کراچی: بھائی بہن کوڈمپر سے کچلنے والے ڈرائیور کے پاس ایچ ٹی وی کی جگہ ایکسپائر ایل ٹی وی لائسنس تھا
اشاعت کی تاریخ: 11th, August 2025 GMT
کراچی:
جوڈیشل مجسٹریٹ وسطی نے راشد منہاس روڈ پر ڈمپر کی ٹکر سے بہن اور بھائی کے جاں بحق ہونے کے مقدمے میں ملزم کو جسمانی ریمانڈ پر پولیس کے حوالے کر دیا۔
جوڈیشل مجسٹریٹ وسطی کی عدالت کے روبرو راشد منہاس روڈ پر ڈمپر کی ٹکر سے بہن اور بھائی کے جاں بحق ہونے کے مقدمے کی سماعت ہوئی۔ پولیس نے گرفتار ملزم فردوس کو عدالت میں پیش کیا۔
تفتیشی افسر نے بتایا کہ ملزم کے پاس سے ہیوی ٹرانسپورٹ لائسنس نہیں ملا البتہ ملزم کے پاس ایل ٹی وی لائسنس ہے اور وہ بھی 2016 میں ایکسپائر ہو چکا ہے جبکہ ڈمپر کے مالک کے حوالے سے معلومات کرنی ہے۔
تفتیشی افسر نے مزید بتایا کہ ملزم کے کاغذات کو بھی ویریفائی کرنا ہے، حادثے کے بعد عوام کے تشدد سے ملزم کی آنکھ پر چوٹ لگی ہے۔
واقعے کا مقدمہ تھانہ یوسف پلازہ میں جاں بحق ہونے والوں کے چچا کی مدعیت میں درج کیا گیا ہے۔
عدالت نے ملزم کو 2 روزہ جسمانی ریمانڈ پر پولیس کے حوالے کرتے ہوئے آئندہ سماعت پر پیش رفت رپورٹ طلب کرلی۔
.ذریعہ: Express News
پڑھیں:
شیرشاہ پراچہ برج پر ہیوی ٹرالر بے قابو‘ فٹ پاتھ توڑتا ہوا برج سے لٹک گیا
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شیرشاہ کے علاقے میں پراچہ برج پر خوفناک حادثے میں ایک ہیوی ٹرالر ڈرائیور سے بے قابو ہو کر فٹ پاتھ اور برج کی حفاظتی دیوار توڑتا ہوا لٹک گیا۔ خوش قسمتی سے حادثے میں کسی قسم کا جانی نقصان نہیں ہوا۔پولیس کے مطابق ٹرالر شیرشاہ پراچہ برج سے بلدیہ کی سمت جا رہا تھا کہ اچانک ڈرائیور گاڑی پر قابو کھو بیٹھا، جس کے نتیجے میں ٹرالر فٹ پاتھ اور حفاظتی دیوار توڑتا ہوا پل کے کنارے پر لٹک گیا۔حادثے کے بعد پراچہ برج پر ٹریفک کی روانی شدید متاثر ہوئی جبکہ ٹریفک پولیس کی ٹیمیں فوری طور پر موقع پر پہنچ گئیں اور صورتحال کو قابو میں لیا۔ٹریفک پولیس حکام کے مطابق برج کے نیچے سے گزرنے والی ٹریفک کو سنگل ٹریک پر منتقل کر کے بحال کر دیا گیا ہے جبکہ ہیوی ٹرالر کو کرین کی مدد سے ہٹانے کے اقدامات کیے جا رہے ہیں۔ حادثہ ڈرائیور کی غفلت اور گاڑی کے بریک فیل ہونے کے باعث پیش آیا۔ پولیس نے ٹرالر کو قبضے میں لے کر مزید تحقیقات شروع کر دی ہیں۔
افغانستان سے خیبر پختونخواہ میں منشیات کی بڑی اسمگلنگ کا نیٹ ورک بے نقاب