پاکستانی آئی ٹی انڈسٹری کو بھارت پر عائد ٹیرف سے بڑا فائدہ متوقع
اشاعت کی تاریخ: 25th, August 2025 GMT
پاکستان کی سب سے بڑی سافٹ ویئر کمپنیوں میں شمار ہونیوالی کمپنی سسٹمز لمیٹڈ کا کہنا ہے کہ بدلتی ہوئی عالمی تجارتی پالیسیوں اور بھارت سے سروسز کی برآمد پر ممکنہ امریکی ٹیرف کے نفاذ سے پاکستان کی آئی ٹی انڈسٹری کے لیے نئے مواقع پیدا ہوں گے۔
یہ بات سسٹمز لمیٹڈ کی حالیہ دنوں میں منعقدہ ایک کارپوریٹ بریفنگ سیشن میں کہی گئی، جس میں ان سائٹ سیکورٹیز کے نمائندے بھی شریک تھے، کمپنی انتظامیہ نے کہا کہ ان پالیسی تبدیلیوں سے نہ صرف سسٹمز لمیٹڈ بلکہ مجموعی طور پر پاکستان کی آئی ٹی انڈسٹری کو فائدہ ہوگا۔
یہ بھی پڑھیں:
’۔۔۔کیونکہ پاکستان کا سائز بھارت کے مقابلے میں نسبتاً چھوٹا ہے، پاکستان کے برانڈ امیج میں حالیہ بہتری بھی ملکی آئی ٹی کمپنیوں کے لیے ایک مثبت پیش رفت ہے۔‘
رواں ماہ کے آغاز میں امریکی حکومت نے پاکستانی مصنوعات پر 19 فیصد ریسیپروکل ٹیرف عائد کیا، جو پہلے تجویز کردہ 29 فیصد سے کم ہے۔ دوسری طرف بھارتی مصنوعات کو 50 فیصد تک کے اضافی امریکی ٹیرف کا سامنا ہے، جو روسی تیل کی درآمدات میں اضافے کے باعث عائد کیا گیا ہے، اس میں سے 25 فیصد ٹیرف نافذ ہو چکا ہے جبکہ باقی 25 فیصد 27 اگست سے لاگو ہوگا۔
مزید پڑھیں:
برٹش امریکن ٹوبیکو انٹرنیشنل ہولڈنگز (یوکے) لمیٹڈ سے برٹش امریکن ٹوبیکو ایس اے اے سروسز (پرائیویٹ) لمیٹڈ کے حصول کے حوالے سے کمپنی نے مالی تفصیلات ظاہر کرنے سے گریز کیا تاہم کہا کہ یہ ڈیل سسٹمز لمیٹڈ کے لیے ایک ’گیم چینجر‘ ثابت ہوگی اور ترقی کے نئے دروازے کھولے گی۔
آرٹیفشل انٹیلیجنس یعنی مصنوعی ذہانت سے بڑھتی ہوئی مسابقت کے بارے میں انتظامیہ نے بتایا کہ کمپنی اپنے وسائل کو جدید رحجانات کے مطابق تربیت دینے پر کام کر رہی ہے تاکہ عالمی مارکیٹ میں مسابقت برقرار رکھی جا سکے۔
مزید پڑھیں:
کمپنی نے کہا کہ وہ مستقبل میں بھی ایسے ممکنہ انضمام اور خریداری کے مواقع تلاش کرے گی جو اس کے تذویراتی مقاصد سے ہم آہنگ ہوں، یاد رہے کہ گزشتہ ماہ سسٹمز لمیٹڈ نے ایک آئی ٹی اور آئی ٹی اینیبلڈ سروسز کمپنی کے ممکنہ حصول میں دلچسپی ظاہر کی تھی۔
سسٹمز لمیٹڈ کا قیام 1977 میں ایک پرائیویٹ کمپنی کے طور پر ہوا، جسے 2005 میں پبلک لمیٹڈ اور 2015 میں پاکستان اسٹاک ایکسچینج پر لسٹ کیا گیا، کمپنی بنیادی طور پر سافٹ ویئر ڈویلپمنٹ اور بزنس پروسیس آؤٹ سورسنگ کی خدمات فراہم کرتی ہے اور پاکستان سمیت امریکا، برطانیہ، یورپ اور مشرق وسطیٰ میں نمایاں موجودگی رکھتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ٹی انڈسٹری آرٹیفشل انٹیلیجنس امریکی ٹیرف برٹش امریکن ٹوبیکو انٹرنیشنل ہولڈنگز سافٹ ویئر مصنوعی ذہانت.ذریعہ: WE News
کلیدی لفظ: آئی ٹی انڈسٹری ا رٹیفشل انٹیلیجنس امریکی ٹیرف سافٹ ویئر مصنوعی ذہانت آئی ٹی انڈسٹری سسٹمز لمیٹڈ کے لیے
پڑھیں:
پاکستان کو ایک ارب ۲۰ کروڑ ڈالر کی تیسری قسط کی منظوری متوقع
پاکستان کیلیے ایک ارب 20 کروڑ ڈالر کی تیسری قسط کی منظوری کے معاملے پر آئی ایم ایف کے ایگزیکٹو بورڈ کا اجلاس دسمبرمیں ہوگا۔ ذرائع وزارت خزانہ کے مطابق بین الاقوامی مالیاتی ادارے (آئی ایم ایف) کےدسمبر میں ہونے والے ایگزیکٹو بورڈ کے اجلاس میں پاکستان کے لیے ای ایف ایف پروگرام کےتحت ایک ارب ڈالرکی تیسری قسط کی منظوری دی جائےگی۔ اجلاس میں کلائمیٹ فنانسنگ کی مدمیں 20 کروڑ ڈالر بھی منظور کیے جائیں گے۔ یہ اضافی فنڈز کلائمیٹ ریزیلینس فنانسنگ کے تحت حاصل ہوں گے۔ ذرائع کے مطابق پاکستان اورآئی ایم ایف کےدرمیان اسٹاف لیول معاہدہ 15 اکتوبرکوطےپایا تھا، جس کے بعد امید ہے کہ جاری قرض پروگرام کےتحت اگلی قسط کی منظوری دے دی جائے گی۔
ترکیہ برطانیہ سے 20 یورو فائٹر طیارے خریدے گا، معاہدے طے