اہل بلوچستان زائرین کا استقبال کرینگے، حب بار ایسوسی ایشن
اشاعت کی تاریخ: 4th, August 2025 GMT
اپنے بیان میں حب بار ایسوسی ایشن کے صدر نے کہا کہ کراچی سے ریمدان تک زائرین کا مارچ نہ صرف زائرین کے آئینی و مذہبی حقوق کی جدوجہد ہے بلکہ امت مسلمہ کے درمیان اتحاد، یکجہتی اور قربانی کے حسینی پیغام کو بھی زندہ کرتا ہے۔ اسلام ٹائمز۔ حب بار ایسوسی ایشن کے صدر ایڈوکیٹ محمد اقبال جاموٹ نے کراچی سے ریمدان تک زائرین اور ایم ڈبلیو ایم کے لانگ مارچ کا خیرمقدم کرتے ہوئے کہا ہے کہ اہل بلوچستان عاشقان اہلبیت علیہ السلام اور زائرین امام حسین علیہ السلام کو مکمل تعاون، حمایت فراہم کریں گے۔ انہوں نے اپنے جاری بیان میں کہا کہ ہم مجلس وحدت مسلمین پاکستان کے اس جرأت مندانہ اور وحدت آمیز فیصلے کا دلی خیرمقدم کرتے ہیں، جس کے تحت 6 اگست 2025 کو زائرینِ کربلا، نواسۂ رسول صلی اللہ علیہ وآلہ وسلم، امام حسین علیہ السلام کے عشق میں "کراچی تا ریمدان بارڈر مارچ" کا اعلان کیا گیا ہے۔ یہ مارچ نہ صرف زائرین کے آئینی و مذہبی حقوق کی جدوجہد ہے بلکہ امت مسلمہ کے درمیان اتحاد، یکجہتی اور قربانی کے حسینی پیغام کو بھی زندہ کرتا ہے۔
انہوں نے کہا کہ ہم بلوچستان کے عوام، خصوصاً ضلع حب کی جانب سے اس کاروانِ عشق کو دل کی گہرائیوں سے خوش آمدید کہتے ہیں۔ ہم اس بات پر کامل یقین رکھتے ہیں کہ تمام مسلمان ایک نبی (ص) کی امت ہیں، اور تمام پاکستانی ایک جسم کی مانند ہیں۔ انہوں نے کہا کہ ہم اتحادِ بین المسلمین کے پرجوش داعی ہیں اور ہماری سرزمین نے ہمیشہ مہمانوں، عاشقانِ اہل بیت علیہ السلام اور راہِ حق کے قافلوں کو عزت و احترام دیا ہے۔ ضلع حب سمیت بلوچستان بھر میں زائرین امام حسین علیہ السلام کو مکمل تعاون، حمایت اور محبت فراہم کی جائے گی۔
ذریعہ
ذریعہ: Islam Times
کلیدی لفظ: علیہ السلام کہا کہ
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ