پاکستانی کرکٹ کے نئے ستارے جگمگانے لگے، ٹی20 رینکنگ میں نمایاں ترقی
اشاعت کی تاریخ: 3rd, September 2025 GMT
قومی کرکٹ ٹیم میں نوجوان کھلاڑیوں پر توجہ اب نتائج دینا شروع کرچکی ہے۔ مڈل آرڈر بیٹر حسن نواز نے مسلسل عمدہ اننگز کھیل کر ترقی کا سلسلہ جاری رکھا اور تازہ ترین رینکنگ میں 31ویں نمبر پر پہنچ گئے ہیں۔
آئی سی سی کی جانب سے جاری ٹی20 رینکنگ کے مطابق قومی کپتان سلمان علی آغا نے شاندار چھلانگ لگاتے ہوئے 18 درجے ترقی کے ساتھ 59ویں پوزیشن حاصل کرلی، حالانکہ ٹیم کی بنگلہ دیش اور جاری سہ فریقی سیریز میں کارکردگی ملی جلی رہی ہے۔
یہ بھی پڑھیں: ڈریسنگ روم میں کھلاڑیوں کے سونے کا معاملہ، ٹیم کے اہم کھلاڑی نے نئے راز کھول دیے
اس دوران بابر اعظم اور محمد رضوان کی غیر موجودگی نے انہیں رینکنگ میں مزید نیچے دھکیل دیا ہے، جو اس بات کا ثبوت ہے کہ اسکواڈ میں نئی نسل اب مرکزی حیثیت اختیار کر رہی ہے۔
اسی طرح صاحبزادہ فرحان اور صائم ایوب کو بھی انٹرنیشنل کرکٹ کے معیار سے ہم آہنگ ہونے میں مشکلات کا سامنا ہے جس کے باعث وہ رینکنگ میں نیچے چلے گئے ہیں۔
بیٹنگ کے چارٹ میں بھارت کے ابھیشیک شرما بدستور سرفہرست ہیں، جبکہ ان کے بعد تلک ورما، فل سالٹ، جوز بٹلر اور ٹریوس ہیڈ کے نام آتے ہیں۔
بولنگ کے محاذ پر بھی پاکستان کے لیے اہم پیش رفت ہوئی ہے۔ اسپنرز کی جوڑی صفیان مقیم اور محمد نواز نے نمایاں ترقی کی۔ صفیان 11 درجے ترقی کے ساتھ 22ویں پوزیشن پر پہنچ گئے اور یوں وہ پاکستان کے سب سے نمایاں بولر بن گئے، جبکہ محمد نواز نے 15 درجے اوپر آتے ہوئے 43ویں نمبر پر جگہ بنائی۔
فاسٹ بولرز میں شاہین آفریدی نے بھی ترقی کرتے ہوئے 26ویں نمبر پر قبضہ جمایا، تاہم حارث رؤف 4 درجے نیچے جا کر 28ویں پوزیشن پر پہنچ گئے۔
یہ بھی پڑھیں: پی سی بی کا سینٹرل کنٹریکٹس پر غور، ڈی کیٹیگری میں بڑی تبدیلیاں، نئے چہرے سامنے آئیں گے
اگرچہ پاکستان کی ٹی20 ٹیم نے حالیہ مہینوں میں غیر مستقل کارکردگی کا مظاہرہ کیا ہے، لیکن اس میں کوئی شک نہیں کہ نئے کھلاڑی تیزی سے ابھر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹی20 رینکنگ حسن نواز رینکنگ میں بہتری عمدہ اننگز قومی کرکٹ ٹیم نوجوان کھلاڑی وی نیوز.ذریعہ: WE News
کلیدی لفظ: ٹی20 رینکنگ حسن نواز رینکنگ میں بہتری قومی کرکٹ ٹیم نوجوان کھلاڑی وی نیوز
پڑھیں:
اے ٹی ایم اور بینک سے رقم نکلوانے پر چارجز میں نمایاں اضافہ
وفاقی حکومت نے ٹیکس نیٹ کو مزید سخت کرنے کا فیصلہ کرلیا جس کے تحت نان فائلرز کو اے ٹی ایم یا بینک سے رقم نکلوانے پر زیادہ ٹیکس ادا کرنا پڑ سکتا ہے۔ ذرائع کے مطابق حکومت نے ٹیکس نیٹ کو وسعت دینے اور محصولات میں اضافے کیلئے نئے اقدامات تجویز کیے ہیں جو جلد نافذالعمل ہوسکتے ہیں۔ رپورٹس کے مطابق نان فائلرز سے بینک سے نقد رقم نکلوانے پر ٹیکس کی شرح 0.8 فیصد سے بڑھا کر 1.5 فیصد کرنے پر غور کیا جا رہا ہے۔ اس مجوزہ اقدام سے حکومت کو سالانہ تقریباً 30 ارب روپے کی اضافی آمدن حاصل ہونے کی توقع ہے، تاہم اس سے لاکھوں نان فائلرز کو ہر اے ٹی ایم یا بینک ٹرانزیکشن پر دوگنا ٹیکس ادا کرنا ہوگا، جس سے عام شہریوں کی جیب پر اضافی بوجھ پڑنے کا خدشہ ہے۔ ذرائع کا کہنا ہے کہ یہ تجاویز حکومت کے ریونیو شارٹ فال کو پورا کرنے کیلئے پیش کی گئی ہیں، کیونکہ رواں مالی سال کی پہلی ششماہی میں ایف بی آر اپنے محصولات کے ہدف سے پیچھے رہا۔ جاری کردہ اعداد و شمار کے مطابق ہدف 3083 ارب روپے تھا، تاہم ایف بی آر صرف 2885 ارب روپے جمع کر سکا۔ یاد رہے کہ اس سے قبل نان فائلرز کے بینک سے رقوم نکلوانے پر ٹیکس کٹوتی میں اضافہ کیا گیا، یومیہ 50 ہزار سے زائد رقم نکلوانے پرٹیکس 0.6 فیصد سے بڑھا کر 0.8 فیصد کیا گیا، اس سے پہلے یومیہ 50 ہزار سےزائد رقم نکلوانے پر0.6 فیصد ٹیکس عائد تھا۔
کراچی، نادرن بائی پاس پر پلاسٹک کے گودام میں آگ لگ گئی