کوہستان اسکینڈل؛ پشاور ہائیکورٹ نے نیب کو سید مہتاب شاہ کی گرفتاری سے روک دیا
اشاعت کی تاریخ: 5th, August 2025 GMT
پشاور:
پشاور ہائیکورٹ نے کوہستان اسکینڈل میں نیب کو نامزد ملزم سید مہتاب شاہ کی گرفتاری سے روک دیا۔
جسٹس سید ارشد علی اور جسٹس فرح جمشید نے نیب نوٹس کے خلاف سید مہتاب شاہ کی دائر درخواست پر سماعت کی۔ عدالت نے نیب کو نوٹس جاری کرتے ہوئے جواب طلب کرلیا۔
وکیل درخواست گزار سید قیصر علی شاہ ایڈووکیٹ نے دلائل میں کہا کہ درخواست گزار پراپرٹی ڈیلر ہے اور نیب نے نوٹس جاری کیا ہے، نیب نے پراپرٹیز بھی سیل کی ہیں۔
جسٹس سید ارشد علی نے استفسار کیا کہ نیب نے وارنٹ جاری کیا ہے؟ اسپیشل پراسیکیوٹر نیب ارباب کلیم اللہ نے بتایا کہ نیب نے نوٹس جاری کیا ہے، وارنٹ ابھی تک جاری نہیں کیا۔
قیصر علی شاہ ایڈووکیٹ نے کہا کہ درخواست گزار نیب کے ساتھ تعاون کے لیے تیار ہے لہٰذا نیب درخواست گزار کو گرفتار نہ کریں۔
عدالت نے ہدایت کی کہ نیب آپ کو بلائے تو آپ جا کر تفتیش میں تعاون کریں، آپ کو گرفتار نہیں کریں گے۔
پشاور ہائیکورٹ نے نیب کو آئندہ سماعت تک جواب جمع کروانے کی ہدایت کرتے ہوئے سماعت 20 اگست تک ملتوی کر دی۔
.ذریعہ: Express News
کلیدی لفظ: درخواست گزار نیب کو
پڑھیں:
ہراساں کیے جانے سے روکا جائے، عالیہ حمزہ نے درخواست دائر کردی
عالیہ حمزہ: فائل فوٹوپاکستان تحریک انصاف (پی ٹی آئی) کی رہنما عالیہ حمزہ نے اپنے خلاف مقدمات کی تفصیل اور ہراساں کرنے کیخلاف درخواست دائر کردی۔
لاہور ہائیکورٹ میں دائر کی گئی درخواست میں مؤقف اپنایا گیا کہ درخواست گزار پی ٹی آئی پنجاب کی چیف آرگنائزر کے عہدے پر ہے، بانی پی ٹی آئی کی ہدایت پر پارٹی نے سیاسی سرگرمیاں شروع کی ہیں۔
پاکستان تحریکِ انصاف (پی ٹی آئی) پنجاب کی چیف آرگنائزر عالیہ حمزہ نے وزیرِ اعلیٰ کے پی علی امین گنڈا پور سے سوال پوچھ لیا۔
درخواست گزار اور فیملی ارکان کو ہراساں کیا جا رہا ہے، درخواست گزار اور فیملی ارکان کو 2024 میں درج مقدمہ میں نامزد کر دیا گیا ہے، متعلقہ اتھارٹیز ہراساں کر رہی ہیں لیکن مقدمات کی تفصیلات نہیں دے رہیں۔
عالیہ حمزہ کی جانب سے دائر کی گئی درخواست میں استدعا کی گئی ہے کہ درخواست گزار اور فیملی ارکان کو ہراساں کرنے سے روکا جائے، درخواست گزار اور فیملی ارکان کے خلاف مقدمات کی تفصیلات فراہم کی جائیں۔
دیامر سیلاب میں فیملی سمیت لاپتہ ہونیوالی نجی ٹی وی اینکر کی گاڑی مل گئی