خراب موسم کے باعث اسلام آباد اور لاہور ایئرپورٹس پر فضائی آپریشن متاثر
اشاعت کی تاریخ: 7th, August 2025 GMT
اسلام آباد اور لاہور ایئرپورٹس پر خراب موسم کے باعث فلائٹ آپریشن شدید متاثر ہوا ہے۔
میڈیا رپورٹس کے مطابق اسلام آباد ایئرپورٹ پر موسم کی خرابی کے باعث 21 پروازوں کی آمد و روانگی میں تاخیر کا سامنا ہے، جبکہ کراچی سے اسلام آباد آنے والی ایک پرواز کو فیصل آباد ایئرپورٹ پر اتار لیا گیا۔
فلائٹ شیڈول کے مطابق ریاض، ابوظہبی، مسقط، باکو اور دوحہ سے آنے والی پروازوں کو اسلام آباد میں لینڈنگ میں دشواری کا سامنا ہے، جس کے باعث ان کی روانگی میں ایک سے 2 گھنٹے کی تاخیر ہو رہی ہے۔
حکام کے مطابق کراچی سے لاہور جانے والی ایک پرواز 4 گھنٹے 30 منٹ کی تاخیر کے بعد دوپہر 12:30 بجے روانہ ہوگی، جبکہ ایک نجی ایئرلائن کی کراچی سے اسلام آباد جانے والی پرواز بھی دو گھنٹے تاخیر کا شکار ہے۔
ادھر کوالالمپور سے لاہور کے لیے آنے والی 2 غیر ملکی پروازیں منسوخ کردی گئی ہیں، جبکہ لاہور ایئرپورٹ پر 7 پروازوں کی آمد و روانگی میں ایک سے ساڑھے نو گھنٹے تک کی تاخیر دیکھنے میں آئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد ایئرپورٹ خراب موسم فلائٹ آپریشن متاثر لاہور ایئرپورٹ ہنگامی لینڈنگ وی نیوز.
ذریعہ
ذریعہ: WE News
کلیدی لفظ: اسلام ا باد ایئرپورٹ فلائٹ ا پریشن متاثر لاہور ایئرپورٹ ہنگامی لینڈنگ وی نیوز لاہور ایئرپورٹ اسلام آباد کے باعث
پڑھیں:
بلوچستان کے مختلف علاقوں میں سیکیورٹی فورسز کا آپریشن، 17دہشتگرد ہلاک
فائل فوٹو۔بلوچستان کے مختلف علاقوں میں انٹیلی جنس کی بنیاد پر آپریشنز کے دوران بھارتی حمایت یافتہ فتنہ الخوارج کے 17دہشت گرد ہلاک کر دیے گئے۔
مسلح افواج کے شعبہ تعلقات عامہ آئی ایس پی آر کے مطابق سیکیورٹی فورسز نے یہ آپریشنز 24 مئی کے ٹرین واقعہ کے بعد کیے، جو مستونگ، نوشکی، زہری، خضدار اور کیچ کے اضلاع میں کیے گئے۔
آئی ایس پی آر کے مطابق دہشت گردوں کی ہلاکت سے ان علاقوں میں دہشت گرد نیٹ ورکس کو بہت زیادہ نقصان ہوا، ہلاک دہشت گردوں کے قبضے سے اسلحہ، بڑی مقدار میں بارودی مواد اور آئی ای ڈیز برآمد کیے گئے۔
آئی ایس پی آر کے مطابق یہ دہشت گرد علاقے میں متعدد دہشت گرد کارروائیوں میں ملوث رہے تھے۔ ان علاقوں میں کلیئرنس آپریشنز جاری ہیں۔
آئی ایس پی آر کے مطابق سیکیورٹی اداروں کی ملک گیر انسدادِ دہشت گردی مہم بھرپور انداز میں جاری رہے گی اور ملک سے بیرونی حمایت یافتہ دہشت گردی کے خطرے کا مکمل خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ