گرفتارسابق وزیراعظم سردار عبدالقیوم نیازی سینٹرل جیل میرپور سے رہا
اشاعت کی تاریخ: 5th, August 2025 GMT
میرپور/مظفرآباد(نیوزڈیسک)سابق وزیراعظم آزادکشمیر وصدر پی ٹی آئی آزادکشمیر سردار عبدالقیوم نیازی کو سنٹرل جیل میرپور سے رہاکر دیاگیا۔
تفصیلات کے مطابق میرپور کی سنٹرل جیل سے جاری ہونیوالی حوالگی رسید کے مطابق سابق وزیراعظم سردار عبدالقیوم نیازی کو شخصی ضمانت پر رہاکیا گیا ہے۔
میرپور جیل سے جاری ہونیوالی حوالگی رسید کے مطابق سردار قیوم نیازی کو ان کے بھتیجے کمال مصطفی کی شخصی ضمانت پر رہا کردیاگیا ۔
یاد رہے کہ گزشتہ روز ہی ہائیکورٹ آزادکشمیر سے سردار قیوم نیازی کی گرفتاری پربرہمی کا اظہار کیا تھا اور آج 5اگست کو انہیں عدالت پیش کرنیکا حکم دیا تھا جبکہ سیاسی جماعتوں نے بھی گرفتاری کی مذمت کی تھی۔
قیوم نیازی کو 3اگست کو بھمبر کے علاقے سماہنی سے3 ایم پی اوتک کے تحت 6اگست حراست میں لیا گیا لیکن اس سے قبل ہی چھوڑ دیا گیا ہے۔
یہ بھی یاد رہے کہ تحریک انصاف کے کارکنوں نے گزشتہ روز احتجاج کیا اور آج 5اگست کوبھی احتجاج کا اعلان کیا تھا لیکن یہ واضح نہیں ہوسکا کہ آیا سردار قیوم نیازی کو کس بنیاد پر رہا کیا گیا کہ آیا وہ رہائی کے بعد کسی احتجاج میں حصہ لیں گے یانہیں۔
Post Views: 7.ذریعہ: Daily Mumtaz
کلیدی لفظ: قیوم نیازی کو
پڑھیں:
سابق وزیر اعظم شاہد خاقان عباسی کو دل کا دورہ، ہسپتال منتقل
سابق وزیراعظم شاہد خاقان عباسی کو دل میں تکلیف کے باعث نجی ہسپتال میں داخل کرا دیا گیا ہے۔ جہاں اُن کا علاج جاری ہے۔ ڈاکٹرز کے مطابق سابق وزیراعظم کو دل کا دورہ پڑا ہے۔ ٹیسٹ کے دوران یہ بات بھی سامنے آئی کہ ان کے دل کی دو شریانیں بند ہیں۔ تازہ ترین معلومات کے مطابق شاہد خاقان عباسی کا فوری طور پر آپریشن کیا گیا، انہیں کچھ دیر قبل 2 اسٹنٹ لگائے گئے ہیں۔ اس حوالے سے ان کے اہل خانہ کا کہنا ہے کہ ان کی طبیعت اب پہلے سے بہتر ہے، ڈاکٹروں کا کہنا ہے کہ سابق وزیر اعظم کی حالت خطرے سے باہر ہے۔ واضح رہے کہ عوام پاکستان پارٹی نے شاہد خاقان عباسی کی ہسپتال منتقلی کی تصدیق کر دی ہے۔
کراچی، نادرن بائی پاس پر پلاسٹک کے گودام میں آگ لگ گئی