راولپنڈی میں دفعہ 144 نافذ کر دی گئی
اشاعت کی تاریخ: 4th, August 2025 GMT
سٹی42: راولپنڈی کی ضلعی انتظامیہ نے آج چار اگست کی شام ضلع راولپنڈی میں دفعہ 144 نافذ کر دی ہے۔ ضلعی انتظامیہ کے اعلان کے مطابق آج 4 اگست سے 10 اگست تک راولپنڈی میں کسی بھی جلوس اور جلسے کی اجازت نہیں ہو گی۔
ضلعی انتظامیہ کے اعلان کے مطابق دفعہ 144 کا نفاذ شرپسند عناصر کے سرکاری اور غیر سرکاری املاک کو نقصان پہنچانے کے اندیشہ کے پیش نظر کیا گیا ہے۔
ٹی ٹونٹی سیریز ؛پاکستان ویمنز کرکٹ ٹیم کی ڈبلن میں بھرپور پریکٹس
ڈپٹی کمشنر راولپنڈی نے دفعہ 144 کا جو نوٹیفیکشن جاری کیا ہے اس میں اجتماعات پر پابندی کا واضح ذکر کیا گیا ہے۔
پی ٹی آئی کا "ملک گیر احتجاج" کہاں کہاں ہو گا
پی ٹی آئی کے ذمہ دار ذرائع نے پیر 4 اگست کی شام کو اعتراف کیا کہ خیبر پختونخوا میں میلے ٹھیلے جیسے احتجاج کے سوا کسی جگہ شور شرابے کا امکان نہیں ہے کیونکہ پی ٹی آئی نے 5 اگست کے احتجاج کے حوالے سے اپنی حکمت عملی تبدیل کر لی ہے۔ اسلام آبد مین پی ٹی آئی اپنا جلسہ اور جلوس کا پروگرام پہلے ہی منسوخ کر چکی ہے۔ لاہور اور پنجاب کے کسی دوسرے شہر میں آج 4 اگست کی شام تک کسی احتجاجی جلسی اور جلوس کا کوئی پروگرام اناؤنس نہیں کیا گیا۔ صرف اڈیالہ جیل راولپنڈی کے باہر ارکان قومی اسمبلی اور سینیٹ کے ارکان کا احتجاج اناؤنس کیا گیا تھا۔
تحریک انصاف نے اسلام آباد میں احتجاج اور جلسہ منسوخ کردیا
پشاور میں پانچ اگست کو "احتجاج" شام کو رکھا گیا ہے۔ صوبائی حکومت کے اعلان کے مطابق پشاور مین پانچ اگست کی شام کو رنگ روڈ سے ایک ریلی نکالی جائے گی۔
5 اگست کے پروگرام میں پنجاب، سندھ، وفاقی دارالھکومت حتیٰ کہ خیبر پختونخوا میں بھی عوام کے دلچسپی نہ لینے کے بعد آج شام پاکستان تحریک انصاف کی 5 اگست کے احتجاج کے بارے میں میں امیدیں ختم ہونے کے بعد اپنے کل کے احتجاج کے منصوبے میں "14 اگست تک توسیع" کی بات کی جا رہی ہے۔ 14 اگست پاکستان کا یومِ آزادی ہے، اس روز پاکستان کے عوام سیاسی وابستگی کو بھول کر صرف پاکستان کے پرچم کے ساتھ وابستگی کا اظہار کرنا پسند کرتے ہیں۔ عام طور پر سیاسی جماعتین یومِ آزادی پر کسی سیاسی سرگرمی سے گریز کرتی ہیں۔
پی ٹی آئی کی مرکزی قیادت نے سب مفروروں سمیت تمام ارکان پارلیمنت کو اڈیالہ جیل طلب کر لیا
اب پی ٹی آئی کے ذرائع بتا رہے ہیں کہ پی ٹی آئی کی تحریک کا اصل مقصد بانی کی اڈیالہ جیل سے رہا ئی ہے، اس کا نام نہاد بحالی جمہوریت سے کوئی لینا دینا نہیں ہے۔
ذرائع کا کہنا ہے کہ چاروں صوبوں کے ذمہ داران نے احتجاجی شیڈول اعلیٰ قیادت کوبھیج دیا، احتجاج کیلئے تمام ٹکٹس ہولڈرز کو بھی الرٹ کردیا گیا اور صوبوں کے صدور اور کوآرڈی نیٹرز قیادت سے رابطے میں رہیں گے۔
Waseem Azmet.ذریعہ: City 42
کلیدی لفظ: اگست کی شام پی ٹی ا ئی کیا گیا
پڑھیں:
ایک گھنٹے میں عمران خان کی رہائی ممکن ہے، اسد قیصر نے بڑا دعویٰ کردیا
پاکستان تحریک انصاف (پی ٹی آئی) کے مرکزی رہنما و سابق اسپیکر قومی اسمبلی اسد قیصر نے کہا ہے کہ عمران خان کو اگر چاہیں تو ایک گھنٹے کے اندر رہا کیا جا سکتا ہے، لیکن وہ کسی قسم کی ڈیل پر آمادہ نہیں ہوں گے۔
یہ بھی پڑھیں: عمران خان کو اذیت پہنچانے والے ہمارے ہدف پر ہیں، کارکنان کپتان کی رہائی کے لیے متحرک ہو جائیں، عمر ایوب
صوابی میں پریس کانفرنس سے خطاب کرتے ہوئے اسد قیصر نے کہاکہ 5 اگست کو ہونے والے احتجاج کی تمام تیاریاں مکمل کرلی گئی ہیں۔ یہ احتجاج مکمل طور پر آئینی اور قانونی دائرے میں رہتے ہوئے پرامن طریقے سے ہوگا۔
انہوں نے یاد دلایا کہ 5 اگست وہ تاریخ ہے جب عمران خان کو گرفتار کیا گیا تھا، اور اب ہم مطالبہ کرتے ہیں کہ ان کے خلاف مقدمات کی سماعت خالصتاً میرٹ پر کی جائے۔
اسد قیصر نے شبلی فراز، زرتاج گل اور دیگر رہنماؤں کو دی گئی سزاؤں کو غیرمنصفانہ قرار دیا۔
سابق اسپیکر قومی اسمبلی نے مزید کہاکہ سوشل میڈیا پر زیرگردش خبر کے مطابق عمران خان نے خیبرپختونخوا کے وزیر اعلیٰ سے متعلق کارکردگی نہ دکھا سکنے پر استعفیٰ دینے کا مطالبہ کیا ہے، تاہم اس کی باضابطہ تصدیق تاحال نہیں ہوئی۔
علاقائی تجارت سے متعلق بات کرتے ہوئے ان کا کہنا تھا کہ پاکستان دنیا سے تجارتی تعلقات میں وسعت چاہتا ہے، مگر ملک کے وسائل کسی اور کے سپرد نہیں ہونے چاہییں۔
یہ بھی پڑھیں: ’عمران خان کی رہائی کے لیے 5 اگست کو ملک گیر احتجاج ہو گا‘
انہوں نے افغانستان کے ساتھ سرحدی راستے کھولنے کی ضرورت پر بھی زور دیا تاکہ معیشت کا پہیہ چلتا رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان تحریک انصاف پی ٹی آئی ڈیل پر آمادہ سوشل میڈیا علی امین گنڈاپور عمران خان رہائی وزیراعلیٰ خیبرپختونخوا وی نیوز
کوئٹہ، زائرین کے بائی روڈ سفر پر پابندی کیخلاف علمدار روڈ پر احتجاج