پاک سعودی ڈیفینس معاہدہ دونوں ملکوں کیلئے مثبت ہے؛ بلاول بھٹو
اشاعت کی تاریخ: 19th, September 2025 GMT
سٹی 42 : پاکستان پیپلزپارٹی کے چیئرمین بلاول بھٹو نے کہا ہے کہ سعودی عرب کے ساتھ جو معاہدہ ہوا وہ پاکستان کے حق میں ہے ، پاک سعودی ڈیفینس معاہدہ دونوں ملکوں کے لیئے مثبت ہے۔ حال ہی میں جنگ میں ہم نے بھارت کو شکست دی ہے، ہر پاکستانی مکہ مدینہ کی حفاظت کرنا چاہتا ہے ۔
پاکستان پیپلزپارٹی کے چیئرمین بلاول بھٹو نے کیماڑی میں ٹی پی ون گٹر باغیچہ کا دورہ کیا۔اس موقع پر بلاول بھٹو نے میڈیا سے گفتگو کرتے ہوئے کہا کہ وزیراعظم کی توجہ بار بار کراچی کی طرف دلواتےہیں، امید ہے وزیراعظم کراچی کے منصوبوں پر ’شہباز اسپیڈ‘ سے کام کریں گے۔ انہوں نے کہاکہ مخالفین سیاست کرنے کا کوئی موقع ہاتھ سے جانے نہیں دیتے، قدرتی آفات پر سیاست نہیں ہونی چاہیے ۔
ڈالر کی قیمت میں کمی
بےنظیر انکم سپورٹ پروگرام کے ذریعہ سیلاب متاثرین کی مدد کی جائے، حکومت عالمی سطح پر سیلاب متاثرین کیلئے امداد کی اپیل کرے ۔ انہوں نے کہا کہ نئی حب کینال کی تعمیر سے کراچی کیلئے پانی کی سپلائی بڑھائی، کراچی کے پانی کا حل مل کر نکالنا ہے۔
بلاول بھٹو نے کہا کہ سیلاب سے جنوبی پنجاب کے لوگ سب سے زیادہ متاثر ہوئے ہیں ، تاریخی سیلاب کے اثرات عوام بھگت رہے ہیں، بدقسمتی سے وفاق نے سیلاب متاثرین کی مدد کے لیے دنیا سے اپیل نہیں کی۔ انہوں ںے کہا کہ سندھ کے کچے کے لوگ سیلاب سے متاثر ہوئے ہیں، کے پی گلگت بلتستان اور پنجاب سیلاب سے متاثر ہوئے ہیں۔ صحت کے حوالے سے بہت سارے مسائل جنم لیں گے۔
مہنگائی سے متعلق ہفتہ وار رپورٹ جاری
انہوں نے کہا کہ آج بھی سمجھتا ہوں کہ وزیر اعظم عالمی سطح پر اپیل کریں ، بے نظیر بھٹو انکم سپورٹ پروگرام کے تحت مدد کی جائے۔
.
ذریعہ
ذریعہ: City 42
کلیدی لفظ: بلاول بھٹو کہا کہ نے کہا
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ