انجلینا جولی نے امریکا چھوڑنے کی تیاری شروع کر دی، کس ملک میں رہائش اختیار کریں گی؟
اشاعت کی تاریخ: 12th, August 2025 GMT
ہالی ووڈ کی معروف اداکارہ اور آسکر ایوارڈ یافتہ اسٹار انجلینا جولی اپنے تاریخی لاس اینجلس اسٹیٹ سے رخصت ہونے کی تیاری کر رہی ہیں۔ امریکی جریدے پیپل کے مطابق، انجلینا جولی نے اپنے 1913 میں تعمیر شدہ خوبصورت گھر فروخت کے لیے تیار کرنے کا فیصلہ کیا ہے اور وہ جلد بیرونِ ملک منتقل ہونے کا ارادہ رکھتی ہیں۔
ذرائع کے مطابق، 50 سالہ اداکارہ نے ہمیشہ لاس اینجلس میں مستقل رہائش اختیار کرنے سے گریز کیا، لیکن سابق شوہر بریڈ پِٹ کے ساتھ بچوں کی حوالگی کے معاہدے نے انہیں یہیں رہنے پر مجبور کیا۔
یہ بھی پڑھیے انجیلینا جولی اور بریڈپٹ کے درمیان طویل قانونی جنگ کا اصل سبب کیا نکلا؟
انجلینا جولی اور بریڈ پٹ کے درمیان تقریباً 8 سال تک جاری رہنے والی قانونی لڑائی دسمبر 2024 میں طلاق کے حتمی معاہدے کے بعد ختم ہوئی۔ دونوں کے 6 بچے ہیں: میڈوکس (24)، پیکس (21)، زہارا (20)، شیلو (19)، اور جڑواں بچے ناکس اور ویوین (17)۔
ذرائع کے مطابق، جولی اگلے سال ناکس اور ویوین کے 18 سال کے ہوتے ہی بیرونِ ملک منتقل ہو جائیں گی۔ وہ اس وقت کئی ممکنہ مقامات پر نظر رکھے ہوئے ہیں اور قریبی دوستوں کو بتایا ہے کہ وہ لاس اینجلس چھوڑ کر سکون، پرائیویسی اور سیکیورٹی والے ماحول میں رہنا چاہتی ہیں۔
تاریخی گھر کا احوالیہ شاندار گھر جولی نے 2017 میں 2 کروڑ 45 لاکھ ڈالر میں خریدا تھا۔ 11,000 مربع فٹ پر محیط اس اسٹیٹ میں 6 بیڈروم اور 10 باتھ روم ہیں۔ اس کی خاص بات یہ ہے کہ اسے 1916 میں مشہور فلم ڈائریکٹر سیسل بی ڈیمیل نے خریدا تھا۔ اس کے قریب والے مکان میں کبھی چارلی چیپلن رہتے تھے، اور بعد میں ڈیمیل نے دونوں جائیدادوں کو ملا کر ایک بنا دیا۔
ایک اور ذریعے کا کہنا ہے کہ جولی فروخت سے قبل مکان میں معمولی بہتریاں کر رہی ہیں تاکہ یہ اپنی اصل خوبصورتی کے ساتھ خریداروں کو پیش کیا جا سکے۔
لاس اینجلس چھوڑنے کی وجہجولی نے 2024 میں ’دی ہالی ووڈ رپورٹر‘ کو بتایا تھا کہ وہ صرف اس لیے لاس اینجلس میں رہ رہی ہیں کیونکہ طلاق کے باعث انہیں یہاں ہونا پڑ رہا ہے۔
’جب آپ کا بڑا خاندان ہو تو آپ چاہتے ہیں کہ انہیں پرائیویسی، سکون اور تحفظ ملے۔ لاس اینجلس میں وہ انسانیت اور خلوص نہیں ہے جو میں نے دنیا کے دوسرے حصوں میں دیکھا ہے۔‘
یہ بھی پڑھیے کیا انجلینا جولی بڑھاپے سے خفا ہیں؟
اداکارہ نے یہ بھی بتایا کہ بچوں کے بالغ ہونے کے بعد وہ زیادہ تر وقت کمبوڈیا میں گزاریں گی — وہی ملک جہاں سے انہوں نے 2002 میں اپنے سب سے بڑے بیٹے میڈوکس کو گود لیا تھا۔ اس کے علاوہ وہ دنیا بھر میں اپنے خاندان کے افراد سے ملنے کا بھی ارادہ رکھتی ہیں۔
جولی نے فروری میں سانتا باربرا انٹرنیشنل فلم فیسٹیول میں کہا تھا کہ کمبوڈیا ان کے دل میں ہمیشہ ایک خاص مقام رکھتا ہے اور وہ اسے اپنا اصل گھر مانتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انجلینا جولی ہالی ووڈ.ذریعہ: WE News
کلیدی لفظ: انجلینا جولی ہالی ووڈ انجلینا جولی لاس اینجلس جولی نے
پڑھیں:
فلسطینیوں کے حق میں خطاب کرنے پر امریکا نے کولمبیا کے صدر کا ویزا منسوخ کردیا
فلسطینیوں کے حق میں خطاب کرنے پر امریکا نے کولمبیا کے صدر کا ویزا منسوخ کردیا WhatsAppFacebookTwitter 0 27 September, 2025 سب نیوز
نیویارک (آئی پی ایس )امریکا نے نیویارک کی سڑکوں پر فلسطینیوں کے حق میں مظاہرے میں شرکت پر کولمبیا کے صدر گستاوو پیٹرو کا ویزا منسوخ کرنے کا اعلان کیا ہے۔ کولمبیا کے صدر نے احتجاج میں امریکی فوجیوں سے مطالبہ کیا تھا کہ وہ صدر ڈونلڈ ٹرمپ کے احکامات کو نہ مانیں۔امریکی محکمہ خارجہ نے اپنی آفیشل پوسٹ میں کہا کہ گستاوو پیٹرو کے غیر ذمہ دار اور اشتعال انگیز بیانات کی وجہ سے ویزا منسوخ کیا جا رہا ہے۔
نیویارک میں اقوام متحدہ کے ہیڈ کوارٹر کے باہر فلسطین نواز مظاہرین سے خطاب کرتے ہوئے پیٹرو نے عالمی مسلح فورس بنانے کا مطالبہ کیا، جس کا بنیادی مقصد فلسطینیوں کی آزادی ہو اور جو امریکا کی فوج سے بھی بڑی ہو۔انہوں نے امریکی فوجیوں سے کہا، اپنی بندوقیں عوام کی طرف نہ کریں، ٹرمپ کے احکامات کو نہ مانیں بلکہ انسانیت کے احکامات کی پیروی کریں۔پیٹرو، کولمبیا کے پہلے بائیں بازو کے صدر، نے اقوام متحدہ کی جنرل اسمبلی میں بھی صدر ٹرمپ کو غزہ میں نسل کشی کا شریک جرم قرار دے چکے ہیں اور امریکی میزائل حملوں کے خلاف قانونی کارروائی کا مطالبہ کیا تھا۔
اسی دوران، فلسطینی صدر محمود عباس کو بھی نیویارک کا ویزا دینے سے امریکا نے انکار کیا ہے، جسے فلسطینی حکام نے اقوام متحدہ کے 1947 کے معاہدے کی خلاف ورزی قرار دیا ہے۔دوسری طرف، اسرائیلی وزیر اعظم بنیامین نیتن یاہو نے جنرل اسمبلی میں مغربی ممالک کی سخت تنقید کی اور کہا کہ فلسطینی ریاست کو تسلیم کرنے کے اقدام سے یہ پیغام جاتا ہے کہ یہودیوں کا قتل سود مند ہے۔ غزہ کی حالیہ جنگ کے آغاز سے اب تک اسرائیلی حملوں میں 65 ہزار سے زائد فلسطینی ہلاک ہو چکے ہیں جبکہ پوری آبادی بے گھر ہو چکی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمحسن نقوی کی ڈائریکٹر ایف بی آئی سے ملاقات، انسداد دہشت گردی اور تعاون پر زور محسن نقوی کی ڈائریکٹر ایف بی آئی سے ملاقات، انسداد دہشت گردی اور تعاون پر زور یمن کی بندرگاہ پر ایل پی جی ٹینکر اسرائیلی ڈرون حملے کا نشانہ بنا، وزیر داخلہ حکومت چینی بحران کا حساب لے، پیکا ایکٹ کے ڈر سے نہیں بولتا: ندیم افضل چن ایشیا کپ فائنل: پاکستان کیخلاف میچ سے قبل بھارتی کوچ کا 2 اہم کھلاڑیوں کی فٹنس پر خدشات کا اظہار انسداد دہشت گردی کی عدالت کاعمران خان کے وکیل نعیم حیدر پنجوتھہ کو گرفتار کرنے کا حکم پاکستان میں بھارتی دہشت گردی کے ناقابل تردید ثبوت؛ بلومبرگ کی رپورٹ میں ہوشربا انکشافاتCopyright © 2025, All Rights Reserved
رابطہ کریں ہماری ٹیم
ایران میں سزائے موت کی منتظر شریفہ محمدی کا کیس؟