سلمان خان کے والد اور والدہ کی ویڈیو کیوں دھوم مچا رہی ہے؟
اشاعت کی تاریخ: 25th, August 2025 GMT
بالی وڈ کے لیجنڈ اسکرین رائٹر سلیم خان( سلمان خان کے والد) کی ایک دل کو چھو لینے والی ویڈیو نے سوشل میڈیا پر دھوم مچا دی ہے۔ اس ویڈیو میں سلیم خان اپنی اہلیہ سلمیٰ خان کو اپنے ہاتھوں سے کھانا کھلاتے نظر آ رہے ہیں، جس نے مداحوں کے دل جیت لیے۔
سہیل خان نے ویڈیو شیئر کیہفتے کی شب اداکار و پروڈیوسر سہیل خان نے انسٹاگرام پر خاندانی ڈنر کی کچھ جھلکیاں پوسٹ کیں۔ انہی میں ایک منظر ایسا بھی تھا جہاں سلیم خان بڑے پیار سے اہلیہ سلمیٰ کو نوالہ کھلا رہے تھے۔ سہیل خان نے والدین کو ’سب سے پیارا جوڑا‘ قرار دیا۔
View this post on Instagram
A post shared by Sohail Khan (@sohailkhanofficial)
مداحوں اور ساتھی فنکاروں کا ردعملبالی ووڈ اداکار سنیل سیٹھی اور سلمان خان کی قریبی دوست یولیا وینتُر نے انسٹا گرام اسٹوری پر دل والے ایموجیز کے ذریعے محبت کا اظہار کیا۔
ایک مداح نے لکھا: ’اللہ ان دونوں کو صحت مند اور لمبی زندگی عطا کرے۔‘
ایک اور صارف نے کہا: ’اللہ ان پر اپنی رحمتیں نازل کرے، امی ابو کو ڈھیروں دعائیں اور گلے ملیں۔‘
ایک تبصرہ میں کہا گیا: ’یہ سب سے خوبصورت اور دل کو چھو لینے والا لمحہ ہے جو میں نے دیکھا۔‘
خان فیملی کی پہچانخان فیملی کو ہمیشہ سے بالی ووڈ کی سب سے بااثر اور باہم جُڑی ہوئی فیملیز میں شمار کیا جاتا ہے۔ اکثر ان کی خاندانی تصاویر یا ایک دوسرے کے ساتھ کھڑے ہونے کے لمحات ہی سرخیوں میں آتے ہیں، مگر اس بار ذاتی زندگی کا یہ پیارا منظر مداحوں کو خاصا متاثر کر گیا۔ کئی صارفین نے اس موقع کو ’فیملی گولز‘ قرار دیا۔
سلیم خان کی زندگی اور ازدواجی سفرسلیم خان نے 1964 میں سُشیلا چرک سے شادی کی، جو بعد میں سلمیٰ خان کے نام سے معروف ہوئیں۔
اس جوڑے کے 4 بچے ہیں: سلمان خان، ارباز خان، سہیل خان اور علویرا۔
بعد ازاں 1981 میں سلیم خان نے اداکارہ ہیلن سے دوسری شادی کی۔
آج بھی یہ پورا خاندان ممبئی میں ایک ساتھ رہتا ہے اور مضبوط رشتوں اور خاندانی اقدار کی وجہ سے پہچانا جاتا ہے۔
سلیم خان کا فنی سفرسلیم خان بالی ووڈ کے مشہور ترین اسکرین رائٹرز میں شمار ہوتے ہیں۔ انہوں نے جاوید اختر کے ساتھ مل کر فلمی تاریخ کی سب سے بڑی ہٹ فلمیں تحریر کیں، جن میں شعلے، دیوار اور زنجیر شامل ہیں۔ اپنی سادگی، خاندانی اقدار اور محبت بھرے رویے کی وجہ سے وہ ہمیشہ مداحوں کے دلوں میں زندہ رہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرٹینمنٹ سلمان خان کے والدین سلمیٰ خان سلیم خان.
ذریعہ
ذریعہ: WE News
کلیدی لفظ: انٹرٹینمنٹ سلمان خان کے والدین سلیم خان سلیم خان سہیل خان خان کے
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی