سکندر رضا ون ڈے کے نمبر ون آل راؤنڈر بن گئے
اشاعت کی تاریخ: 3rd, September 2025 GMT
زمبابوے کے پاکستانی نژاد آل راؤنڈر سکندر رضا نے انٹرنیشنل کرکٹ کونسل (آئی سی سی) کی تازہ ون ڈے رینکنگ میں دنیا کے نمبر ون آل راؤنڈر کا اعزاز حاصل کر لیا۔
سری لنکا کے خلاف ون ڈے سیریز میں شاندار کارکردگی کے بعد انہوں نے افغانستان کے محمد نبی کو پیچھے چھوڑتے ہوئے پہلی پوزیشن سنبھال لی۔ بیٹنگ رینکنگ میں بھی ان کی پوزیشن بہتر ہوئی اور وہ 9 درجے ترقی کے بعد 22ویں نمبر پر پہنچ گئے، جبکہ بولنگ میں ایک درجہ بہتری سے 38ویں نمبر پر آ گئے۔
بیٹنگ رینکنگ میں پاکستان کے کپتان بابر اعظم بدستور تیسرے نمبر پر موجود ہیں۔ محمد رضوان ایک درجہ تنزلی کے بعد 26ویں جبکہ فخر زمان ایک درجہ بہتری کے ساتھ 27ویں نمبر پر ہیں۔
New No.
More as a Zimbabwe all-rounder stands at the top of the latest ICC ODI rankings ⬇️https://t.co/73Dg25vySJ
— ICC (@ICC) September 3, 2025
ٹی ٹوئنٹی رینکنگ میں بابر اعظم اور محمد رضوان کی تنزلی ہوئی ہے اور وہ بالترتیب 21ویں اور 22ویں نمبر پر آ گئے ہیں۔ حسن نواز 31ویں، صائم ایوب 40ویں نمبر پر ہیں۔ بولنگ میں سفیان مقیم 22ویں، شاہین شاہ آفریدی 26ویں اور حارث رؤف 28ویں پوزیشن پر ہیں۔
ذریعہ: Daily Mumtaz
پڑھیں:
ایم ڈی کیٹ میں کراچی کے طلبہ بازی لے گئے، 41 بچے ٹاپ 10 میں شامل
آئی بی اے سکھر یونیورسٹی کے ایم ڈی کیٹ 2025 کے ٹیسٹ میں کراچی کے طلبہ سندھ کے تمام اضلاع کے طلبہ پر بازی لے گئے اور پہلی تینوں پوزیشنز کراچی کے نام رہیں جبکہ ٹاپ ٹین میں شامل 124 امیدواروں میں سے 41 امیدواروں کا تعلق کراچی سے ہے۔آئی بی اے سکھر کے ایم ڈی کیٹ کے ابتدائی نتائج کے مطابق سندھ بھر کے تعلیمی بورڈز سے اے ون اور اے گریڈ لانے والے طلبہ کی اکثریت یعنی 56 فیصد امیدوار ایم بی بی ایس کے ایم ڈی کیٹ ٹیسٹ میں فیل ہوگئے جبکہ بی ڈی ایس کے 48 فیصد امیدوار ٹیسٹ میں ناکام ہوگئے۔ نتائج کے مطابق 14300 امیدوار 55 فیصد (99) یا اس سے زائد نمبر لا کر کامیاب ہو سکے جبکہ بی ڈی ایس کے لیے 17123 امیدوار 50 فیصد (90) یا اس سے زائد نمبر لا کر کامیاب ہوئے۔اس طرح 56 فیصد امیدوار ایم بی بی ایس کے ٹیسٹ میں ناکام ہوگئے جبکہ بی ڈی ایس میں 48 فیصد امیدوار ناکام ہوگئے۔ ایم ڈی کیٹ نتائج کے مطابق سید محمود خان ولد عدالت خان کراچی ضلع غربی نے ایم ڈی کیٹ میں سب سے زیادہ نمبر حاصل کیے، انھوں نے 180 میں سے 175 نمبر حاصل کیے، کراچی کورنگی کے فیصل اشرف خان ولد نوید اشرف خان اورضلع قمبر شہداد کوٹ کے شیراز حسین ولد نیاز حسین مغیری 174 نمبر لے کر دوسرے نمبر پر رہے۔کراچی شرقی کے محمد ریان ہمایوں ولد ہمایوں فاروق، کورنگی کی ماہ نور شاہنواز بنت سید شاہنواز حسین اور حیدرآباد کی حرا عابد ولد عابد علی سیہتو 173 نمبر لا کر تیسرے نمبر پر رہے۔124امیدوار ٹاپ ٹین میں شامل رہے جن میں سے 41امیدواروں کا تعلق کراچی سے ہے۔آئی بی اے سکھر یونیورسٹی کے وائس چانسلر ڈاکڑ آصف شیخ نے بتایا کہ ایم ڈی کیٹ 2025 کے عارضی نتائج کا باقاعدہ اعلان کیا جاچکا ہے اور یکم نومبر 2025کو شام 5:00بجے تک امیدوار وں کو شکایت کے اندراج کا وقت دیا گیا ہے کہ اگر کوئی شکایت ہے تو اس کا اندراج ای میل کے ذریعے کردیں، اتوار کو شام 5 بجے حتمی نتائج جاری کر دیئے جائیں گے۔
رائے ونڈ عالمی تبلیغی اجتماع 6نومبر کو ہوگا،تیاریاں آخری مراحل میں