پرو ہاکی لیگ میں شرکت سے پاکستان کی عالمی رینکنگ میں اضافہ ہوگا، سابق قومی کپتان
اشاعت کی تاریخ: 12th, August 2025 GMT
لاہور:
پاکستان ہاکی ٹیم کے سابق کپتان رانا غضنفر علی نے کہا ہے کہ بھارت کا کھیلوں میں سیاست لانا پرانا وطیرہ ہے جس سے پاکستان سے زیادہ خود بھارت کو نقصان ہوگا۔
ایکسپریس نیوز کے مارننگ شو ’’ایکسپریسو‘‘ میں گفتگو کرتے ہوئے ایف آئی ایچ کوچ انسٹرکٹر رانا غضنفر علی نے کہا کہ ایشیا کپ ورلڈ کپ کا کوالیفیکشن ضرور ہے مگر سب سے پہلے پاکستانی کھلاڑیوں کی حفاظت اہم ہے، پرو ہاکی لیگ میں شرکت سے نہ صرف پاکستان کی عالمی رینکنگ میں اضافہ ہوگا بلکہ پاکستان کو ورلڈ کپ کوالیفکیشن کا موقع بھی ملے گا۔
رانا غضنفر علی کا کہنا تھا کہ پاکستان میں ہاکی کے زوال کے بہت سےفیکٹرز ہیں، جن پر کام کرنے کی ضرورت ہے۔ کھلاڑیوں کو خود بھی ذمہ داری دکھانا ہوگی۔ قومی کھیل کے فیصلہ سازوں کو اس بات کا احساس کرنا ہوگا کہ پرولیگ میں شرکت کتنی اہم ہے۔
انہوں نے کہا کہ دنیا کی نو بہترین ٹیموں کے ساتھ کھیلنے سے پاکستان کو رینکنگ پوائنٹس ملیں گے بلکہ کھلاڑیوں کو تجربہ بھی ملے گا۔ پاکستان ہاکی کے معاملات کو درست کرنے کے لیے کوچ کو کم از کم چارسال دینا ہوں گے، طاہر زمان بہترین کام کررہے ہیں، ان کو پورا موقع ملنا چاہیے، بار بار کوچز کی تبدیلی سے کھلاڑی کنفیوزڈ ہوجاتے ہیں جس سے مسائل پیدا ہوتے ہیں۔ پاکستان میں نیشنل کوچنگ پروگرام متعارف کرانے کی ضرورت ہے۔
یاد رہے کہ رانا غضفنر ایک طویل عرصہ سے برطانیہ میں کوچنگ کے شعبے سے وابستہ ہیں۔
.
ذریعہ
ذریعہ: Express News
پڑھیں:
ویمنز ٹی20 رینکنگ؛ پاکستانی اسپنر سعدیہ اقبال بڑے اعزاز سے محروم
دبئی:آئی سی سی ویمنز ٹی 20 ورلڈ کپ 2026 کے آغاز سے چند روز قبل جاری ہونے والی ٹی 20 ویمنز انٹرنیشنل رینکنگ میں انگلش اسپنر لنزے اسمتھ دنیا کی نئی نمبرون بولر بن گئیں۔
انہوں نے پاکستان کی سعدیہ اقبال سے ٹاپ پوزیشن چھین لی، 31 سالہ لنزے اسمتھ نے نیوزی لینڈ اور بھارت کے خلاف شاندار کارکردگی کی بدولت ایک درجہ ترقی پائی۔
اسمتھ نے 2018 میں بین الاقوامی کیریئر کا آغاز کیا تھا تاہم تقریباً 5 سال ملکی ٹیم سے دور رہنے کے بعد 2024 کے آخر میں انگلینڈ کی مستقل ٹی 20 رکن بنیں۔
نیوزی لینڈ کے خلاف پلیئر آف دی سیریز ایوارڈ جیتنے اور بھارت کے خلاف برسٹل میں منعقدہ دوسرے ٹی 20 میں عمدہ بولنگ نے انھیں کیریئر کی بہترین پوزیشن پر فائز کر دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ