جہاں سے سستا تیل دستیاب ہوگا،خریداری کریں گے : بھارتی سفیر
اشاعت کی تاریخ: 25th, August 2025 GMT
روس میں تعینات بھارتی سفیر ونے کمار نے واضح کیا ہے کہ بھارت کو جہاں سے سستا تیل دستیاب ہوگا، وہیں سے خریداری کی جائے گی۔
یہ بھی پڑھیں: روسی تیل اور بھارتی ریفائننگ، پیسے کس نے کھرے کیے؟
روسی میڈیا سے گفتگو کرتے ہوئے ونے کمار کا کہنا تھا کہ بھارت کی اولین ترجیح مقامی ضروریات کے لیے توانائی کا مسلسل اور یقینی حصول ہے، امریکا اور یورپ سمیت کئی ممالک بھی روس کے ساتھ تجارت کررہے ہیں، اس لیے بھارت پر اعتراض بلاجواز ہے۔
بھارتی سفیر نے امریکی صدر ڈونلڈ ٹرمپ کی جانب سے بھارت پر اضافی محصولات کے فیصلے کو غیر منصفانہ اور غیر معقول قرار دیتے ہوئے کہا کہ اس اقدام کا کوئی جواز نہیں۔
ونے کمار کا کہنا تھا کہ بھارت اور روس کی تجارت باہمی مفادات اور دوطرفہ تعلقات پر مبنی ہے اور بھارتی حکومت قومی مفادات کے تحفظ کے لیے اپنی پالیسی جاری رکھے گی۔
یہ بھی پڑھیں: امریکی صدر ڈونلڈ ٹرمپ نے 7 بھارتی کمپنیوں پر پابندیاں عائد کر دیں
بھارتی سفیر کا یہ بیان اس وقت سامنے آیا ہے جب امریکا کی جانب سے بھارت پر عائد کیے جانے والے 50 فیصد ٹیرف کے نفاذ میں صرف 2 روز باقی رہ گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بھارت تیل روس ونے کمار.ذریعہ: WE News
کلیدی لفظ: امریکا بھارت تیل بھارتی سفیر
پڑھیں:
واٹس ایپ میں بیک-اَپ کیلئے اب کوئی پاسورڈ کی ضرور نہیں، نیا طریقہ متعارف
واٹس ایپ نے اپنی چیٹ بیکاپ سیکیورٹی میں نیا طریقہ متعارف کروایا ہے، جس میں پاسورڈ کی اب ضرورت نہیں رہے گی۔
پرانے طریقے میں اگر آپ چیٹ بیکاپ کو اینڈ-ٹو-اینڈ انکرپشن کے تحت محفوظ کرنا چاہتے تھے، تو آپ کو یا تو ایک استعمال کنندہ منتخب کردہ پاسورڈ دینا پڑتا تھا یا 64 ہندسوں والی انکرپشن کیی جنہیں یاد رکھنا بہت مشکل ہوتا تھا۔
لیکن اب واٹس ایپ نے “پاسکی (passkey)” نامی طریقہ متعارف کروایا ہے جس کا مطلب یہ ہے کہ آپ کو طویل پاسورڈ لکھنے یا یاد رکھنے کی ضرورت کم پڑے گی۔ بایومیٹرک تصدیق جیسے فنگر پرنٹ، چہرے کی شناخت یا اسکرین لاک کوڈ استعمال ہو سکتا ہے۔
پاسکیز محفوظ طور پر یوزر کے ڈیوائس یا پاسورڈ مینیجر میں اسٹور ہوتی ہیں، اس کا مطلب ہے کہ آپ کو پاسورڈ بھول جانے کی حالت میں مکمل رسائی کھونے کا خطرہ کم ہو سکتا ہے۔
یہ فیچر ابھی تمام یوزرز کو نہیں دیا گیا بلکہ بیٹا ورژن میں دستیاب ہے اور وقت کے ساتھ ساتھ عام صارفین کو بھی دستیاب ہوگا۔
بلاول‘ فضل الرحمن ملاقات:آزاد کشمیر میں حکومت سازی پر مشاورت