برطانوی ہائی کمشنر کا پی آئی کے ساتھ یادگار سفر، تجربہ کیسا رہا؟
اشاعت کی تاریخ: 7th, August 2025 GMT
برطانوی ہائی کمشنر جین میریٹ نے پاکستان انٹرنیشنل ایئرلائن (پی آئی اے) کے ذریعے کراچی سے اسلام آباد تک اپنے یادگار سفر کی ایک ویڈیو سوشل میڈیا پلیٹ فارم ایکس پر شیئر کی۔
ویڈیو میں وہ ایئرپورٹ پر بتاتی ہیں کہ وہ کراچی سے اسلام آباد جا رہی ہیں، اور جلد ہی وہ پی آئی اے کے ذریعے براہِ راست برطانیہ کا سفر بھی کریں گی۔
ویڈیو کے دوران دیکھا جا سکتا ہے کہ پی آئی اے کے کپتان نے برطانوی ہائی کمشنر کو طیارے کے کاک پٹ کا خصوصی دورہ کروایا اور انہیں پرواز سے متعلق بریفنگ بھی دی۔
Come fly with me! Enjoyed my PIA flight from Karachi to Islamabad.
— Jane Marriott (@JaneMarriottUK) August 6, 2025
ویڈیو کے کیپشن میں جین میریٹ نے کہا کہ کراچی سے اسلام آباد تک پی آئی اے کی پرواز کا تجربہ انتہائی خوشگوار رہا۔ انہوں نے مزید لکھا کہ برطانیہ کی جانب سے پاکستان پر عائد فضائی پابندی کا خاتمہ ایک تاریخی قدم ہے، جو دونوں ممالک کے ہوا بازی ماہرین کی بین الاقوامی حفاظتی معیار پر پورا اترنے کی مشترکہ کاوشوں کا نتیجہ ہے۔
اسلام آباد ایئرپورٹ پر پی آئی اے کے سی ای او نے برطانوی ہائی کمشنر کو اعزازی ہوا باز کا اعزاز دیا اور انہیں کپتان کی کیپ پیش کر کے خیرسگالی کا اظہار کیا۔ جین میریٹ نے پی آئی اے کے لیے نیک خواہشات کا پیغام بھی دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئرپورٹ پروازیں برطانیہ پی آئی اے پی آئی اے پائلٹ پی آئی اے پروازیں جین میریٹذریعہ: WE News
کلیدی لفظ: ایئرپورٹ پروازیں برطانیہ پی ا ئی اے پی ا ئی اے پائلٹ پی ا ئی اے پروازیں جین میریٹ برطانوی ہائی کمشنر پی آئی اے کے اسلام آباد جین میریٹ پی ا ئی
پڑھیں:
جعلی ویڈیو بنانے اور پھیلانے والا مجرم ہے، طلال چوہدری
وزیر مملکت برائے داخلہ سینیٹر طلال چوہدری نے کہا ہے کہ جعلی ویڈیو بنانے اور پھیلانے والا مجرم ہے۔
اسلام آباد میں طارق فضل چوہدری کے ہمراہ میڈیا سے گفتگو میں طلال چوہدری نے کہا کہ اسلام آباد پولیس دارالحکومت کے تمام معاملات، سکیورٹی سمیت دیگر ذمہ داریاں ادا کرتی ہے۔
وفاقی وزیر طارق فضل چوہدری نے کہا ہے کہ نوجوان نسل بغیر تصدیق کوئی بھی مواد سوشل میڈیا پر شیئر نہ کرے۔
انہوں نے کہا کہ کہا جارہا ہے کہ آزاد کشمیر کے لوگوں سے چیکنگ کے نام پر اسلام آباد پولیس زیادتی کر رہی ہے۔
وزیر مملکت نے مزید کہا کہ جعلی ویڈیوز کے ذریعے اسلام آباد پولیس کو بدنام کیا جارہا ہے، پرانی ویڈیوز کو سوشل میڈیا پر ڈرامائی انداز میں پیش کیا جارہا ہے۔
اُن کا کہنا تھا کہ سوشل میڈیا پر آزاد کشمیر سے متعلق کچھ ویڈیوز کو پھیلایا جارہا ہے، ویڈیو بنانے والا تو مجرم ہے ہی، پھیلانے والے بھی اس میں حصے دار ہوجاتے ہیں۔
طلال چوہدری نے یہ بھی کہا کہ وزیرداخلہ اور وزیراعظم اسلام آباد پولیس کی کوئی کوتاہی برداشت نہیں کرتے، وزیرداخلہ ہر خبر اور واقعہ کا فوری نوٹس لیتے ہیں۔
انہوں نے مزید کہا کہ باغ اسپتال کی وڈیوز میں راولپنڈی کا اسپتال بتایا گیا، جعلی ویڈیوز کے ذریعے اسلام آباد پولیس کو بدنام کیا جارہا ہے۔
ای چالان سسٹم پر تحفظات: سیاسی جماعتیں اور سندھ حکومت آمنے سامنے