مکمل ادائیگی کے باوجود عوام کو گیس میٹرز نہ لگنے پر قومی اسمبلی قائمہ کمیٹی برہم
اشاعت کی تاریخ: 5th, November 2025 GMT
اسلام آباد:
قومی اسمبلی کی پبلک اکاؤنٹس کی ذیلی کمیٹی نے مکمل ادائیگی کے باوجود عوام کو گیس کے میٹرز نہ لگانے پر برہمی کا اظہار کرتے ہوئے معاملہ دوبارہ ڈی سے سی کو بھیجنے کی ہدایت کردی۔
پاکستان پیپلزپارٹی (پی پی پی) کے رکن قومی اسمبلی سید نوید قمر کی زیر صدارت پارلیمنٹ کی پبلک اکاؤنٹس کی ذیلی کمیٹی کا اجلاس ہوا جہاں بتایا گیا کہ سوئی سدرن گیس پائپ لائنز لمیٹڈ (ایس این جی پی ایل) نے پیسے پورے لے لیے ہیں لیکن گیس کنیکشن نہیں لگائے۔
کمیٹی کو بتایا گیا کہ صارفین کے ڈیمانڈ نوٹس اور فوری فیس جمع ہونے کے باوجود میٹرز نصب نہیں کیے گئے، جس پر پبلک اکاؤنٹس کی ذیلی کمیٹی کی جانب سے ایس این جی پی ایل پر برہمی کا اظہار کیا گیا۔
آڈٹ حکام نے بریفنگ میں بتایا کہ اوگرا کے معیار کے تحت کنیکشن درخواستوں پر فوری کارروائی نہیں کی گئی، 71 ہزار 892 درخواستیں 27 نومبر 2021 سے قبل جمع ہوئیں، گیس میٹرز کے لیے فیسز فوری جمع کی گئیں لیکن میٹرز نصب نہ ہوئے۔
انہوں نے کہا کہ 3 ہزار 28 مقامات پر سروس لائن بچھا دی گئی مگر میٹرز نہیں لگائے گئے، 14 ہزار صارفین کی فوری فیس کے باوجود میٹرز نہ لگ سکے، نئے کنکشنز پر پابندی کے باوجود فوری فیس والے کیسز نمٹانے کی ہدایات پر عمل نہیں ہو سکا۔
آڈٹ حکام نے بتایا کہ صارفین کو بروقت گیس کنکشن کی فراہمی میں تاخیر کی گئی، ایس این جی پی ایل نے صارفین کو سروس ڈیلیوری میں سنگین غفلت کی، ایس این جی پی ایل نے اوگرا کے سروس اسٹینڈرڈز کی خلاف ورزی کی۔
کنوینیئر کمیٹی نوید قمر نے کہا کہ جس نے آپ پر اعتماد کرکے پیسے دیے ان کا کیا قصور ہے، یہ تو ہٹ دھرمی ہے کہ آپ پیسے دے دو ہم اپنی مرضی سے کنیکشن لگائیں گے، ایسا تو کنٹریکٹرز کرتے ہیں، سرکاری ادارے بھی ایسا کرنے لگ جائیں تو کیا بنے گا۔
بعد ازاں پی اے سی ذیلی کمیٹی نے معاملے کو دوبارہ ڈی اے سی میں لے جانے کی ہدایت کر دی۔
.ذریعہ: Express News
کلیدی لفظ: ایس این جی پی ایل ذیلی کمیٹی کے باوجود میٹرز نہ
پڑھیں:
پاکستان میں گوگل کروم بُک کی پہلی اسمبلی لائن کا افتتاح، عام صارفین کو کیا فائدہ ہوگا؟
نائب وزیراعظم اسحاق ڈار نے پاکستان کی پہلی گوگل کروم بُک اسمبلی لائن کا افتتاح کر دیا۔
اسلام آباد میں افتتاحی تقریب سے خطاب کرتے ہوئے انہوں نے اسے پاکستان کے ڈیجیٹل سفر کا ایک تاریخی لمحہ قرار دیا۔
اسحاق ڈار نے کہا کہ کروم بُک کی مقامی سطح پر تیاری سے ڈیجیٹل ٹولز تک سستی اور وسیع رسائی ممکن ہو گی، خاص طور پر تعلیمی شعبے میں۔
انہوں نے کہا کہ یہ اقدام نہ صرف تعلیم کے لیے بلکہ معاشی لحاظ سے بھی اہم سنگِ میل ہے کیونکہ اس سے روزگار کے مواقع، سپلائی چین کی ترقی، اور مستقبل میں ٹیکنالوجی کی برآمدات کی راہ ہموار ہو گی۔
گوگل کا پاکستان میں مقامی دفتر: ایک تاریخی فیصلہنائب وزیراعظم نے کہا کہ گوگل کا پاکستان میں مقامی دفتر کھولنے کا فیصلہ محض علامتی نہیں بلکہ قومی فخر کا لمحہ اور پاکستان کی ڈیجیٹل صلاحیتوں پر عالمی اعتماد کا مظہر ہے۔
انہوں نے کہا کہ گوگل کی موجودگی سے پاکستان کے اسٹارٹ اپس اور نوجوان کاروباری افراد کو عالمی سطح پر براہِ راست تعاون، تربیت اور مواقع حاصل ہوں گے۔
یہ بھی پڑھیے گوگل نے پنجاب حکومت کو بڑی پیشکش کردی
اسحاق ڈار نے بتایا کہ حکومتِ پاکستان اور گوگل کے درمیان مفاہمتی یادداشت (MoU) کے تحت ملک بھر میں ایک لاکھ ڈیویلپرز کو جدید ڈیجیٹل مہارتوں کی تربیت دی جائے گی۔
انہوں نے مزید کہا کہ پاکستان اور گوگل مل کر مصنوعی ذہانت (AI) پر مبنی مقامی حل بھی تیار کریں گے، جیسے کہ عوامی تحفظ کے لیے اینڈرائیڈ سروسز۔
حکومتی پالیسی اور آئندہ اقداماتنائب وزیراعظم نے کہا کہ حکومت ایسے ماحول کے قیام کے لیے پرعزم ہے جہاں عالمی ٹیکنالوجی کمپنیاں سرمایہ کاری، اشتراک، اور پائیدار موجودگی قائم کر سکیں۔
یہ بھی پڑھیے جیمنی پرو: گوگل کی پاکستانی طلبہ کو شاندار مفت پیشکش
انہوں نے کہا کہ پاکستان کو علاقائی ٹیکنالوجی حب بنانے کے لیے ایک جدید ریگولیٹری فریم ورک تشکیل دیا جا رہا ہے جو اختراع (innovation) کو فروغ دے گا۔
انہوں نے یہ بھی کہا کہ حکومت ٹیکس ڈھانچے کو معقول سطح پر لانے کے لیے اقدامات کر رہی ہے۔
اس موقع پر وزیرِ برائے انفارمیشن ٹیکنالوجی شزا فاطمہ نے بھی اظہارِ خیال کرتے ہوئے کہا ’کروم بُک اسمبلی لائن کا آغاز ایک انقلابی قدم ہے جو ٹیکنالوجی، مینوفیکچرنگ اور تعلیم کو ایک ساتھ لاتا ہے۔‘
انہوں نے عزم ظاہر کیا کہ حکومت ڈیجیٹل پاکستان کے سفر کو تیز رفتاری سے آگے بڑھائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار ٹیکنالوجی گوگل کروم بک
تورا بورا بھیجنے کی دھمکی