پاکستان نے بھارتی وزارت خارجہ کے بیان کو غیر سنجیدہ اور گمراہ کن قرار دے دیا
اشاعت کی تاریخ: 11th, August 2025 GMT
پاکستان نے بھارتی وزارت خارجہ کی جانب سے پاکستانی آرمی چیف سے منسوب بیانات پر رد عمل کو سختی سے مسترد کرتے ہوئے اسے غیر سنجیدہ اور حقائق کو مسخ کرنے کی ایک اور کوشش قرار دیا ہے۔
یہ بھی پڑھیں: بھارتی قیادت کے حالیہ مخالفانہ ریمارکس ایک گہری پریشان کن ذہنیت کے عکاس ہیں، پاکستان
دفتر خارجہ کے ترجمان نے میڈیا کے سوالات کا جواب دیتے ہوئے کہا کہ بھارتی وزارت خارجہ کے بیانات ایک مرتبہ پھر ان کی عادت بن چکی غلط بیانی اور سیاق و سباق سے ہٹ کر بات کرنے کی مثال ہیں۔ ترجمان کے مطابق بھارت کی جانب سے ’نیوکلئر بلیک میلنگ‘ کے الزامات بے بنیاد، گمراہ کن اور خود ساختہ بیانیہ ہے۔
ترجمان نے کہا کہ پاکستان طاقت کے استعمال یا اس کی دھمکی کے خلاف ہے اور ہمیشہ برداشت اور ذمہ داری کا مظاہرہ کرتا رہا ہے۔ انہوں نے کہا کہ جب بھی بھارت کو کسی سنجیدہ سوال یا مسئلے کا سامنا ہوتا ہے تو وہ اشتعال انگیز بیانات اور جنگی جنون پر مبنی رویہ اپناتا ہے جو غیر منطقی الزامات کی صورت میں سامنے آتا ہے۔
مزید پڑھیے: پہلگام حملہ انتخابی ڈرامہ، سابق بھارتی وزیر خارجہ یشونت سنہا نے مودی سازش بے نقاب کردی
ترجمان نے مزید واضح کیا کہ پاکستان ایک ذمہ دار جوہری ریاست ہے، جس کے پاس مکمل سویلین کنٹرول کے تحت ایک مؤثر کمانڈ اینڈ کنٹرول نظام موجود ہے۔ پاکستان نے ہمیشہ ایسے حساس معاملات پر ضبط اور نظم و ضبط کا مظاہرہ کیا ہے۔
بیان میں پاکستان کی انسداد دہشت گردی کے حوالے سے عالمی سطح پر تسلیم شدہ کوششوں کو بھی اجاگر کیا گیا۔ ترجمان نے کہا کہ پاکستانی سیکیورٹی فورسز دہشت گردی کے خلاف ایک مضبوط دفاعی دیوار ہیں، اور بھارت کی جانب سے اس حوالے سے کی جانے والی بے بنیاد الزام تراشی غیر ذمہ دارانہ اور ثبوت سے عاری ہے۔
پاکستان نے بھارت کی طرف سے تیسرے ممالک کا بے جا حوالہ دینے پر بھی تشویش کا اظہار کیا اور اسے ایک غیر ضروری دباؤ ڈالنے کی ناکام کوشش اور سفارتی خود اعتمادی کی کمی قرار دیا۔
مزید پڑھیں: بھارتی میڈیا کی انڈیا سمیت دنیا بھر میں ساکھ صفر ہوگئی، فیک نیوز واچ ڈاگ کی رپورٹ جاری
ترجمان کا کہنا تھا کہ پاکستان، بھارت کے جارحانہ اور جنگجویانہ طرزِ عمل کے برعکس، ایک ذمہ دار ریاست کے طور پر بین الاقوامی برادری میں اپنا کردار ادا کرتا رہے گا۔ تاہم اگر بھارت نے پاکستان کی خودمختاری یا علاقائی سالمیت کی خلاف ورزی کی تو اس کا فوری اور مؤثر جواب دیا جائے گا اور اس کے نتائج کی تمام تر ذمہ داری بھارتی قیادت پر عائد ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی وزارت خارجہ کا بیان پاکستان کی مذمت پاکستان وزارت خارجہ کا بیان دفتر خارجہ.
ذریعہ
ذریعہ: WE News
کلیدی لفظ: بھارتی وزارت خارجہ کا بیان پاکستان کی مذمت پاکستان وزارت خارجہ کا بیان دفتر خارجہ بھارتی وزارت خارجہ پاکستان نے کہ پاکستان کہا کہ
پڑھیں:
پاکستان میں دہشت گردی کے پیچھے بھارت کا کردار واضح ہے، وزیراعظم
اسلام آباد:وزیراعظم شہباز شریف نے کہا ہے کہ پاکستان میں دہشت گردی کے پیچھے بھارت کا ہاتھ ہے جو دہشت گردوں کو وسائل مہیا کررہا ہے۔
بلوچستان نیشنل ورکشاپ کے شرکاء سے خطاب کرتے ہوئے وزیراعظم شہباز شریف نے کہا کہ دہشت گردی کی کارروائیوں میں بھارت کا کردار واضح ہے جو دہشت گردوں کو وسائل فراہم کررہا ہے، افغان عبوری حکومت دہشت گردی کو روکنے میں بالکل ناکام ہے، افغانستان اپنی سرزمین کو پاکستان کے خلاف استعمال کرنے سے روکے،ہم نے افغانستان کو سمجھانے کی کوشش کی کہ وہ دہشت گرد گروہوں کو کنٹرول کرے۔
انہوں نے کہا کہ دہشت گردی کی جنگ میں صرف عوام قربانیاں نہیں دے رہے بلکہ اس میں ہماری لا اینڈ انفورسمنٹ ایجنسیز شامل ہیں، اس میں ہماری افواج پاکستان کے کڑیل جوان اور افسران شامل ہیں۔
انہوں نے کہا کہ دہشت گردی کی جنگ میں اب تک ہمارے 90 ہزار پاکستانی شہید ہوچکے ہیں اس جنگ کے پیچھے بھارت کا ہاتھ ہے جو انہیں وسائل بھی مہیا کررہا ہے اور اس میں دیگر فیکٹرز بھی ملوث ہیں۔
وزیراعظم کا کہنا تھا کہ بلوچستان پاکستان کا جغرافیائی اعتبار سے سب سے بڑا صوبہ ہے، بہادر بلوچوں اور پختونوں نے پاکستان کے قیام میں بڑا کردار ادا کیا، ترقی کے دوڑ میں جب تک چاروں صوبے مساویانہ طور پر شریک نہیں ہوں گے پاکستان ترقی نہیں کرسکے گا اور میں یہ بات دل کی اتھاہ گہرائیوں سے قبول کرتا ہوں اور یقین دلاتا ہوں کہ بلوچستان کی ترقی میں وفاقی حکومت کوئی کسر نہیں چھوڑے گی۔
کوہاٹ میں ایکسائز اہلکاروں پر حملے کی مذمت
دریں اثنا وزیرِاعظم نے کوہاٹ میں ایکسائز اہلکاروں پر دہشت گرد حملے کی شدید الفاظ میں مذمت کی۔ وزیرِ اعظم نے واقعے میں سب انسپکٹر سجاد الاسلام اور کسٹم کانسٹیبل جواد کی شہادت پر گہرے دکھ اور رنج کا اظہار کیا، شہدا کے اہل خانہ کے لیے صبر اور زخمیوں کی جلد صحت یابی کی دعا کی۔
وزیرِ اعظم نے متعلقہ اہلکاروں کو ذمہ داران کا تعین کرکے انہیں قرار واقعہ سزا دلوانے کی ہدایت کی اور کہا کہ دہشت گردوں کے عفریت کے ملک سے مکمل خاتمے تک اس کے خلاف جنگ جاری رکھیں گے، شرپسند عناصر کو کسی صورت ملک کا امن تباہ کرنے نہیں دیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع