ذمہ داری کا مظاہرہ کریں، ہانیہ عامر کی بائیک ویڈیو پر شنیرا اکرم کا سخت ردعمل
اشاعت کی تاریخ: 11th, August 2025 GMT
کراچی (شوبز ڈیسک) اداکارہ ہانیہ عامر کی موٹرسائیکل پر کھڑے ہو کر سواری کرنے کی ویڈیو نے سوشل میڈیا پر توجہ حاصل کرلی، مگر سابق کرکٹر وسیم اکرم کی اہلیہ شنیرا اکرم نے اس پر شدید تنقید کرتے ہوئے روڈ سیفٹی اور ہیلمٹ کے استعمال کی ضرورت پر زور دیا۔
شنیرا نے انسٹاگرام اسٹوری میں ہانیہ کی ویڈیو کا اسکرین شاٹ شیئر کرتے ہوئے کہا کہ وہ برسوں سے ہسپتالوں اور ڈاکٹروں کے ساتھ مل کر نوجوانوں میں محفوظ سواری اور ہیلمٹ کے استعمال کے حوالے سے آگاہی پھیلا رہی ہیں، لیکن یہ منظر دیکھ کر انہیں افسوس ہوا۔
ان کا کہنا تھا کہ مشہور شخصیات کے پاس لاکھوں افراد پر اثر ڈالنے کی طاقت ہوتی ہے، اور جب یہ اثر غلط سمت میں جائے تو مایوسی ہوتی ہے۔ ایک ماں کی حیثیت سے وہ چاہتی ہیں کہ نوجوان جن ستاروں کو فالو کرتے ہیں، وہ ذمہ دارانہ رویہ اختیار کریں، نہ کہ ایسی حرکات دکھائیں جن سے جانوں کو خطرہ ہو۔
شنیرا نے مزید کہا کہ وہ خوش نہیں ہیں کہ انہیں ایک ایسی سیلیبریٹی پر تنقید کرنی پڑ رہی ہے جس کے انسٹاگرام فالوورز کی تعداد ایک کروڑ نوے لاکھ سے زیادہ ہے، مگر اگر یہ تنبیہ ہانیہ کو اپنی غلطی کا احساس دلائے تو یہ مثبت قدم ہوگا۔
انہوں نے واضح کیا کہ ان کا مقصد ہانیہ پر ذاتی حملہ نہیں بلکہ یہ باور کرانا ہے کہ شہرت کے ساتھ ذمہ داری بھی آتی ہے۔ ساتھ ہی درخواست کی کہ ہر کوئی بائیک چلاتے وقت ہیلمٹ پہننے کو ترجیح دے—اگر اپنے لیے نہیں تو ان پیاروں کے لیے جو آپ کی حفاظت کے لیے دعا گو رہتے ہیں۔
یاد رہے، ہانیہ عامر نے حال ہی میں ایک ویڈیو پوسٹ کی تھی جس میں وہ موٹرسائیکل پر کھڑے ہو کر سواری کا لطف اٹھاتی اور موسیقی پر خوشی سے رقص کرتی نظر آتی ہیں۔
View this post on InstagramA post shared by Hania Aamir 哈尼亚·阿米尔 (@haniaheheofficial)
Post Views: 3.
ذریعہ
ذریعہ: Daily Mumtaz
پڑھیں:
انتقال کی خبریں بے بنیاد،طاہرہ سید نے ویڈیو پیغام جاری کر دیا
نامور غزل اور لوک گلوکارہ طاہرہ سید(Tahira Syed) نے سوشل میڈیا پر اپنی وفات سے متعلق زیر گردش خبروں کو سختی سے مسترد کرتے ہوئے واضح کیا ہے کہ وہ بالکل خیریت سے ہیں اور ان کے بارے میں پھیلائی جانے والی تمام افواہیں بے بنیاد ہیں۔
وائرل ہونے والی غلط خبروں کے ایک روز بعد طاہرہ سید نے فیس بک پر ایک ویڈیو پیغام جاری کیا، جس میں انہوں نے اپنی صحت کے بارے میں مداحوں کو آگاہ کیا۔ انہوں نے کہا کہ انہیں علم ہوا ہے کہ ان کے انتقال سے متعلق جھوٹی خبریں پھیلائی جا رہی ہیں، تاہم وہ نہ صرف صحت مند ہیں بلکہ اس وقت نیویارک میں اپنی معمول کی زندگی گزار رہی ہیں۔
اپنے ویڈیو پیغام میں انہوں نے عوام سے اپیل کی کہ سوشل میڈیا پر غیر مصدقہ اور جھوٹی خبروں کو پھیلانے سے گریز کیا جائے۔ ان کا کہنا تھا کہ ایسی افواہیں نہ صرف ان کے لیے تکلیف دہ ہیں بلکہ ان کے چاہنے والوں میں بھی غیر ضروری پریشانی کا باعث بنتی ہیں۔ انہوں نے مداحوں کی محبت اور دعاؤں کا شکریہ بھی ادا کیا اور کہا کہ لوگوں کی نیک خواہشات ان کے لیے حوصلے کا باعث ہیں۔
View this post on Instagram
A post shared by Galaxy Lollywood (@galaxylollywood)
مزیدپڑھیں:امتحان میں کامیابی کے باوجود عبدالمجید نوکری سے محروم، عمر کی حد رکاوٹ بن گئی
اس معاملے کے بعد معروف شخصیات نے بھی گلوکارہ کی صحت کی تصدیق کی۔ فیشن ڈیزائنر حسن شہریار یاسین نے سوشل میڈیا پر ان کی تازہ تصویر شیئر کرتے ہوئے واضح کیا کہ وہ مکمل طور پر صحت مند ہیں۔ اسی طرح سینئر اداکارہ بشریٰ انصاری نے بھی طاہرہ سید کا ویڈیو پیغام اپنے سوشل میڈیا اکاؤنٹ پر شیئر کر کے افواہوں کی تردید کی۔
واضح رہے کہ گزشتہ چند دنوں کے دوران سوشل میڈیا پر طاہرہ سید کے انتقال سے متعلق جھوٹی خبریں تیزی سے پھیل گئی تھیں، جس کے باعث ان کے مداحوں میں شدید تشویش پائی گئی۔ تاہم اب ان کی اپنی وضاحت کے بعد یہ معاملہ واضح ہو گیا ہے کہ یہ خبریں مکمل طور پر بے بنیاد تھیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ