5مرلہ گھر کی ٹیکس چھوٹ میں بے ضابطگیوں کاانکشاف
اشاعت کی تاریخ: 2nd, August 2025 GMT
راودلشاد:محکمہ ایکسائز کی جانب سے 5مرلہ گھر کی ٹیکس چھوٹ میں بے ضابطگیوں کاانکشاف، پانچ مرلہ گھروں کو دی گئی ٹیکس ایگزمپشن میں سنگین بے قاعدگیاں سامنے آ گئیں۔
سال 23-2022کی آڈٹ رپورٹ 13 کروڑ 65 لاکھ کی ٹیکس چھوٹ مشتبہ قرار دی گئی، کئی غیر مستحق افراد کو 5مرلہ گھروں کی آڑ میں پراپرٹی ٹیکس میں رعایت دی گئی.
آڈٹ رپورٹ رپورٹ کے مطابق چھوٹ کے کیسز میں کئی گھروں کا رقبہ 5مرلہ سے زائد نکلا، بعض کیسز میں ایگزمپشن کیلئے درکار دستاویزات ہی موجود نہ تھیں۔
راولپنڈی ایکسپریس ٹرین کو حادثہ
پراپرٹی کی جانچ پڑتال اور فیلڈ ویری فکیشن کے بغیر چھوٹ دے دی گئی، افسران کی مبینہ ملی بھگت ،غفلت سے خزانے کو کروڑوں کا نقصان پہنچایا گیا۔
محکمہ ایکسائز کو فوری ریکوری ،ذمہ داروں کیخلاف کارروائی کی ہدایت کی گئی، پنجاب اسمبلی میں جمع آڈٹ رپورٹ میں شفافیت یقینی بنانے کی سفارش کی گئی۔
ذریعہ: City 42
پڑھیں:
گیس چوروں کے خلاف بڑا کریک ڈاؤن، 950 کنکشن منقطع
احسن عباسی: کراچی سمیت سندھ بھر میں سوئی سدرن گیس کمپنی (ایس ایس جی سی) نے گیس چوری کے خلاف بڑی کارروائیاں کرتے ہوئے 950 سے زائد غیر قانونی کنکشن منقطع کر دیے۔
ترجمان ایس ایس جی سی کے مطابق گیس چوری میں ملوث عناصر کے خلاف فوری کارروائی کی جا رہی ہے،اس دوران مختلف علاقوں میں زیرِ زمین براہِ راست غیر قانونی کنکشنز پکڑے گئے۔
اسٹیل ٹاؤن، ملیر اور سومر گوٹھ کے علاقوں میں 8 انچ ڈسٹری بیوشن لائن سے غیر قانونی کنکشن کے ذریعے 200 گھروں کو گیس فراہم کی جا رہی تھی،ملزمان ہر گھر سے 20 ہزار روپے ایڈوانس اور 2 ہزار روپے ماہانہ وصول کر رہے تھے۔
اسی طرح شاہ لطیف ٹاؤن کے سیکٹر 30-C میں بھی کارروائی کے دوران 6 انچ لائن سے زیر زمین غیر قانونی کنکشن پکڑا گیا، جہاں تقریباً 300 گھروں کو گیس سپلائی کی جا رہی تھی۔
بے نظیر آباد میں 100 گھروں کو غیر قانونی گیس فراہم کی جا رہی تھی جبکہ یار محمد گوٹھ، ملیر کراچی میں 20 انچ مین لائن سے براہ راست گیس چوری کا انکشاف ہوا۔
لیسکو کا سموگ کے دوران بجلی بریک ڈاؤن سے بچاؤ کیلئے اقدامات کا آغاز
ملزمان نے مین لائن میں سوراخ کر کے 300 گھروں کو گیس فراہم کی ہوئی تھی، اور ہر گھر سے 10 ہزار روپے ایڈوانس اور 2 ہزار روپے ماہانہ وصول کیے جا رہے تھے۔
ایس ایس جی سی نے بتایا کہ ملوث تمام افراد کے خلاف ایف آئی آرز درج کر لی گئی ہیں، جبکہ گیس چوری میں ملوث بستیوں پر مسلسل کریک ڈاؤن جاری رہے گا۔
استنبول میں پاک افغان مذاکرات کا تیسرا دور؛ طالبان وفد کا تحریری معاہدے سے گریز