے ہیں اسائلم میں پاکستان ا گے برطانیہ سیاسی پناہ عدنان پراچہ سیاسی پناہ اسائلم کی جاتا ہے کے لیے
پڑھیں:
تربت میں انسانی اسمگلنگ کی کوشش ناکام، 29 غیرملکی شہری گرفتار
کوئٹہ (نمائندہ خصوصی )بلوچستان کے ضلع تربت میں پولیس اور وفاقی تحقیقاتی ایجنسی (ایف آئی اے) نے مشترکہ کارروائی کے دوران انسانی اسمگلنگ کے اقدام کو ناکام بناتے ہوئے 29 غیر ملکی شہریوں کو غیر قانونی طور پر سرحد عبور کرنے کی کوشش پر گرفتار کر لیا۔پاکستان میں گزشتہ چند برسوں کے دوران انسانی اسمگلنگ کے واقعات میں خطرناک حد تک اضافہ ہوا ہے، جس کے تحت افراد کو کسی ملک میں داخل ہونے یا وہاں غیر قانونی طور پر قیام پذیر رہنے میں مدد فراہم کی جاتی ہے۔ یہ رجحان نہ صرف ملک کی ساکھ کو متاثر کرتا ہے بلکہ اس میں ملوث افراد کی زندگیوں کے لیے بھی خطرہ بن جاتا ہے۔
سینئر سپرنٹنڈنٹ پولیس (ایس ایس پی) کیچ کیپٹن زوہیب محسن نے ممتازنیوز کو بتایا کہ یہ کارروائی تربت کے نواحی علاقے میں کی گئی، جہاں ایک لینڈ کروزر کو روکا گیا جس میں درجنوں افراد سوار تھے۔انہوں نے بتایا کہ’ گرفتار ہونے والوں میں 12 مرد، 13 بچے اور 4 خواتین شامل ہیں، دو ڈرائیوروں کو بھی حراست میں لیا گیا ہے جو مبینہ طور پر ان افراد کو غیر قانونی راستوں کے ذریعے ایران لے جانے میں ملوث تھے۔’
ایس ایس پی زوہیب محسن نے مزید بتایا کہ ابتدائی تحقیقات سے پتہ چلا ہے کہ گرفتار افغان شہری بلوچستان کے راستے ایران میں داخل ہو کر یورپ جانے کا منصوبہ بنا رہے تھے۔انہوں نے کہا، ’ تمام گرفتار افراد کو مزید تحقیقات کے لیے ایف آئی اے کے حوالے کر دیا گیا ہے، جبکہ اسمگلنگ میں ملوث نیٹ ورک کے خلاف تحقیقات شروع کر دی گئی ہیں۔’عہدیدار نے مزید کہا کہ ابتدائی تحقیقات کے بعد مزید گرفتاریوں کی توقع ہے اور تفتیش کا دائرہ کار وسیع کر دیا گیا ہے۔
کراچی، نادرن بائی پاس پر پلاسٹک کے گودام میں آگ لگ گئی