پاکستان اور عراق نے زائرین کیلئے فیری سروس کے آغاز
اشاعت کی تاریخ: 7th, August 2025 GMT
ویب ڈیسک :پاکستان اور عراق نے باہمی تعلقات کو فروغ دینے کے لیے اہم پیش رفت کرتے ہوئے ایک مفاہمتی یادداشت (ایم او یو) پر دستخط کیے ہیں، جس کے تحت گوادر بندرگاہ اور ام قصر بندرگاہ کے درمیان فیری سروس کا آغاز کیا جائے گا۔
ڈان اخبار کی رپورٹ کے مطابق یہ معاہدہ وفاقی وزیر برائے بحری امور محمد جنید انور چوہدری اور اسلام آباد میں عراقی سفارت خانے کے 3 رکنی وفد کے درمیان ملاقات کے دوران طے پایا، جس کی قیادت نائب سربراہ مشن عبدالقادر سلیمان الحمیری نے کی۔
ایف آئی اے نے بحریہ ٹاؤن اور ملک ریاض کی کرپشن کے ناقابل تردید ثبوت حاصل کرلیے ؛ وزیر اطلاعات عطااللہ تارڑ
اس معاہدے کو دو طرفہ تعلقات میں ایک نیا باب قرار دیتے ہوئے جنید انور چوہدری نے سمندری مسافروں اور کارگو روابط کے فروغ کی اہمیت پر زور دیا۔
انہوں نے کہا کہ فیری سروس ہمارے ثقافتی اور مذہبی روابط کو تقویت دے سکتی ہے, اور ساتھ ہی کاروباری مواقع بھی پیدا کرے گی، انہوں نے پاکستان کی بلیو اکانومی حکمت عملی کے تحت بندرگاہوں کی سرگرمیوں اور سپلائی چین کی ترقی کی اہمیت کو اجاگر کیا۔
یہ فیری سروس خاص طور پر ان پاکستانی زائرین کے لیے فائدہ مند ہوگی, جو عراق میں مذہبی رسومات، خاص طور پر اربعین (امام حسینؑ کے چہلم) میں شرکت کے لیے سفر کرتے ہیں۔
صوفی بزرگ شاہ عبد الطیف بھٹائی کا عرس، 9 اگست کو عام تعطیل کا اعلان
حکومت کی جانب سے حال ہی میں ایران کے ذریعے زمینی سفر پر پابندی کے بعد (جو کہ پہلے ایک ٹرانزٹ روٹ تھا) یہ سمندری راستہ ایک مؤثر متبادل فراہم کرے گ،۔ ہر سال تقریباً 10 لاکھ پاکستانی زائرین اربعین کے موقع پر نجف اور کربلا کی مقدس زیارتوں پر جاتے ہیں۔
وفاقی وزیر نے وفد کو آگاہ کیا کہ پاکستان ایران اور خلیج تعاون کونسل (جی سی سی) کے ممالک کے ساتھ بھی فیری روٹس قائم کرنے پر کام کر رہا ہے۔
ملاقات کے دوران، جنید انور چوہدری نے دو طرفہ تجارت کو وسعت دینے کی تجویز دی، جس میں پاکستان سے عراق کو ادویات، گوشت اور چاول کی برآمدات میں اضافہ شامل ہے، جب کہ عراق سے تیل کی درآمد بڑھانے پر زور دیا۔
انٹر بینک میں مہنگا، اوپن مارکیٹ سے بھی ڈالر کی خبر آگئی
انہوں نے کہا کہ پاکستان عراق کی پوٹاشیم سلفیٹ کی طلب کو بھی پورا کر سکتا ہے، کیوں کہ گوادر فری زون میں اس کی تیاری کی ایک سہولت موجود ہے۔
مالی سال 2024 کے تجارتی اعداد و شمار کے مطابق، پاکستان نے عراق کو 5 کروڑ 40 لاکھ ڈالر مالیت سے زائد کی برآمدات کیں، جب کہ عراق سے 14 کروڑ 50 لاکھ ڈالر سے زائد کی پیٹرولیم مصنوعات درآمد کیں۔
وفاقی وزیر نے کہا کہ پاکستان بین الاقوامی میری ٹائم آرگنائزیشن (آئی ایم او) کے آئندہ انتخابات میں حصہ لینے جا رہا ہے، اور اس سلسلے میں عراق کی حمایت طلب کی، اس پر الحمیری نے پاکستان کی حمایت کی یقین دہانی کرائی۔
لاہور میں 234 ٹریفک حادثات؛ 291 افراد زخمی
.
ذریعہ
ذریعہ: City 42
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ